မီးခိုးများနှင့်နှင်းဆီ

            လမ်းမသည် မိုးရွာပြီးခါစဖြစ်၍ ပြောင်ချောတောက်ပနေ၏။ လမ်းပေါ်တွင် ထီးအစင်းစင်းဖြင့် လူအချို့သာ သုတ်ကြီးသုတ်ပျာဖြင့် သွားလာနေကြသည်။ ကျွန်တော်သည် ဖုန်တက်နေသော အရုပ်များကို အဝတ်စသေးသေးဖြင့် ပွတ်တိုက်ရင်း သီချင်းတစ်ပုဒ်ကို ခပ်တိုးတိုး ဆိုညည်းလိုက်မိ၏။

            'အရောင်းထိုင်းလိုက်တာ'

            စိတ်မှတ်မထင် ညည်းလိုက်ရင်း လမ်းမကို ငေးကြည့်လိုက်သည်။ ဘယ်သူတစ်ဦးတစ်ယောက်ကမှ ကျွန်တော့်ဆိုင်ကို စိတ်ဝင်စားပုံ မပေါ်ပါ။ ကလေးတစ်ဦးတစ်လေများ တွေ့ရမလားဟု မျှော်လင့်တကြီးနဲ့ ငေးကြည့်နေမိ၏။ တွဲလွဲချိတ်ထားသော ဆိုင်မျက်နှာစာမှ အရုပ်များသည် ကလေးများကို အနည်းငယ်မျှပင်ဖြစ်စေ ဆွဲဆောင်နိုင်ပါလိမ့်မည်။ မွေးပွရုပ် နူးနူးညံ့ညံ့ကလေးများကို ကလေး၏ လက်သေးသေးလေးများဖြင့် ကိုင်တွယ်ပူဆာလျှင်…။ ထိုမြင်ကွင်း၏ နူးညံ့ရိပ်များက ကျွန်တော့်အာရုံ၏ သွေးကြောမျှင်များကို တဆတ်ဆတ်တုန်သွားအောင် လှုပ်နှိုးပစ်လိုက်၏။ ရယ်သံများဖြင့် လိမ်းကျံနေမည့် ကလေး၏ အသံလွင်လွင်သေးသေးလေးကို ကျွန်တော် ကြားယောင်လာ၏။ အမေ သို့မဟုတ် အဖေ၏ လက်ကို မမီမကမ်း လှမ်းဆွဲရင်း မျှော်လင့်တကြီး ကြည့်သည့် မျက်ဝန်းညိုရိပ်များ။ ထိုမျက်ဝန်းညိုကလေး၏ အပြစ်ကင်းသော ဖြူစင်မှုတွင် မရနိုင်ခြင်းဟူသော အရာတစ်ခု စွန်းထင်းသွားသည့်အခါ…။ ကျွန်တော့် ရင်ထဲတွင် တစ်စုံတစ်ရာဖြင့် ဆောင့်တွန်းခံလိုက်ရသလို နင့်သွား၏။

            'ဒါ ကလေးတစ်ယောက်ရဲ့ မျှော်လင့်မှု၊ ပြီးတော့ တောင်းဆိုမှု'

            ကျွန်တော်သည် သက်ပြင်းတစ်ချက်ကို ဗလုံးဗထွေးနှင့် မျိုချလိုက်သည်။ အဲဒီလိုဆိုရင်တော့ ကျွန်တော့်အရုပ်ဆိုင်သည် ကလေးတစ်ယောက်၏ မျှော်လင့်မှုကို စုပ်ယူပြီး ရိုက်ချိုးတတ်သော ဆိုင်တစ်ဆိုင် ဖြစ်သွားတော့မည်။ ဖြစ်နိုင်ရင်တော့ ကလေးတစ်ယောက်၏ မျှော်လင့်မှုတွေကို ကျွန်တော် မဝါးမြိုလိုပါ။ ကျွန်တော် ဝါးမြိုခဲ့မိသော မျှော်လင့်ခြင်းတွေ ဘယ်လောက်များနေပြီလဲဆိုတာတောင် ကျွန်တော့်ကိုယ် ကျွန်တော် မသိခဲ့။

            ဆိုင်ထောင့်တွင် ချိတ်ထားသော ဘတ်မင်တန်နှစ်ခုကို ကျွန်တော် ကြည့်မိပြန်သည်။ ဟိုတစ်နေ့က ဆိုင်ကိုလာသည့် ကောင်လေးတစ်ယောက်၏ ဆံပင်ရှည်စင်းစင်းများကို ငေးရင်း ကျွန်တော် ဘတ်မင်တန်နှစ်ခုကို ဈေးလျှော့ပြီး ရောင်းခဲ့၏။ ထိုကောင်လေးက သူ့ဘတ်မင်တန်ကို လှမ်းယူရင်း ကျွန်တော့်ကို ပြုံးပြသည့်အခါ ကျွန်တော်သည် လွန်ခဲ့သော နှစ်ပေါင်းများစွာက ကောင်မလေးတစ်ဦးကို သတိရမိ၏။

          ကျွန်တော်နှင့်နုနုခင်

            နုနုခင်သည် ကျွန်တော်၏ ပထမဆုံး အမျိုးသမီးမိတ်ဆွေတစ်ဦး ဖြစ်၏။ ဆံပင်ရှည်စင်းစင်းများကို ဝဲခနဲနေအောင်ခါပြီး လေ၌လွင့်ဝဲသွားသည့်အခါ ကျွန်တော်၏ ရင်ခုန်သံတို့တွင် ကြည်နူးနှစ်သိမ့်ခြင်းများဖြင့် ကွန့်မြူးနေတတ်သည်။

            'ရှင်နဲ့ ကျွန်မ ဘတ်မင်တန် ရိုက်ရအောင်'

            နုနုခင်က အရင် ကျွန်တော့်ကို စိန်ခေါ်ခဲ့ခြင်း ဖြစ်သည်။

            'ဘတ်မင်တန် ရိုက်တယ်ဆိုတာ တကယ်တော့ ဘဝမှာ နေတတ်အောင် လေ့ကျင့်ခြင်းတစ်မျိုးပဲ။ ကိုယ့်ဆီကို တစ်ဖက်က ရိုက်ချလိုက်တဲ့အခါမှာ ဘယ်အကွက်ကို ဘယ်လိုပြန်ရိုက်မယ်ဆိုပြီး အဆင်သင့်စောင့်နေမှု၊ ဒါ ဘဝမှာ အလိုအပ်ဆုံးပဲ'

            ကျွန်တော် နုနုခင်ကို အလန့်တကြား ကြည့်မိ၏။ သူမ နှုတ်ခမ်းပါးပါးကို ခပ်မဲ့မဲ့ပြုံးရင်း

            'ကျွန်မအတွက်ကတော့ တုံ့ပြန်မှုဆိုတာ တကယ်ကို လိုအပ်တယ်' ဟု ထပ်ပြောသည်။

            အဲဒီနောက်ပိုင်းတွင်တော့ နုနုခင်နှင့် ကျွန်တော်မတွေ့မိတော့။ သွားလေရာရာ ယူသွားတတ်သော သူမပိုင် ဘတ်မင်တန်အကြီးစားတစ်ခုကို ကျွန်တော်သတိရတိုင်း နုနုခင်ကို ကျွန်တော် သတိရမိ၏။ သူမ ကစားပွဲတိုင်းမှာ အမြဲနိုင်သလို ဘဝမှာရော တကယ်နိုင်ခဲ့ရဲ့လား။ ဖြူတစ်ကောင်၏ ဆူးတောင်များလို အစဉ်ပြန့်ကားနေတတ်သည့် သူမ၏ အတ္တ၊ မာနတို့သည်ရော သူမကို ကာကွယ်နိုင်ပါ့မလား။ ကျွန်တော် မသိချေ။

            ကျွန်တော် အသိချင်ဆုံးမှာ နုနုခင် ဒီအရွယ်ထိ ဘတ်မင်တန်ရိုက်နေတုန်းပဲလား။ သူမမျက်လုံး နက်ပြောင်ပြောင်များသည် သားကောင်ကို ချောင်းနေသော မုဆိုးလို အမြဲအဆင်သင့် ဖြစ်နေတုန်းပဲလားဆိုတာကိုပင်။

            'ဘောလုံးရှိလား'

            ကျွန်တော် နုနုခင်အကြောင်း တွေးနေတာ မည်မျှကြာသည်မသိ။ လူငယ်လေးတစ်ယောက် ဘောလုံးလာမေးမှ အလန့်တကြား မော့ကြည့်မိ၏။

            ကောင်လေးပုံစံက အသားညိုညို ဆံပင်ခပ်တိုတိုနှင့် မျက်လုံး ခပ်တောက်တောက်ပင်။ အောင်ကျော်။ ကျွန်တော့်သူငယ်ချင်း အောင်ကျော်လို ပုံစံမျိုး။ တိုက်တိုက်ဆိုင်ဆိုင် နုနုခင်ကို သတိရသည့်နေ့မှာ အောင်ကျော်နှင့်တူသော ကောင်လေးကို တွေ့နေရသည်။

            အောင်ကျော် ဘယ်ရောက်နေပြီလဲ။ အောင်ကျော်နဲ့ကျွန်တော် နောက်ဆုံး တွေ့ခဲ့ကြတာ တက္ကသိုလ်မှ ဒုတိယနှစ် စာမေးပွဲအပြီးတွင် ဖြစ်သည်။ အဲဒီနောက်တွင်တော့ အောင်ကျော်နှင့် ကျွန်တော် မဆုံဖြစ်ကြတော့ပါ။

            ကျွန်တော်နှင့်အောင်ကျော်

            'ဘဝကို ကစားကွင်းတစ်ခုလိုမျိုး သဘောထားသူ' ဟု နုနုခင်က သတ်မှတ်ခဲ့သော အောင်ကျော်။ ခြေထောက်အလိမ်၊ ဘောလုံးအသယ်အပို့ ကျွမ်းကျင်သော အားကစားသမားတစ်ဦးအဖြစ် ကျောင်းမှာ နာမည်ကြီးသူ အောင်ကျော်။ နုနုခင်နှင့် ကျွန်တော် ဆုံစည်းခဲ့ရတာ ကျောင်းကန်တင်းတစ်ခု၌ ဖြစ်သည်။ အဲဒီတုန်းက အောင်ကျော် ဘောလုံးပွဲတစ်ခုမှ ပြန်လာခါစဖြစ်၏။

            'ဘောလုံးကစားတာ ဘဝမှာ အောင်မြင်ဖို့ နည်းလမ်းတစ်ခုကို အရယူနေတာနဲ့ တူတယ်'

            နုနုခင်လိုမျိုးပင်။ သူသည် ဘောလုံးနှင့် ဘဝကို ဆက်စပ်ဖို့ ကြိုးစားနေသူ တစ်ဦးပင်ဖြစ်သည်။

            'ကိုယ့်ဆီရောက်လာတဲ့ ဘောလုံးတစ်လုံးကို ကိုယ်ဂိုးသွင်းနိုင်ရင်သွင်း၊ မသွင်းနိုင်ရင် ဂိုးသွင်းနိုင်မယ့် ကိုယ့်လူတစ်ယောက်ဆီ ပို့ပေးရတာ မဟုတ်လား။ အဲလိုပဲ လူ့ဘဝဆိုတာ ကိုယ်ရလာတဲ့ အခွင့်အရေးတစ်ခုကို ခြေကုတ်ယူပြီး အောင်မြင်အောင် ဂိုးမသွင်းနိုင်ရင် ဂိုးသွင်းနိုင်မယ့် ကိုယ့်လူတစ်ယောက်ဆီ လွှဲပေးရတာပဲ။ ကိုယ့်ပြိုင်ဘက်ဟာ ကိုယ့်ကိုကျော်မသွားနိုင်အောင်လို့ သတိထားရတာပဲဗျ'

            အောင်ကျော့် အတွေးအခေါ်တွေက ကြောက်စရာ။ ပြိုင်ဘက်၊ အခွင့်အရေးတဲ့။

            'ဘောလုံးကန်ရတာ လူတွေရဲ့ စိတ်ဓာတ်ပိုသိလာတယ်။ ဥပမာ ရှုံးလာပြီဆိုရင်လေ'

            အောင်ကျော်က နာနေသော ခြေထောက်ကို ပရုပ်ဆီလိမ်းရင်း ကျွန်တော့်ကို ဆက်ပြော၏။

            'ဒီအတိုင်းကြည့်ရင်တော့ ဟုတ်သလိုလိုပါပဲ။ ဒါပေမယ့် တကယ်ဆုံးရှုံးလာပြီဆိုတော့ ညစ်ချင်တဲ့သူ၊ ချချင်တဲ့သူ၊ ခြေထိုးခံတဲ့သူနဲ့ အမျိုးမျိုးတွေ့ရတာပဲ။ အဲဒီအခါကျမှ ဘယ်သူ လူမှန်ဆိုတာ သေသေချာချာ သိရတာဗျ။ ဒါကြောင့် ဘောလုံးကစားရတာ ဘဝတစ်ဘဝနဲ့ သိပ်တူတာပဲလို့ ပြောတာ'

            အောင်ကျော့်မျက်နှာသည် ထိုအချိန်က နာကျင်မှုများနှင့် ခါးသီးနေသည်။

            'လူတိုင်းလူတိုင်းဟာ ကိုယ့်ကို မထိခင်ကတော့ ယုန်ငယ်လေးလိုလို၊ သိုးငယ်လေးလိုလိုနဲ့ တကယ် ကိုယ့်ကို ထိလာပြီဆိုရင် အစွယ်တွေ ဖွက်ထားတဲ့လက်သည်းတွေ၊ မြေခွေးအနံ့တွေ၊ ဝံပုလွေ အနံ့တွေဟာ အလိုလို ထွက်လာကြတာပါ'

            နုနုခင်က ဝင်ပြောလိုက်ခြင်း ဖြစ်သည်။ အောင်ကျော်က နုနုခင်ကို မယုံမရဲဟန်လား။ စူးစမ်းဟန်နဲ့လားလို့ ပြောရင်ခက်သည့် အကြည့်တစ်မျိုးနဲ့ ကြည့်သည်။ နုနုခင်က ဘာကိုမှ သူ ပြောလိုက်တာ မဟုတ်သည့် ပုံစံမျိုးနဲ့ ခပ်အေးအေးပဲ။ အဲဒီနောက်တော့ ကျွန်တော်တို့ သုံးဦး ဘဝနဲ့ ခံနိုင်ရည်စွမ်းအားများ အကြောင်း ဆက်လက်ပြောဖြစ်ကြ၏။ ပြီးတော့ ရွေးချယ်မှုအကြောင်း။

            'ကျွန်မကတော့ ကိုယ်ရွေးချယ်သလို ဘဝမှာ ရွေးချယ်ခွင့်ရမယ်ဆိုရင် ကျွန်မထက် သိပ်တော်ပြီး သိပ်ထက်မြက်တဲ့ ယောက်ျားတစ်ယောက်ကို လိုချင်တယ်။ ဘာလို့လဲဆိုတော့ အဲဒီလူဟာ ကျွန်မယောက်ျားပါဆိုပြီး ဂုဏ်ယူချင်လို့'

            နုနုခင်က သူမ၏ မိန်းမစိတ်ကို ဖွင့်ပြ၏။

            'ကျွန်တော်ကတော့ ဘောလုံးတစ်လုံးပဲ ဖြစ်ချင်တယ်။ ဘာလို့လဲဆိုတော့ လေထဲမှာ လွင့်ဝဲပြီး ဂိုးတိုင်ထဲဝင်သွားတဲ့အခါမျိုးမှာ တွေ့ရတတ်တဲ့ ဘောလုံးရဲ့အလှကို ဘယ်မှာမှ ကျွန်တော် မတွေ့ဖူးသေးဘူး။ ဘောလုံးတစ်လုံးရဲ့ အပြုံးမပျက် အကန်ခံနိုင်တဲ့ စိတ်ဓာတ်။ အဲဒီ စိတ်ဓာတ်ကို ကျွန်တော် သဘောကျတယ်'

            အောင်ကျော့် မျက်လုံးတောက်တောက်ကို ကျွန်တော်ကြည့်မိသည်။ ပြီးတော့ သက်ပြင်းတစ်ချက်ကို ခပ်ဖွဖွချလိုက်ရင်း

            'ကျွန်တော်ကတော့ သိပ်လှပြီး တစ်ကိုယ်ကောင်းသိပ်ဆန်တဲ့ မိန်းမတစ်ယောက်ကို ကြောင်ကလေးလို ပွတ်သပ်ချော့မြှူချင်တယ်။ ဒါပေမယ့် အဲဒီမိန်းမဟာ သိပ်ကြောက်စရာကောင်းတဲ့ ကျားတစ်ကောင်ပါ'

            နုနုခင်က ကျွန်တော့်ကို တစ်စုံတစ်ခုပြောဖို့ ပြင်လိုက်၏။

            အောင်ကျော်က လျှို့လျှို့ဝှက်ဝှက်ပြုံး၏။

            ကျွန်တော်တို့ သုံးဦးလုံး ပြိုင်ပွဲတစ်ခုကို ရောက်မှန်းမသိ ရောက်ခဲ့ကြ၏။

 

            ကျွန်တော်၊ အောင်ကျော်နှင့် နုနုခင်

            အောင်ကျော်က ကျွန်တော့်ကို တစ်ဘက်အသင်းလို သဘောထားစဉ် နုနုခင်ကလည်း ကျွန်တော်နှင့် အောင်ကျော်တို့ထံမှ ရောက်လာမည့် စကားကို ဘယ်လိုရိုက်ထုတ်ပစ်ရမလဲဟု ကြိုတင်ကြံစည်နေခဲ့၏။

            အောင်ကျော်သည် သူဖြစ်ချင်သလို ဘောလုံးတစ်လုံးမဖြစ်ခဲ့။ ကျားနာတစ်ကောင်နှင့်သာ ခပ်ဆင်ဆင် တူနေခဲ့သည်။ နုနုခင်သည်လည်း သူတော်သည်ဟု တစ်ခါမျှ မထင်ခဲ့ဖူးသူ လူတစ်ယောက်ကို ရွေးချယ်သွားခဲ့၏။

            'သူက လက်တွေ့ဆန်တယ်' လို့ နုနုခင်က သူ့ယောက်ျားနှင့် ပတ်သက်ပြီး အောင်ကျော်နှင့် ကျွန်တော့်ကို ပြောပြသည်။ လက်တွေ့ဆန်တယ်တဲ့။ နုနုခင်သည် ဘဝကို ဖြတ်သန်းရန်အတွက် လက်တွေ့ဆန်စွာပင် ပိုက်ဆံရှာနိုင်သူတစ်ဦးကို ရွေးချယ်သွားခဲ့၏။

            'မင်းကို ငါ ဘောလုံးမပေးခဲ့ဘဲနဲ့ ငါကန်မိလိုက်လို့ ဒီဂိုးမဝင်တာပါကွာ'

            အောင်ကျော်က တောက်တခေါက်ခေါက်နှင့်။ ဘောလုံးကိုလည်း လှိမ့်လှိမ့်ကန်နေသည်။

            နောက်ပိုင်း အောင်ကျော် နိုင်ငံခြားထွက်သွားတော့ သူနဲ့ကျွန်တော် မတွေ့ဖြစ်တော့ပါ။ အောင်ကျော် ဒီအရွယ်အထိ ဘောလုံးကန်တုန်းပဲလား။ ဘောလုံးတစ်လုံးဘဝကို လိုချင်သေးတုန်းပဲလားဆိုတာကို ကျွန်တော် သိချင်နေမိသည်။

            အပြင်ဘက်တွင် မိုးများ ထပ်ရွာလာပြန်၏။ ကျွန်တော့် အတွေးစကို ဖြတ်ပြီး ယင်းလိပ်ကို အမြန်ချလိုက်သည်။ လမ်းမ၌လည်း လူတွေ အသီးသီး။ ထိုလူများထဲတွင် နုနုခင်နှင့် အောင်ကျော် ပါ၊မပါ ကျွန်တော် မသိပါ။ နုနုခင်နှင့် အောင်ကျော်ကို အခုနေ ကျွန်တော်တွေ့ရမည်ဆိုရင် အရင်ဆုံး မေးဖြစ်မှာ 'နင်တို့ ကလေးရပြီလား' ဆိုသော မေးခွန်းပင် ဖြစ်သည်။ ကျွန်တော့်ကို သူတို့ ပြန်မေးရင်တော့ လွန်ခဲ့သော နှစ်ပေါင်းများစွာက စိတ်ကူးထဲမှာ ကြောင်မလေးရဲ့ မျက်နှာကို ခပ်ငေးငေးကြည့်ရင်း 'ငါ နင့်ကို သိပ်ချစ်ခဲ့တာ နုနုခင်ရဲ့' လို့ ခပ်ကြောင်ကြောင် ပြောဖြစ်မလား။ ဒါမှမဟုတ် 'နင်တို့ကလေးတွေအတွက် ငါ အရုပ်လက်ဆောင်ပေးလိုက်မယ်' လို့ စကားကို လှီးလွှဲပြောဆိုဖြစ်မလား မသိချေ။

            သေချာတာကတော့ ကျွန်တော်ရော၊ အောင်ကျော်ပါ နုနုခင်ကို တစ်စုံတစ်ရာ ချစ်စကားများ မပြောဖြစ်ခဲ့ကြတာဖြစ်သည်။ ဘာကြောင့် မပြောဖြစ်ဆိုတာကို အောင်ကျော်ရော၊ ကျွန်တော်ပါ သိသော်လည်း နှစ်ယောက်စလုံး မသိချင်ယောင်ဆောင်နေခဲ့၏။ နုနုခင်ရော သိမလား။ ခပ်ပါးပါး နှုတ်ခမ်းတစ်စုံကို ခပ်မဲ့မဲ့ ပြုံးရင်း 'သူက လက်တွေ့ဆန်တယ်' လို့ ပြောခဲ့သော စကားတစ်ခွန်းသည် အောင်ကျော့်အတွက်လား။ ကျွန်တော့်အတွက်လား ဆိုတာကို မသိချေ။

            'သူ ငါတို့နှစ်ယောက်ထဲက တစ်ယောက်ယောက်ကို ချစ်ခဲ့တာ သေချာတယ်' လို့ ကျွန်တော်တို့ နှစ်ယောက်စလုံး ဂုဏ်မယူရဲခဲ့ကြပါ။ ကျွန်တော်တို့ နှစ်ယောက်လုံး နုနုခင်ထက် ပိုတော်ခဲ့ကြခြင်းသည်ပင် နုနုခင်နှင့် ကျွန်တော်တို့ကို လွဲချော်စေခဲ့သလား။

            အပြင်ဘက်မှာတော့ မိုးတွေရွာလို့ ကောင်းဆဲ။

            ဘောလုံးနှင့် ဘတ်မင်တန်များက ဆိုင်ထောင့်မှာ။ ကျွန်တော်သည် မိုးရွာထဲတွင် ဘောလုံးကန်နေသော လူငယ်တစ်ယောက်နှင့် ဘတ်မင်တန်ရိုက်နေသော မိန်းကလေးတစ်ယောက်ကို မျက်စိထဲ မြင်ယောင်နေမိလေသည်။

ပန်းရိပ်ဖြူ

အမှတ် ၁ဝ၄၊ ဇူလိုင်လ၊ ၁၉၉၈ ခုနှစ်

ရွှေအမြုတေ ရုပ်စုံ မဂ္ဂဇင်း

ပြတင်းပေါက်များနှင့်အိမ်

            ပြတင်းပေါက်များနှင့် အိမ်များကို တွေ့တိုင်း ရစ်ငေးတတ်သော အကျင့်သည် ကျွန်မ မှတ်မိသလောက် သိတတ်စအရွယ် နှစ်နှစ်၊ သုံးနှစ်လောက်ကတည်းက စခဲ့သည် ထင်သည်။ ကျွန်မ မွေးဖွားသောအိမ်မှာ မြို့လယ်ကောင်ရှိ သုံးခန်းတွဲတိုက်ခန်းသာမို့ ရှေ့ဝင်တံခါး၊ နောက်ဖေးမီးဖိုချောင် အထွက်တံခါးတို့သာ ပါပြီး ပြတင်းပေါက်တစ်ပေါက်မှ မပါပေ။ ထိုအခါ ပြတင်းပေါက်မမြင်ဖူးသော ကျွန်မသည် ပြတင်းပေါက်များများနှင့် အိမ်များကို တွေ့တိုင်း အထူးအဆန်းသဖွယ် ရပ်ငေးတတ်ခဲ့သည်။

            'မေမေ… အဲဒါ ဘာလဲ' ဟု ကျွန်မ အထူးအဆန်းအဖြစ် မေးတိုင်း မေမေက ရယ်မောကာ ဖြေရမြဲ…။ ကျွန်မ၏ ငယ်ကာလများတွင် အမေက ပြတင်းပေါက်များကို အံ့ဖွယ်တစ်ရပ်အဖြစ် ထင်တတ်သော ကျွန်မ အဖြစ်ကို လူလာတိုင်းပြောကာ ရယ်မောခဲ့သည်ကို မှတ်မိနေခဲ့၏။ ကျွန်မသည် ပြတင်းပေါက်ရှိသော အိမ်များသို့ အလည်သွားတိုင်း ပြတင်းပေါက်၌ မပြန်မချင်း မညောင်းမတောင့် ရပ်ကာ ပြတင်းပေါက်ကို နှစ်သက်တတ်ခဲ့၏။ ကျွန်မတို့အိမ်သည်အိမ်ရှေ့ခန်းမှလွဲပြီး နေ့ခင်းကြောင်တောင်မှာပင် မီးထွန်းမှ လင်းသည်မို့ ပြတင်းပေါက်မှ အလင်းနှင့် လေတို့ဝင်သည်ကို အံ့သြရင်းပင် ကျွန်မ ဘယ်လို နှစ်သက်မှန်းမသိ နှစ်သက်တတ်ခဲ့သည်။ အိမ်ပြန်ရောက်ရင်တော့ ကျွန်မသည် မည်းမှောင်နေသော ကျွန်မအိပ်ခန်းကလေးကို ကြည့်ကာ ကလေးအတွေးဖြင့် ဖေဖေ့ကို ပြတင်းပေါက်ဖောက်ပေးဖို့ ပူဆာတတ်ပြန်၏။ ကလေးသာမို့ ကျွန်မသည် အလယ်ခန်းတိုက်ခန်းမှာ ပြတင်းပေါက်ဖောက်မရသည်ကို နားမလည်ဘဲ အဖေနှင့်အမေကို စိတ်ကောက်မြဲ…။ စိတ်ဆိုးငိုယိုမြဲ…။ ထိုအခါ စိတ်မရှည်သော ဒေါသကြီးသော အမေ၏ ရိုက်နှက်ခြင်းကို ခံရကာ ငိုယိုရင်းပင် အိပ်ပျော်ခဲ့ရ၏။

            ကလေးအရွယ်ပေမဲ့ အနည်းငယ်သိတတ်စအရွယ်သို့ ရောက်လာသောအခါ ကျွန်မသည် ငယ်ငယ်တုန်းကလို အရိုက်ခံ၍ ပြတင်းပေါက် ဖောက်ပေးဖို့ မပူဆာတော့သော်လည်း မည်းလှောင်လှောင် ကျဥ်းသည့် အခန်းထဲရှိ ခုတင်ထက်တွင် အသက်ရှုကျပ်စွာဖြင့် လူးလှိမ့်ရတိုင်း -

            'ငါ ကြီးလို့ အိမ်ဆောက်ရင် ပြတင်းပေါက်တွေ အများကြီးပါတဲ့ အိမ်ဆောက်မယ်' ဟု တွေးတတ်ခဲ့ပြန်သည်။ ထိုအခါတိုင်း ပြတင်းပေါက်တစ်ပေါက်ပင် မရှိသော ကျွန်မ၏အိမ်ကို စိတ်အလိုမကျစွာဖြင့် ကျွန်မ ငြူစူတတ်ခဲ့၏။ အမှောင်ထဲ၌ ကျွန်မသည် ပြတင်းပေါက်မရှိသော နံရံကို စိုက်ကြည့်ကာ မွန်းကျပ်တိုင်း၊ ပန်ကာလေဖြင့် လေအတုကို ဖန်တီးရယူရတိုင်း ပြတင်းပေါက်များကို တမ်းတမိမြဲ…။ လိုချင်မိမြဲပင်…။

            ကျွန်မလိုချင်သော ပြတင်းပေါက်များနှင့် အိမ်မှ ပြတင်းပေါက်များသည် ကျွန်မ အချိန်မရွေး ခေါင်းထုတ်ကာ အပြင်သို့ ကြည့်နိုင်သော ပြတင်းပေါက် စစ်စစ်များ ဖြစ်ကြသည်။ သံပန်း၊ သံဆန်ခါ ဘာမှမတပ်ထားသော၊ ခန်းစီးစကလေးတစ်စပင် တွဲလွဲခိုခြင်းမရှိသော ပြတင်းပေါက်ပင်။ ကျွန်မသည် ထိုပြတင်းပေါက်မှတစ်ဆင့် ကောင်းကင်ပြာလဲ့နှင့် မြက်ခင်းစိမ်းများကို အရသာခံ၍ ကြည့်နိုင်သည်။ မိုးမှုန်စနူးညံ့များ၏ အတွေ့ကို ပြတင်းပေါက်မှ လက်နှစ်ဖက်ထုတ်ရင်း ဖမ်းယူခံစားနိုင်သည်။ ကျွန်မသည် စိတ်ကူးထဲက အိမ်တွင် ပြတင်းပေါက်များ ကျယ်ဝန်းစွာပါ၍ နွေမိုးဆောင်း သုံးပါစလုံး တံခါးမပိတ်တမ်း ဖွင့်၍ ထားတတ်၏။ နေရောင်တို့သည် ထိုအိမ်ထဲသို့ အဆီးအတားမရှိ ဝင်ရောက်နိုင်သလို…၊ ဆောင်း မနက်ခင်းများ၌ နှင်းစက်တို့ဖြင့် စိုထိုင်းအေးစက်နေသော ကြမ်းပြင်ပေါ်မှာ ကျွန်မသည် စိတ်ထင်တိုင်း လဲလျောင်းနိုင်လေသည်။ ပြတင်းမှတစ်ဆင့် ငှက်မျိုးစုံတို့သည် အိမ်ထဲသို့ဝင်ကာ ငှက်သံစုံတို့ဖြင့် မြည်ကြွေးလျက်… ကျွန်မ၏ နံနက်ခင်းတိုင်းသည် ကျွန်မမုန်းသော နှိုးစက်သံစူးစူးကြောင့် မနိုးရတော့ဘဲ ငှက်နှိုးသံဖြင့် နိုးသော နံနက်ခင်းများ ဖြစ်ကြ၏။ လသာသောညများ၌ ပြတင်းပေါက်များမှ ဝင်လာသော လရောင်ပျိုးပြက်ဖြင့် တစ်အိမ်လုံး လင်းပကာ၊ လမသာသောညများ၌ ကြယ်ရောင်စုံတို့၏ ဖြိုးဖြောက်သော အလင်းရောင်သည် အိမ်ထဲသို့ တိတ်တဆိတ် ဝင်ရောက်နေတတ်ပြန်သည်။ ပြတင်းမှတစ်ဆင့် လေတို့သည် စိတ်ထင်တိုင်း ဝင်ရောက်ကာ ဟိုဟိုသည်သည်သွားလာရင်း နံရံ၌ ထောင်ထားသော ဂစ်တာကြိုးကို တိုးတိုက်မိကြသဖြင့် ဂီတသံပိုင်းစတို့ ကျိုးကျိုးကျဲကျဲ မြည်ကြွေးရပြန်သည်။

            ပြတင်းပေါက်မှတစ်ဆင့် ကျွန်မ ခေါင်းထုတ်ကြည့်တိုင်း အမျိုးအမည် မကွဲပြားလှသော အလေ့ကျရောင်စုံပန်းတို့က လူသွားလမ်းတစ်လျှောက် ဝဲယာ၌ လွန့်လူးကာ ကျွန်မကို ပြုံးရယ်နှုတ်ဆက်တတ်ပြန်သေး၏။

            အို… ဘယ်လောက်များ တန်ဖိုးရှိလိုက်တဲ့ ပြတင်းပေါက်ပါလဲကွယ်။ ကျွန်မသည် ပြတင်းပေါက်တစ်ပေါက်ပင် မရှိသော ကျွန်မ၏အိမ်၌ မွန်းကျပ်မလွတ်လပ်စွာ နေရတိုင်း မျက်စိကို စုံမှိတ်ကာ ပြတင်းပေါက်များနှင့် အိမ်ဆီသို့ အလည်သွားမြဲ…။ ထိုအခါတိုင်း မွန်းကျပ်လှောင်နှောင်ဖွဲ့နေသော ကျွန်မ၏ စိတ်တို့သည် လွင့်ဝဲပေါ့ပါးကာ ကျွန်မ မသိသော ကမ္ဘာသစ်ဆီသို့ ကျွန်မကို ဆွဲယူခေါ်ငင်သွားတော့၏။

* * *

            ပြတင်းပေါက်များနှင့် အိမ်ကို ကျွန်မစ၍ ဆောက်ခဲ့သည်မှာ မှတ်မှတ်ရရ ကျွန်မ ငါးတန်းနှစ်ကဖြစ်သည်။ ထိုနေ့က ကျွန်မသည် ကျောင်းစာစီစာကုံးပြိုင်ပွဲ၌ အလယ်တန်းအဆင့် ပထမ ရခဲ့၏။ ကလေးပီပီ အောင်မြင်မှုအတွက် ပျော်ရွှင်စွာ အိမ်သို့ အပြေးပြန်ရင်း အဖေနှင့် အမေ့ကို ပထမဆုံး အသိပေးချင်နေခဲ့၏။ အိမ်ရောက်တော့ အဖေနှင့်အမေက မရောက်သေး။ ခေါင်းရင်းခန်း၌ အပ်ထားသော သော့ကိုယူရင်း ကျွန်မသည် အိမ်ထဲဝင်ကာ မည်းမှောင်သော အခန်းကျဉ်းကလေးထဲ၌ ထိုင်မရ၊ ထမရ ဖြစ်ကာ အဖေနှင့်အမေ အပြန်ကို စိတ်စောစွာ စောင့်နေခဲ့သည်။

            ထိုနေ့က မီးမလာသလို အဖေနှင့်အမေသည် ခါတိုင်းပြန်ချိန်ထက် များစွာ နောက်ကျပြီးမှ ပြန်ရောက်လာခဲ့ကြသည်။ အဖေ့ကိုယ်၌ အရက်နံ့များ မွှန်ထူနံဟောင်၍နေသလို အမေ့တစ်ကိုယ်လုံးလည်း ဒေါသကြောင့် တဆတ်ဆတ်တုန်နေခဲ့သည်။ လမ်း၌ မပြီးပြတ်ခဲ့သော ရန်ပွဲသည် အိမ်၌ မီးစာမြှင့်ကာ အစွမ်းကုန် တောက်လောင်လေတော့သည်။

            ကျွန်မသည် မည်းမှောင်နေသော အခန်းထဲရှိ ခုတင်ချောင်၌ ကိုယ်ကိုကပ်ကာ ကြောက်ရွံ့စိတ်ဖြင့် တဆတ်ဆတ်တုန်နေခဲ့သည်။ အရက်များဖြင့် တစ်ခန်းလုံး မွှန်ထူကာ ဒေါသကြောင့် ဗလုံးဗထွေးဖြစ်နေသော အမေ့စကားသံစူးစူး၊ အသံကုန်ဟစ်၍ ဆဲနေသော အဖေ့ဆဲသံမျိုးစုံ…၊ ထိုအသံများကြား၌ ကျွန်မ ပျော်ရွှင်မှုနှင့် အောင်မြင်မှုတို့သည် ရေရွှဲရွှဲစိုနစ်သွားသော စက္ကူတစ်စပမာ ပျော့ဖတ်ပျက်စီး၍ ပုံပျက်ကျပျောက်သွားတော့၏။ ကျွန်မသည် အသံတစ်စက်မှ မထွက်စေရအောင် သတိထားကာ ငိုရှိုက်နေရင်းမှ ကြောက်ရွံ့မှုတို့သည် ကျွန်မ မုန်းသော ပင့်ကူကောင်များလို ကျွန်မပေါ်သို့ တွားတက်လာကြပြီး ရုန်းမရနိုင်အောင် အစေးမျှင်များဖြင့် တစ်စဆီ တုတ်နှောင်ကြပြန်၏။ ထိုခဏလောက် ကျွန်မ တွယ်ရာမဲ့စွာ ခံစားရမှုမှာ ဘဝတစ်သက်တာ၌ပင် မပေါ်ခဲ့သေး။ ပျော်ရွှင်ခဲ့သော စိတ်တို့၏ ပုံပြောင်းကျပျောက်လွယ်မှုမှာ မြန်ဆန်လွန်းလှ၏။ စွပ်စွဲသံနှင့် ငိုယိုသံများ နာခံရင်း မုန်းတီးကြောက်ရွံ့ကာ ခေါင်းအုံးကို နား၌ ဖိကပ်ထားမိပြန်သည်။ ထိုခဏ၌ ကျွန်မသည်… တန်ခိုးရှင်တစ်ဦးဦး ဖန်ဆင်းပေးလိုက်သည့်နှယ် ပြတင်းပေါက်များနှင့် အိမ်ကလေးကို ရှာဖွေတွေ့ရှိသွားတော့သည်။

            ကျွန်မသည် အံ့သြမှင်တက်မိပြီး ထိုအိမ်ကလေးကို လှည့်ပတ်ကြည့်မိသည်။ အိမ်ကလေးတွင် ကျယ်ပြောလွတ်လပ်သော ပြတင်းပေါက်များမှ လွဲ၍ ဘာမှမပါပါ။ ပြတင်းပေါက်များနှင့်အိမ်တွင် ပြတင်းပေါက်များနှင့် ကျွန်မသာ ရှိကြ၏။ ကျွန်မသည် စာစီစာကုံးဆုရသည့်နေ့မှာ ထိုအိမ်ကလေးကို ရှာတွေ့သည့်အတွက် ထိုအိမ်ကလေးကို ကျွန်မဘာသာ ကျွန်မ ချီးမြှင့်သော ဆုလာဘ်ဟာ ထင်လေသည်။ မခမ်းနားလှပေမဲ့ လွတ်လပ်သော ထိုအိမ်ကလေး၌ လုံခြုံစွာ ပုန်းခိုပျော်ရွှင်တတ်ခဲ့၏။

            မည်းမှောင်သော နံရံသည် ကျွန်မအတွက် အဓိပ္ပာယ်ရှိလာကာ…၊ မှို့မညီမညာဖြင့် မအိစက်တော့သော ကျွန်မ မွေ့ရာသည် ကျွန်မအတွက် အိပ်မက်စရာ ဖြစ်လာခဲ့လေသည်။

            ကလေးဘဝတစ်လျှောက်လုံး ကျွန်မဆွဲသော အိမ်များမှာ ပြတင်းပေါက်များနှင့် အိမ်များချည်းဖြစ်ကာ ကျွန်မ၏ ရည်ရွယ်ချက်သည်လည်း 'ပြတင်းပေါက်ပါသော အိမ်ဆောက်ရန်' ဖြစ်နေခဲ့တော့သည်။

            ကလေးဘဝက လူကြီးများ အလုပ်ရှာ၍ မေးရိုးမေးစဉ် 'သမီးကြီးရင် ဘာလုပ်မှာလဲ' မေးတိုင်း ကျွန်မအဖြေသည် တစ်သမတ်တည်း မရိုးစွာ 'ပြတင်းပေါက်များပါသော အိမ်ဆောက်ရန်သာ' ဖြစ်သည်။   ကျွန်မထိုသို့ဖြေတိုင်း လူကြီးများက အံ့သြဟန်ဖြင့် ခဏငေးကာ ရယ်မောတတ်ကြသော်လည်း ကျွန်မရင်ထဲက ပြတင်းပေါက်များနှင့်အိမ်သည် အသက်အရွယ်ရလာသည်နှင့်အမျှ ပို၍ ခိုင်မာလာခဲ့သည်။

* * *

            အရွယ်ရလာပေမဲ့ ကျွန်မသည် ငယ်ငယ်တုန်းကလိုပင် ပြတင်းပေါက်စစ်စစ်များနှင့် အိမ်များကို တွေ့တိုင်း တမေ့တမော ရပ်ငေးကြည့်တုန်းပင်။ သို့သော် တစ်ခုပိုလာသည်မှာ ရပ်ငေးရုံတင် မဟုတ်တော့ဘဲ အိမ်ဈေးတွေကို စုံစမ်းကြည့်တတ်လာခြင်းပင်။ အိမ်ဈေးမှန်သမျှတို့သည် ဘယ်အခါမေးမေး ကျွန်မ လက်လှမ်းမမီနိုင်သော ဈေးတို့သာ ဖြစ်ကြ၏။ ကျွန်မ ကုမ္ပဏီ၌ တစ်လလုပ်စာ ငါးသောင်းကို ဘာမှမစားမသောက်ဘဲ လစဉ်စု၍ ဝယ်ရင်တောင်မှ ဆယ့်ငါးနှစ်၊ အနှစ်နှစ်ဆယ်ကြာမှ ရမည့် ငွေကြေးများသာ ဖြစ်ကြ၏။ ဒါတောင် ထိုဆယ့်ငါးနှစ်လုံးလုံး အိမ်ဈေးတို့ မတက်ပါမှ ဝယ်နိုင်လေမည်။ ငယ်ငယ်က ကလေးအတွေးဖြင့် ကြီးရင် အိမ်ဆောက်မယ်ဆိုသော မျှော်လင့်ချက်တို့သည် ယုံကြည်မှု အသွင်ဖြင့် ခိုင်မာနေခဲ့သော်လည်း အသက်အစိတ်(၂၅)နှစ်နားသို့ တဖြည်းဖြည်းကပ်လာသည်နှင့်အမျှ ကျွန်မ၏ ခိုင်မာမှုတို့သည် အလွှာလိုက်ကွာကျမှန်းမသိ ကွာကျလာခဲ့သည်။ ကျွန်မသည် ကိုယ့်ကိုယ်ကိုယ် ညံ့ဖျင်းသူတစ်ယောက်အဖြစ် ထင်မှတ်ယုံကြည်ကာ ဘာကို နာကြည်းမိမှန်းမသိ နာကြည်းလာပြန်သည်။

            မပြေလည်သော စီးပွားရေးထဲ၌ အဖေက အရက်ကမ္မဌာန်းစီးဖြန်းရင်းဖြင့် တစ်ကိုယ်စာ လွတ်လမ်းရှာသလို အမေက အားကိုးရာအဖြစ် မြောက်ဒဂုံအစွန်ဘက်ရှိ ဘုန်းကြီးကျောင်းများဆီသို့ ပြေးချင်ပြေး၊ မပြေးရင် ဘုရားစင်၌ ထွန်းထားသော အမွှေးတိုင်ထဲမှ ဂဏန်းရှာကာ ဘဝ၌ ပျော်မွေ့လေသည်။ ကျွန်မကတော့ ကျွန်မ ငယ်ငယ်တုန်းကထက် ဖယောင်းတိုင် ပိုမိုထွန်းညှိလာရသော မည်းမှောင်သည့် တိုက်ခန်းထဲ၌ ငယ်ငယ်တုန်းကလိုပင် ကျွန်မ၏ ပြတင်းပေါက်များနှင့် အိမ်ထဲသို့ ပြေးခိုရလေသည်။ ထိုခဏ၌ ဘဝသည် ခဏနေပျော်စရာ ထင်မှတ်ကာ အတုဖန်ဆင်း၍ နေရခြင်းကိုပင် ဘဝ၏အဓိပ္ပာယ်ဟု ထင်ချင်လာပြန်သည်။

            အိမ်ထဲရှိ လူသုံးဦးသည် မျက်နှာချင်းတေ့တေ့မဆိုင်ဖြစ်ကြဘဲ တစ်ဦးနှင့်တစ်ဦး ဘာကိုအားနာမှန်းမသိ အားနာကြကာ လူပီပီပင် ကိုယ့်လွတ်လမ်းနှင့်ကိုယ့်ဘဝကို တစ်ကိုယ်ကောင်းဆန်ကာ တွယ်ဖက်ထားကြလေ၏။

            ကျွန်မသည် ဒီတစ်သက်တော့ဖြင့် မည်းမှောင်မှောင်တိုက်ခန်းထဲမှာပင် ရုန်းမရသော ဝဋ်နှယ် ကုန်ဆုံးတော့မည်ဟု ထင်ဆဲ အလင်းရောင်တစ်စသည် မမျှော်လင့်သော နေရာမှ ကျွန်မဆီ ပြိုးပျက်ချဉ်းကပ်လာတော့၏။

* * *

            ထိုနေ့က အဖေသည် ခါတိုင်းနေ့များထက် အရက်ပိုသောက်လာခဲ့၏။ မိသားစုအားလုံး စုံသည့်အချိန် ညပိုင်းမှာပင် ရုတ်တရက်ဆိုသလို အဖေက အသံဗလုံးဗထွေးကြီးဖြင့် 'အိမ်ရောင်းမယ်' ဟု ကြေညာလိုက်တော့သည်။ အမေက သဘောတူသည်လည်းမဟုတ်၊ မတူသည်လည်းမဟုတ်။ ဒီနှစ်ပိုင်းမှာ အမေထားနေကျ 'ဗလာမျက်နှာ' နှင့်သာဖြစ်သည်။ ကျွန်မထံ၌ ဆိုစရာစကားရှိသည်မထင်။ ဘာကိုမှလည်း မပြောချင်လှသဖြင့် နံရံကိုသာ ငေးနေခဲ့လေသည်။ အဖေကလည်း ပြောစရာရှိသည်ကို တာဝန်အရ ပြောသည့်ဟန်မျိုးသာရှိပြီး ကျွန်မ၏ ကန့်ကွက်မဲ၊ ထောက်ခံမဲတို့ကို စိတ်ဝင်စားပုံ မရှိပေ။

            တကယ်တော့ အဖေ့အိမ်(တိုက်ခန်း)ရောင်းမည့် အစီအစဉ်သည် ငွေပိုမရှိသူတို့ အိမ်ဈေး တက်လာသောအခါ ငွေပိုလေးထွက်လို ထွက်ငြား လုပ်တတ်သော အစီအစဉ်သာ ဖြစ်သည်။ ကျွန်မ သိရသလောက် အမေ့ထံ၌လည်း ပေးစရာတို့ရှိသည်။ တကယ့်တကယ် ရောင်းမည်ဆိုတော့ အမေ့မျက်နှာ မကောင်းလှသော်လည်း အမေ့၌ ကန့်ကွက်နိုင်သော အင်အားတို့ ဆိတ်သုဉ်းကာ အဖေကလည်း ငွေကို မြင်ချင်လှပြီမို့ ကျွန်မ မုန်းသော ထိုတိုက်ခန်းသည် ဈေးခပ်ပေါပေါဖြင့်ပင် အရောင်းစွံရတော့သည်။

            ထိုအခါ ကျွန်မ တစ်သက်လုံး ရွတ်ခဲ့ရသော ပြတင်းပေါက်တစ္ဆေသည် ပူးကပ်ရာမှ ကျွန်မကို ကိုယ်ထင်ပြကာ အသက်ဝင်လှုပ်ရှားလာတော့သည်။

* * *

            တကယ်တော့ အဖေ့တိုက်ခန်း ရောင်းရငွေသည် ပေးစရာအကြွေးတို့ကို ပေးပြီးသည့်နောက်… သွားရေး လာရေး အနည်းငယ်ခက်သော မိုးရာသီ၌ ရွှံ့ပေတတ်သော မြို့သစ်ကလေး၌ အိမ်နှင့်မြေကလေးကို ဝယ်နိုင်သည်ဆိုရုံမျှသာ ပိုလေသည်။ ထိုရပ်ကွက်၌ အိမ်တို့သည် တစ်အိမ်နှင့်တစ်အိမ် အနည်းငယ်ဝေးကာ လူနေကျဲလှ၏။ ပျဉ်ထောင်သွပ်မိုးဆိုသော်လည်း ညိုညစ်ညစ်မွဲခြောက်ခြောက်သာမို့ အမေက အိမ်ကိုကြည့်ကာ မျက်နှာညိုသည်။ တစ်သက်လုံး မြို့လယ်ကောင် ဆူဆူညံညံ၌သာ နေလာကြသူများအဖို့ မိုးရာသီ၌ ဖားအော်သံနှင့် မိုးရွာသံသာ ဟိန်းဟိန်းညံတက်သော ထိုရပ်ကွက်၌ မနေတတ်ဟု ဆိုလာသည်။

            ကျွန်မက ပြတင်းပေါက်စစ်စစ်များ သုံးပေါက်ပါတာနှင့်ပင် ထိုအိမ်ကလေး၏ အပြစ်အနာအဆာအားလုံးကို မမြင်နိုင်တော့ဘဲ ရှိလာသည်။ ထိုအိမ်မှ ပြတင်းပေါက်တံခါးတို့သည် သစ်သားတံခါးများသာမို့ ပိတ်ထားရင် ဘာမှမမြင်ရတော့ပေ။ ကျွန်မသည် နေ့ခင်းဆို မီးထွန်းစရာမလိုသော အလင်းရောင်တို့ ဖောဖောသီသီဝင်တတ်သော ထိုအိမ်ကလေးကို ဘုရားပေးသည့်အိမ်ဟုပင် ထင်လေသည်။ ကျွန်မတို့ အိမ်ပြောင်းရသောအချိန်သည် ဝါဝင်ခါနီးမို့ အကြိုမိုးတို့သည် ကျွန်မတို့ကို ဆီးကြိုနှုတ်ဆက်လေသည်။ မြို့သစ်မိုးသည် အဆီးအတားမဲ့ကာ ပွင့်လင်းလွတ်လပ်လှ၏။ ပြတင်းမှဝင်လာသော မိုးရေတို့သည် လေနှင့်အတူရောကာ ပြတင်း၌ ခဏရပ်ရုံမျှပင် ရွှဲရွှဲစိုလေသည်။ သွပ်မိုးပေါ်သို့ တဖြောင်းဖြောင်းကျသော မိုးသံကို သာယာစရာဟု ထင်သည်။ ကျွန်မသည် ကိုယ့်ကိုယ်ကိုယ် အသစ်မွေးဖွားခွင့်ရလာသူတစ်ဦးပမာထင်၍ ပျော်ရွှင်သွက်လက်လာခဲ့၏။

            ကျွန်မသည် နေ့ဆိုရင် ပြတင်းပေါက်ကိုဖွင့်၍ ကိုယ်တစ်ဝက်လောက် အပြင်သို့ထုတ်ကာ အိမ်နံဘေးရှိ လူမနေသော မြေကွက်လပ်မှ မြက်ရိုင်းတို့ကို အရသာခံ၍ ကြည့်နိုင်သလို ညဆိုရင်လည်း ခုတင်ထက်၌ လဲလျောင်းရင်းပင် ကြယ်ရောင်ပျိုးပြက်တို့ကို ပြတင်းပေါက်မှ မြင်နိုင်သေးသည်။ အိမ်နံဘေးမှ အလေ့ကျပန်းတို့၏ အရောင်စပ်ဟပ်ပုံတို့ကိုကြည့်ရင်း ဖတ်ထားသော ကဗျာအပိုင်းအစတို့ကို ကောက်ယူတွဲသီနိုင်ပါသေးသည်။

            ထိုသို့ နေ့ရှိသရွေ့ ကျွန်မက ပြတင်းပေါက်များနှင့် အလုပ်ရှုပ်နေဆဲ၊ အမေကတော့ လူနေကျဲပါးသည်ကို လန့်ကာ ဖတ်ထားသမျှသော မှုခင်းဂျာနယ်၊ မဂ္ဂဇင်းများမှ ဖြစ်ရပ်များကို ထိုင်တွေးနေတော့သည်။

            အမေသည် ဆိတ်မွေး၊ ဝက်မွေးသူတို့ပေါသော၊ လက်လုပ်လက်စားများ များသော မြို့သစ်ကလေးကို နေ့ရှိသရွေ့ အပြစ်ရှာမျက်လုံးနှင့် ကြည့်တော့၏။ ထိုအပြစ်ရှာမျက်လုံးများသည် တံခါးဖွင့်ထားလျှင် ဘာအကာအရံ အတားအဆီးမျှ မရှိသော ကျွန်မ၏ ပြတင်းပေါက်များဆီသို့ ကျရောက်တော့သည်။ အမေက သူခိုးကြောက်သည်ဟုဆိုဆဲ။ အဖေက ကျွန်မနှင့်ပြတင်းပေါက်များ၏ တွယ်တာရင်းနှီးမှုကို အနက်အဓိပ္ပာယ် တစ်မျိုးကောက်ကာ မလိုလားနိုင်အောင် ရှိတော့သည်။

            အဖေနှင့်အမေတို့၏ အယူအဆတို့သည် လားရာမတူသော်လည်း နောက်ဆုံးတော့ ပြတင်းပေါက်ကို မုန်းတီးခြင်း၌သာ ဆုံလေသည်။

            ပြတင်းပေါက်ကလေးများနှင့် ရင်းနှီးခွင့်တစ်လမပြည့်မီမှာပင် အဖေနှင့်အမေသည် လိုက်ကာနှင့် သံဆန်ခါတပ်ရန် စိုင်းပြင်းတော့သည်။ ကျွန်မက သံဆန်ခါတပ်မည့် အစီအစဉ်ကို တစ်သက်နှင့်တစ်ကိုယ် အပြင်းအထန် ကန့်ကွက်မိ၏။ အမေက ကျွန်မကို စူးစူးဝါးဝါးကြည့်ကာ -

            'နင့် ရူးနေသလား။ ဒီပြတင်းပေါက်တွေက ဘာအကာအရံမှ မရှိတော့ အချိန်မရွေး သူခိုးကျော်ဝင်နိုင်တယ်ဟဲ့' ဟု ဆိုလေသည်။

            သံဆန်ခါတပ်တော့ရော သူခိုးမဝင်နိုင်မှာမို့လား… ဟု ကျွန်မတွေးဆဲ သံဆန်ကာတို့ လိုက်ကာတို့ ဘာဆိုဘာမှမတပ်ဘဲ နေကြသော ကျွန်မ ရပ်ငေးဖူးသည့် ပြတင်းပေါက်စစ်စစ်များနှင့် အိမ်မှ လူများအကြောင်းကို ကျွန်မ ဆက်တွေးနေမိပါ၏။

            ဘယ်လောက်များ ရဲရင့်လွတ်လပ်လိုက်တဲ့ လူတွေပါလိမ့်။ အဲဒီအိမ်က လူတွေကရော အဖေနှင့် အမေ့လို အိမ်ကို သူခိုးဝင်မှာ မကြောက်ကြဘူးတဲ့လား။ အဖေနှင့်အမေ့လို ကိုယ့်အိမ်ထဲ လမ်းမကလူ လှမ်းကြည့်လို့မြင်နေမှာကို မစိုးရွံ့ကြဘူးတဲ့လား…။ ကျွန်မက အံ့သြစွာဖြင့်ပင် ပြတင်းပေါက်စစ်စစ်နှင့်အိမ်မှ လူများ၏ ကြောက်ရွံ့မှုကင်းသောစိတ်ကို လေးစားမိပြန်၏။

            ကျွန်မရော…။ ကျွန်မ ပြတင်းပေါက်တွေကို ကြောက်လား… မကြောက်ဘူးလား။ မကြောက်ဘူးဟု ထင်လေသည်။ ကျွန်မသည် နေရောင်နှင့် လေညှင်းနုပျံ့ကို မက်မောကာ နေ့ရှိသရွေ့ ပြတင်းပေါက်မှ မြင်ကွင်းတို့ကို စုပ်ယူရသည်ကို နှစ်ခြိုက်သည်မို့ ကြောက်ခြင်းကို မေ့လေသည်။ ကြောက်ခြင်းကို မေ့သော်လည်း ရဲဝံ့နိုင်သော အင်အားတို့ နဂိုကင်းစိတ်သော ဗီဇကြောင့် အဖေနှင့်အမေတို့၏ သံဆန်ခါ အစီအစဉ်ကို ပျက်အောင် မဖျက်နိုင်ပြန်ချေ။

            ကျွန်မသည် ကိုယ့်ကိုယ်ကိုယ် ရွံမုန်ကာ အထင်လည်း သေး၍လာသည်။ လွတ်လပ်ပွင့်လင်းသော ပြတင်းပေါက်နှင့် ကျွန်မသည် မတန်တော့သဖြင့် လွှတ်ချလိုက်ရလေပြီ။ သံဆန်ခါကွက်များကြားမှ မြင်ရသော ကောင်းကင်နှင့် ငှက်ငယ်တို့သည် ကျွန်မကို ဘယ်လိုမှ မဖမ်းစားနိုင်တော့ချေ။ အစိမ်းရောင်လိုက်ကာစ လွင့်လွင့်ဖြင့် ကျွန်မ၏ ပြတင်းပေါက်သည် တစ်ဝက်တစ်ပျက် မြင်ကွင်းတို့ကို အစွမ်းရှိသလောက် ပေးနေသော်လည်း ကျွန်မသည် ထိုပြတင်းပေါက်များကို မနှစ်မြို့နိုင်တော့ပြန်ချေ။

            ပြတင်းပေါက်များကို ကျောခိုင်းရင်းဖြင့်ပင် ကျွန်မ၏စိတ်တို့သည် ထုံထိုင်းဝေဝါးလာခဲ့တော့၏။ သို့သော် ပြတင်းပေါက်ချင်ခြင်းသည် ကျွန်မကိုယ်ပေါ်၌ ပုရွက်ဆိတ်များလို နေရာအနှံ့ တိုးဝင်တွားသွားကာ ကျွန်မကို ကိုက်ခဲကြပြန်သည်။ ကျွန်မသည် ငယ်ငယ်တုန်းကလိုပင် မျက်စိကို စုံမှိတ်ရင်း ကျယ်ဝန်းလွတ်လပ်သော ပြတင်းပေါက်ကို အမောတကော လိုက်ရှာမိတော့၏။

            ဘယ်မှာလဲ… ဘယ်မှာလဲကွယ်…

            လေနှင့်နေရောင်တို့ အဆီးအတားမဲ့ ဝင်ရောက်မွှေနှောက်နိုင်သော ပြတင်းပေါက်ကလေး… ကျွန်မရဲ့ ပြတင်းပေါက်…

            ဘယ်မှာလဲကွယ်…

            ကျွန်မသည် ပြတင်းပေါက်နောက်ကို တကောက်ကောက်လိုက်ရင်း ရှာသည်။ ပြတင်းပေါက်သည် ကျွန်မရှေ့မှ မီးခိုးငွေ့တန်းများလို လွင့်ဝဲကာ ထွက်ပြေးလေသည်။

            ကျွန်မသည် မီးခိုးငွေ့များနောက်မှ မမောနိုင်စွာလိုက်ဆဲ…

            မီးခိုးငွေ့တို့သည် ရုတ်တရက်ရပ်ကာ အရိပ်ထင်တော့၏။

            အရိပ်သည် တဖြည်းဖြည်းထင်လာကာ ကျွန်မရှေ့၌ သံဆန်ခါများ…၊ သံပန်းများ…၊ စေ့စေ့ပိတ်၍နေသော တံခါးများ…၊ ပိန်းပိတ်မှောင်သော အမှောင်တို့သာ…။

            ပန်းရိပ်ဖြူ 

၂ဝဝ၉၊ စက်တင်ဘာ၊ မဟေသီ

            

ဝက်ဝံကလေး ဖိုးကြွား

ဂျုနီယာ မဂ္ဂဇင်းမှာ ကျွန်မရေးခဲ့တဲ့ပုံပြင်လေးပါ။ လူ့ဘ၀ရဲ့လူတွေထဲမှာ ဖြစ်တတ်တဲ့သဘာဝလေးကို ကလေးတွေဖတ်ဖို့ ရယ်စရာလေး အနေနဲ့ရေးထာတာမို့ ကျွန်မသိပ်သဘောကျတဲ့ ပုံပြင်လေးပါပဲ။ သားလေးကိုဖတ်ပြရင်းနဲ့ပဲ ဘာသာပြန်ဖြစ်ခဲ့တဲ့ပုံပြင်လေးပါ။

အမွေးပွပွလေးတွေနဲ့ ၀က်ဝံရုပ်လေး ဖိုးကြွားဟာ အင်မတန်မှ အ ကြွားသန်တဲ့ ၀က်ဝံရုပ်လေး တစ်ကောင်ပါ။
“ဟေ့ ငါ့အမွှေးလေးတွေကို ကြည့်စမ်းကွ၊ ရှည်ပြီးတော့ နူးညံ့နေတာပဲ။ အရောင်ကလည်း တောက်တောက် လေး” လို့ တစ်ခြား အရုပ်လေးတွေကို သူ့ရဲ့ အမွှေးတွေကို ပြပြပြီးတော့ကြွားလေ့ ရှိတယ်။
သူက  သူတော်ကြောင်းတတ်ကြောင်း၊ လှကြောင်းကို သူများကို ပြောနေရတာကို  သိပ်ကြိုက်တယ်ကွဲ့။
“ဒီကစားစရာအခန်းထဲက ရှိသမျှ အရုပ်တွေအားလုံးထဲမှာ ငါက အတော်ဆုံးအရုပ်ပဲ” လို့ သူက သူ့ကိုယ်သူ အမြဲပြောလေ့ရှိတယ်။
သူက အဲလို သာ သူ့ကိုယ်သူ အဟုတ်ကြီး ထင်ပြီးတော့ ကြွားနေတာ ကွဲ့။ တခြားအရုပ်တွေက သူ့ကွယ်ရာ မှာ သူ့ရဲ့ အကြောင်းကို ပြောပြောပြီးတော့ ဟားနေကြတာကိုတော့ သူ့ခမြာ မသိရှာဘူး။
“ ဒီဝက်ဝံငကြွားက သူ့ကိုယ်သူ သ်ိပ်တော်နေတယ်လို့ ထင်နေတာကွ” လို့ခွေးရုပ်စုတ်ဖွားက စိတ်ပျက်လက်ပျက် အသံနဲ့ ပြောလိုက်တယ်။
“ တကယ်တော့ ငါတို့အားလုံးက သူ့ကြွားလုံးတွေကို မုန်းလွန်းလို့ စိတ်ပျက်နေကြပြီ ဆိုတာကို ဒီကောင် မသိရှာဘူး။ အဲလို မသိတာကို က ဒီကောင် ညံ့လွန်းတာပေါ့ကွ”
“ ဒီလိုသာကြွားနေ တနေ့တော့ ဒီကောင် သင်ခန်းစာကောင်းကောင်း ရလိမ့်မယ်” လို့မျောက်ရုပ်ကလေး ကပြောလိုက်ပါတယ်။
          တစ်နေ့ နေသာတဲ့ရက်တစ်ရက်မှာပေါ့….။ အရုပ်လေးတွေအားလုံး အခန်းထဲမှာ ဘာမှလုပ်စရာ မရှိလို့ ပျင်းနေကြတုံး အ၀တ်နဲ့လုပ်ထားတဲ့ အရုပ်ကလေးက “ နေလေးသာတုံး အပြင်မှာ လျှောက်လည် ရ ရင် သိပ်ကောင်းမှာပဲကွာ”လို့ ပြောလိုက်တယ်။
          “ တောထဲ သွားပြီး ပျော်ပွဲစားထွက်ရရင်တော့ ပျော်စရာကောင်းမယ်ကွ” လို့ ၀က်ဝံအို အရုပ်ကြီးက ပြောလိုက်တယ်”
          “ ငါတို့  မြန်မြန်ရောက်အောင်လို့ အရုပ်ကားကို မောင်းပြီးတော့ သွားကြရင် ကောင်းမယ်”လို့ ယုန်လေးက ပြောလိုက်ပါတယ်။
          “ ဒါပေမယ့်ငါတို့ထဲမှာ ဘယ်သူမှ ကားမမောင်းတတ်ဘူးလေကွာ”လို့ အ၀တ်ရုပ်လေးက စိတ်မကောင်းချင်း ကြီးစွာနဲ့ပြောလိုက်ပါတယ်။
 အဲဒီ့အချိန်မှာပဲ ထောင့်တစ်ထောင့်ကနေ “ကား ငါမောင်းတတ်တယ်”ဆိုတဲ့ အသံတစ်သံ ထွက်လာပါတော့တယ်။ ကားမောင်းတတ်တယ်လို့ ပြောလိုက်တဲ့သူက ဘယ်သူလဲ ဆိုတော့ အရုပ်ကလေး တွေပြောတာကို တစ်ချိန်လုံး ငြိမ်ငြိမ်လေးထိုင်နားထောင်နေတဲ့ ၀က်ဝံလေးဖိုးကြွားပေါ့။
 ၀က်ဝံလေး ဖိုးကြွားက “အရုပ်ကားကို ငါမောင်းပေးမယ်ကွာ..ပြီးတော့ ပျော်ပွဲစားထွက်လို့ အကောင်းဆုံး ဆိုတဲ့ နေရာကဘယ်နေရာလည်း ဆိုတာကို ငါသိတယ်” လို့ ပြောချလိုက်ပါတော့တယ်။
          “ဟေ့ကောင် မင်းကားမောင်းတာကို ငါတစ်ခါမှ မတွေ့ဖူးဘူးနော်”လို့ ယုန်က မယုံသင်္ကာနဲ့ ဖိုးကြွားကို ပြောလိုက်ပါတယ်။ ဒါပေမယ့်ဖိုးကြွားကတော့ ခပ်တည်တည်နဲ့ပဲ
“မင်းတို့ ဘယ်သိမလဲ ကွ။မင်းတို့အိပ်ပြီဆိုတဲ့ အချိန်ကျတော့မှ ငါက ကားလျှောက်မောင်းတာကိုး။ ငါက ကားမောင်းသိပ်ကျွမ်းတဲ့ကောင်ပါ စိတ်ချပါလို့”  ပြောလိုက်တယ်။
          “အေးဒါဆိုလည်း သွားကြမယ်ကွာ..အချိန်မရှိဘူးဟေ့ အားလုံးကားထဲ ၀င်ကြတော့ ”လို့ အ၀တ်ရုပ်လေးက နှိုးဆော်လိုက်ပါတယ်။
          “အာ..ဒီနေ့ငါ ကားသိပ်မမောင်းချင်ဘူးကွာ..သိပ်ပူလွန်းတယ်”လို့ ဖိုးကြွားက ညီးညီးညှူညှုနဲ့ ပြောလိုက်တယ်။ဒါပေမယ့် ဘယ်သူကမှ ဖိုးကြွားစကားကို အရေးလုပ်နားမထောင်ကြတော့ဘူး။ အားလုံးပျော်ပွဲစား သွားဖို့ စိတ်တတ်ကြွနေတာမို့ ကားပေါ်ကို အလုအယက် တတ်ထိုင်ကြတော့တယ်။ ဖိုးကြွားလည်း မတတ်သာတဲ့ အဆုံး ကားမောင်းမယ့် နေရာမှာ တတ်ပြီးတော့ ထိုင်လိုက်ရတော့တယ်။ ကလေးတို့ရေ..တကယ်တော့ ဖိုးကြွားက ကားမောင်းတတ်တာ မဟုတ်ဘူးကွဲ့။ တစ်ခါမှလည်း ကားမမောင်း ဘူးသလို၊ ကားကို ဘယ်လိုမောင်းရမလဲ ဆိုတာကို မသိတာမို့ ကားမောင်းရမှာကို သူအရမ်းကြောက်နေတယ်။ ဒါပေမယ့် သူကားမမောင်းတတ်တာ၊ သူအရမ်းကြောက်နေတာကို သူ့သူငယ်ချင်း အရုပ်ကလေးတွေ မရိပ်မိအောင်လို့သူက ဟန်ဆောင်နေတယ်လေ။
          ဒါနဲ့ ဖိုးကြွားဟာ ခပ်တည်တည်နဲ့ ကားကို မောင်းချသွားလိုက်တာ၊ လမ်းကြားလေးထဲကို ကားလည်းချိုးလိုက်ရော ဖိုးကြွားဟာ ကြောက်လန့်တကြားနဲ့ ကားဟွန်းကြီးကို နှိပ်လိုက်မိပါရော။
 ကံကောင်းကြီးစွာပဲ  ဖိုးကြွားရဲ့ကားဟာ ဖြောင့်ဖြောင့်ဖြူးဖြူးမောင်းသွားနိုင်တာမို့  အရုပ်လေးတွေအားလုံး လည်းကားပေါ်မှာ ပျော်ပျော်ပါးပါးကြီး သီချင်းတွေဆိုပြီးတော့ လိုက်လာနိုင်ကြတော့တယ်။
“ဟေ့ဟေ့.ဖိုးကြွား မင်း ကားကို တောလမ်းထဲကွေ့ဝင်ဖို့ မေ့သွားပြီနော်။ငါတို့က တောထဲမှာပျော်ပွဲစား သွားမှာလေကွာ”
တောလမ်းထဲ ကို ကွေ့မ၀င်ဘဲနဲ့ ဖိုးကြွားက ကားကို တောက်လျှောက် မောင်းသွားတာမို့ အ၀တ်ရုပ်လေးက ဖိုးကြွားကို သတိလှမ်းပေးလိုက်တယ်။
“ဘယ်ကို သွားရမလဲ ဆိုတာငါသိပါတယ်ကွ…မင်းတို့ ငါမောင်းတဲ့နောက်သာ အေးအေးဆေးဆေးလိုက်ခဲ့ကြ” လို့ ဖိုးကြွားက  ပြောလိုက်တယ်။ ပြီးတော့ ကားကိုဒီ့ထက်မြန်သထက် မြန်အောင်လို့ အရှိန်ကိုတင်ပြီးတော့ မောင်းလိုက်ပါရော…….။
“ဟေ့ကောင်..ဟေ့ကောင် အရှိန်လျှော့ပါဦးကွာ”
ဦးဝက်ဝံ ရုပ်ကြီးက ဖိုးကြွားကို အလန့်တကြားနဲ့ တားလိုက်တယ်။
“ အိုအို..ငါ့အမွှေးတွေတောင် ကြွတ်ပြီးတော့ လေထဲလွင့်ကုန်ပြီ”
ဦးဝက်ဝံရုပ်ကြီး ခမျာ အထ်ိတ်ထိတ်အလန့်လန့် ဖြစ်လာပါပြီ။
“ကားနောက်မှာကိုယ့်ဖာသာကိုယ် အေးအေးဆေးဆေး ဇိမ်နဲ့ ငြိမ်ငြိမ်ထိုင်နေစမ်းပါဗျာ” လို့ဖိုးကြွားက ဦးဝက်ဝံကြီးကိုလှမ်းပြောလိုက်ပြီးတော့ ကားကို ဒီ့ထက်မြန်သထက် မြန်အောင် မောင်းလိုက်ပါတော့တယ်။ ကားထဲမှာရှိနေတဲ့ တခြား အရုပ်တွေအကုန်လုံး အဲဒီ့အချိန်မှာ ကြောက်စပြုလာပါပြီ။ ဒါပေမယ့်  ဖိုးကြွားကတော့ ကားမောင်းရတာကို သိပ်ပျော်လာပြီလေ။
“ငါဘယ်လောက် ကားမောင်းကျွမ်းသလဲ ကြည့်စမ်း။ လက်တောင်မှလွှတ်ပြီးတော့ မောင်းပြလိုက်ဦးမယ်”
အဲဒီ့အချိန်မှာပဲ ဖိုးကြွားတို့ကားဟာ လမ်းကွေ့တစ်ခုကို ရောက်လာပါတော့တယ်။ လက်လွှတ်ပြီးမောင်းလာမို့ ဖိုးကြွားဟာ ကားကိုမထိန်းနိုင်တော့ဘူးပေါ့။  ကားဟာ..လမ်းဘေးကို ထိုးကျသွားပြီးတော့ ကားလမ်းဘေးက သစ်ပင်ကြီးတစ်ပင်ကို “ဒုံး”ဆိုပြီးတော့ ၀င်တိုက်မိပါတော့တယ်။ ကားပေါ်မှာ ပါလာတဲ့ အရုပ်လေးတွေအားလုံးလဲ ဘေးကခြုံပုတ်တွေ၊ မြက်ခင်းတွေထဲ ပြုတ်ကျကုန်တော့တာပေါ့။ ဒါပေမယ့် ကံကောင်းစွာပဲ သူတို့အားလုံး ခေါင်းနည်းနည်းပါပါး မူးသွားရုံက လွဲပြီးတော့ ဘယ်သူမှာ ဒဏ်ရာကြီးကြီးကျယ်ကျယ် မရကြဘူး။ အားလုံးက ဖိုးကြွားကို စိတ်တိုကြတယ်။
“မင်း အရူးကောင်ပဲကွ။ မင်းလုပ်တာ အားလုံးသေသွားနိုင်တယ်” ယုန်ရုပ်လေးက ဒေါသတကြီးနဲ့ ဖိုးကြွားကိုပြောလိုက်ပါတော့တယ်။
“ကဲ..ကဲ ..စကားများမနေကြနဲ့တော့  ငါတို့မမှောင်ခင် အိမ်ကို လမ်းလျှောက်ပြန်ကြ ရအောင်”လို့ အ၀တ်ရုပ်လေးကပြောလိုက်ပါတယ်။
“ငါတို့ အခုရောက်နေတာ ဘယ်နေရာပါလိမ့်” လို့ အ၀တ်ရုပ်လေးက မေးလိုက်တဲ့ အချိန်မှာတော့ အားလုံး က ဖိုးကြွားကို လှမ်းကြည့်လိုက်ပါတော့တယ်။
“ငါ့ကို မမေးကြပါနဲ့” ဖိုးကြွားက တုန်တုန်ရီရီနဲ့ ခပ်တိုးတိုးလေး ဖြေလိုက်တယ်။
“ မင်းပြောတော့ မင်းဘဲ လမ်းသိတယ်ဆို” ၀က်ဝံအိုကြီးက စိတ်မရှည်တဲ့အသံနဲ့ ဖိုးကြွားကို ခပ်ဆတ်ဆတ် ပြောလိုက်တယ်။
“အဲဒါ ကျွန်တော် ဟန်ဆောင်ပြီးတော့ ညာပြောမိတာပါ” လို့ ဖိုးကြွားက ငိုသံပါကြီးနဲ့ ပြောပါတယ်။
“ တကယ်တော့ ကျွန်တော်က ကားလည်း မမောင်းတတ်ပါဘူး။ လမ်းလဲ မသိဘူး။ အခုရောက်နေတာဘယ်နေရာလဲ ဆိုတာကို ကျွန်တော်တကယ်မသိပါဘူး ခင်ဗျာ”
ပြောရင်းနဲ့ ဖိုးကြွားက တအိအိနဲ့ ရှိုက်ကြီးတငင် ငိုချမိပါတော့တယ်။
အရုပ်တွေအကုန်လုံးက ဖိုးကြွားကို မသနားတဲ့အပြင် စိတ်တိုစိတ်ဆိုးကြတော့တာပေ့ါ။
“ မင်း..သိပ်ဆိုးတဲ့ ငကြွားကောင်ပဲကွ၊ ကြည့်စမ်း ..မင်းအကြွားပိုလို့ အခု ငါတို့တွေ ဒုက္ခရောက် ကုန်ပြီ”လို့ အရုပ်ကလေးတွေက ဒေါသတကြီးနဲ့ ပြောကြတယ်
 အရုပ်ကလေးတွေ ခမြာ အိမ်ပြန်ရမယ့် လမ်းလဲ မသိတာမို့ တစ်ညလုံး တောကြီးထဲမှာ တယောက်လက်ကို တစ်ယောက်တွဲပြီးတော့ စမ်းတ၀ါးဝါးနဲ့ လျှောက်သွားနေရတာပေါ့။ မှောင်ထဲမှာ အရိပ်ကြီးတွေကလည်း ကြောက်စကြီးတွေကိုး။ ဘယ်တုံးကမှ သူတို့ ဟာ ညမှောင်ကြီးထဲကို အပြင်ထွက်ဘူးကြတာမဟုတ်ဘူးလေ။ နံနက်မိုးသောက်လို့ အလင်းရောင်လေး နည်းနည်း ထွက်လာချိန်မှာပဲ သူတို့ဟာ မီးလင်းနေတဲ့အိမ်လေး တစ်အိမ်ကို လှမ်းမြင်လိုက်ပါတော့တယ်။ အိုး…ဒါသူတို့ရဲ့ အိမ်လေးပဲ…။ သူတို့အားလုံးပျော်သွားပြီးတော့ ဟေး ခနဲအော်ပစ်လိုက်ကြတယ်။
နောက်ဆုံးတော့ သူတို့ အိမ်ကိုပြန်ရောက်လာပြီလေ။
ကံကောင်းထောက်မစွာပဲ အရုပ်ကလေးတွေရဲ့ ပိုင်ရှင် ကောင်မလေးဟာ သူအိပ်ပျော်နေတုံး သူ့အ၇ုပ်ကလေးတွေ အပြင်ကိုထွက်သွားတာနဲ့ တစ်ည အိမ်ကပျောက်သွားတာကို မသိလိုက်ရှာဘူး။ ဒါပေမယ့် သူ့ရဲ့ကားနီလေး ဘယ်နေရာမှာမှာ ရှာမတွေ့တော့တာကိုတော့ ကောင်မလေး ခမြာ အံသြနေမိပါတော့တယ်။
ဖိုးကြွားကတော့ သူကြွားမိလို့သူ့သူငယ်ချင်းတွေ အားလုံးဒုက္ခရောက်ကြရတာကို စိတ်မကောင်းဖြစ်နေရှာပါတယ်။ ဒါပေမယ့် သူ့ သူငယ်ချင်းအရုပ်တွေကတော့ ဖိုးကြွား ကြောင့်ဒုက္ခရောက်ခဲ့တာကို မေ့ပြစ်လိုက်ကြပါပြီ။ အားလုံးသူ့ကို ခင်ခင်မင်မင်နဲ့ပဲ ဆက်ဆံကြပါတယ်။အဲဒီ့နေ့က စလို့ ဖိုးကြွားဟာ သူ့ရဲ့ ကြွားတဲ့အကျင့်ကို ဖျောက်လိုက်ပါတော့တယ်။

ခေတ်ဘုန်းသစ်

Junior Magazine (Sept, 2012)