Tuesday, July 19, 2016

မိုးခိုသူများနှင့် ကျွန်တော်


(တစ်)
          ကောင်းကင်ကြီးသည် စိတ်ဆိုးမာန်ဆိုးနှင့် ဒေါသပုန်ထနေသော ချစ်သူကောင်မလေးတစ်ယောက်နှင့် တူနေသည်။ လေပြင်းများက စိတ်ဆိုးနေသော ကောင်မလေး၏ မျက်ရည်များကို ပိုကျလာအောင် မြူဆွယ်နေသည့်ဟန်။ ကျွန်တော် မိုးသံတစ်ဝုန်းဝုန်းကို အရသာရှိစွာ နားထောင်ရင်း နေကြာစေ့တစ်ထုတ်ကို ဖောက်လိုက်သည်။ အခန်းမီးမှိန်ပျပျအောက်၌ ကျွန်တော့်နေကြာစေ့ဝါးသံ တဖြောက်ဖြောက်မှာ အချက်ကျစွာ စီးဝါးလိုက်နေကြ၏။ ကျွန်တော် ကုလားထိုင်၌ မတ်မတ်ထိုင်နေရာမှ ခန္ဓာကိုယ်ကို တစ်ဝက်လျှောချလိုက်ရင်း ပျင်းရိညည်းငွေ့စွာ သမ်းဝေလိုက်၏။
          "အခုအချိန်မှာ မိုးခိုမယ့် ဧည့်သည်တစ်ယောက်လောက်ဖြစ်ဖြစ် လာရင် ကောင်းမယ်" ဟု ကျွန်တော် တွေးလိုက်မိ၏။ မိုးသည်သည်းရွာနေသော အချိန်၌ ကော်ဖီပူပူတစ်ခွက်ကို ခပ်မျှဉ်းမျှဉ်းမှုတ်သောက်ရင်း တစ်စုံတစ်ဦးနှင့် စကားပြောချင်စိတ်တို့က ကျွန်တော့်ရင်မှာ ပြင်းပြလာသည်။
          "ပျင်းလိုက်တာ … ဝါး"
          ပျင်းပျင်းရိရိ သမ်းဝေရင်းမှ အပြင်ဖက်ကို ကြည့်မိသည်။ တစ်လောကလုံး မှောင်မည်းနေသလား အောက်မေ့ရအောင် အမှောင်ထုက ကြီးစိုးနေသည်။ လမ်းပေါ်၌ လူသွားလူလာ ကင်းရှင်းလျက်။ ကျွန်တော် စိတ်ညစ်ညစ်နှင့် ကုလားထိုင်ကို မှီလိုက်သည်။
          "ခြစ် … ခြစ် … ခြစ် … ခြစ်"
          အိမ်တံခါးကို ကုတ်ခြစ်သံနှင့်အတူ တွန်းကန်ဖွင့်နေသည့် အသံကြောင့် ထိတ်ကနဲ ဝမ်းသာသွားမိ၏။
          "အင်း … မိုးခိုဖို့အတွက် ဧည့်သည်တစ်ယောက်ယောက် လာတာပဲ ဖြစ်ရမယ် …"
          ကျွန်တော် ထိုင်နေရာမှထကာ တံခါးပေါက်အနီးသို့ ခပ်သွက်သွက် လျှောက်သွားမိသည်…။
          "ဗုဒ္ဓေါ"
          ကျွန်တော့်ထံလာသည့် မိုးခိုမည့်ဧည့်သည်က ကျွန်တော်ထင်သလို လူမဟုတ်ချေ။ တစ်ကိုယ်လုံး ခိုက်ခိုက်တုန်နေရှာသည့် ခွေးနှင့်ကြောင်…။ ကျွန်တော် စိတ်ညစ်သွား၏။ စကားပြောရန် လူတစ်ယောက်ကို လိုအပ်နေသည့် အချိန်မှာမှ တိရစ္ဆာန်နှစ်ကောင်က ရောက်လာရသည်။
          ကျွန်တော် သက်ပြင်းတစ်ချက်ကို မှုတ်ထုတ်လိုက်ရင်း သူတို့နှစ်ယောက်ဝင်နိုင်အောင် တံခါးကို ဆွဲဖွင့်ပေးလိုက်၏။ ကြောင်က 'ညောင်' ဟု တစ်ချက်အော်ကာ အိမ်ထဲသို့ သွက်လက်စွာ ဝင်သွား၏။ ခွေးကတော့ ကြောင်နောက်က အမြှီးကုတ်၍ ခပ်လေးလေး။ သူတို့နှစ်ဦးပုံက ခရီးတော်တော်ဝေးဝေးမှ လာခဲ့ဟန်ဖြင့် နွမ်းရိနေကြ၏။
          ကျွန်တော် ကိုယ့်ဘာသာကိုယ် သဘောတကျ ပြုံးလိုက်မိ၏။ လူစောင့်နေတာ.. လူမလာဘဲ တိရစ္ဆာန်လာသည့်အဖြစ်။ ဘာပဲပြောပြော ဒီညတော့ အိမ်ကြီးတစ်အိမ်လုံး၌ ကျွန်တော် တစ်ကောင်ထဲ မဟုတ်တော့ချေ။ ကျွန်တော်..၊ ခွေး..၊ ကြောင်…။ နှစ်ကောင်နှင့် တစ်ယောက်တော့ ရှိပြီ။

(နှစ်)
          အခန်းထောင့်ရှိ ဂုံနီအိတ်အစုတ်ပေါ်၌ ခွေးက ခွေခွေလေးအိပ်နေသည်။ ကြောင်၏ရေစို အမွေးတွေကို အဝတ်စုတ်တစ်ခုဖြင့် သုတ်ပေးရင်းမှ ကျွန်တော် မာဂဓဘာသာစကားတတ်ကြောင်း သူတို့နှစ်ကောင်အား ပြောပြလိုက်ရင် ကောင်းမည်လားဟု စဉ်းစားလိုက်မိ၏။
          သို့သော် ကျွန်တော့်အတွေးကို ကျွန်တော် ချက်ချင်းပြန်ဖျက်လိုက်သည်။ ကျွန်တော့်အပေါ် ထင်မြင်ချက်…၊ သူတို့၏ သဘောထားအားလုံးကို တိတ်တိတ်ဆိတ်ဆိတ်နှင့် စူးစမ်းရန် ဆုံးဖြတ်လိုက်၏။ သူတို့ နှစ်ကောင် ဘယ်ကလာသလဲ…၊ ဘာတွေဖြစ်လာခဲသလဲဆိုတာကို ကျွန်တော် အလွန်သိချင်နေ၏။ မိုးကရွာကောင်းဆဲ။ လမ်းထိပ်ကင်းတဲမှ သံချောင်းခေါက်သံခုနစ်ချက်ကို ကြားလိုက်ရသည်။ ညစာ စားရဦးမည်။
          ဒီည … ညစာကို ကျွန်တော်တစ်ယောက်တည်း ပျင်းပျင်းရိရိ မစားချင်သဖြင့် အဖော်တစ်ယောက်ကို စောင့်နေသည်ဆိုပါမှ ရောက်လာသည့်အဖော်က လူမဟုတ်ပြန်။ လမ်းမ၌လည်း လူသွားလူလာ ကင်းရှင်းနေသည်။ ဒီပုံစံအတိုင်းဆိုရင် နောက်ထပ် မိုးခိုမည့်လူသား ဧည့်သည်တစ်ယောက် ထပ်ရောက်လာဖို့ မလွယ်ချေ။ ကျွန်တော် ညစာစားရန် ဟန်ပြင်လိုက်၏။ ကြောင်နှင့်ခွေးအတွက်ပါ ခွက်တစ်ခုစီ၌ ထည့်၍ ပြင်ဆင်လိုက်သည်။
          "မီ…မီ…မီ"
          "အို့…အို…"
          "မိုးသံကြားမှ ကြောင်နှင့်ခွေးကို အသံမြှင့်၍ ခေါ်လိုက်သော ကျွန်တော့်အသံက ဟိန်းထွက်သွား၏။ ခွေးက အပျင်းကြောတစ်ချက်ဆန့်ရင်း လေးတိလေးတွဲ ထလာ၏။
          "အင်း … ဟင်းတွေကတော့ ကောင်းသားပဲ"
          ပထမဆုံးပြောသော ခွေးရဲ့စကား။ ကျွန်တော် နားစွင့်မိ၏။
          "ဒီကပြီးရင် ငါတော့ ဘယ်ဆက်သွားရမှန်းတောင် မသိပါဘူးကွာ၊ ဒီအိမ်ရှင်ဆီမှာပဲ နေလို့ရရင်တော့ ကောင်းမယ်"
          ခွီး…။ ကြောင်က ခွေးကို မာန်ဖီလိုက်ရင်းမှ ပေစောင်းစောင်းလှမ်းကြည့်၏။
          "မင်းလူတွေ စိတ်မကုန်သေးဘူးလား ရန်လုံ။ လူတွေဟာ သတ္တဝါတွေထဲမှာ အကောက်ကျစ်၊ အစဉ်းလဲဆုံး သတ္တဝါပဲကွ။ ငါတော့ ဘယ်တော့မှ လူနဲ့ မနေတော့ဘူးလို့ ဆုံးဖြတ်ထားတယ်"
          "ဟင်း … ဟင်း … ဟင်း"
          ခွေးက ကြောင်၏ စကားကြောင့် လှောင်ရယ် ရယ်လိုက်သည်။ ကျွန်တော် အသက်ရှူဖို့ မေ့နေအောင်ပင် သူတို့စကား၌ နစ်ဝင်နေသည်။
          "ရွှေဝါ… ရွှေဝါ… ပြောတော့ မင်းက လူတွေကို စိတ်ကုန်သလေးဘာလေးနဲ့ ခုနကများ အိမ်ရှင်လူကြီးကို ခေါင်းလေးဝှေ့ဝှေ့ပြီး ချွဲနေလိုက်တာများ အံ့ပါ့…"
          "မင်း… အဲဒါကြောင့် ခက်နေတာပဲ ရန်လုံ"
          ကြောင်က ပန်းကန်ထဲ၌ နောက်ဆုံးကျန်နေသော အသားတစ်ဖတ်ကို တမြုံ့မြုံ့ဝါးရင်း ခွေးကို လှမ်းပြောလိုက်၏။
          "အရိုးဆုံး၊ အအေးဆုံး၊ အနူးညံ့ဆုံး၊ အသိမ်မွေ့ဆုံးနေမှ ဖြစ်မယ့် အချိန်မှာ အဲဒီလိုပဲ နေရမယ်…၊ ဒီမှာကွ ရန်လုံရဲ့ ကိုယ့်ကို လူတွေက သတိမထားလေ လူတွေရဲ့စရိုက်ကို လေ့လာလို့ ပိုကောင်းလေဆိုတာ မှတ်ထား…"
          ခွေးကြီးက မျက်စိပေကလပ် ပေကလပ်နှင့် ကြောင်ကို ကြည့်နေ၏။
          "ကိုယ့်ကို လူတွေက သတိမထားလေ၊ လူတွေရဲ့စရိုက်ကို လေ့လာလို့ ပိုကောင်းလေ" ဆိုသည့် ကြောင်၏စကားကို ကျွန်တော် အံ့သြတကြီး နားထောင်မိ၏။
          "အင်း ဒီအိမ်ရှင်ကတော့ ပညာတတ်ပုံပဲ၊ အိမ်ထဲမှာ စာအုပ်တွေ အများကြီးပဲ…"
          ခွေးက ကျွန်တော့်ကို ဝေဖန်သည်။ ကြောင်ပညာရှိ ဘာပြောဦးမည်လဲ…။ ကျွန်တော် နားစွင့်မိ၏။
          "ပညာတတ်လေ၊ အတ္တကြီးလေပဲ" တဲ့။
          ဗုဒ္ဓေါ…။ ရက်ရက်စက်စက်။ အသိဥာဏ်တစ်ထွာတစ်မိုက်ကောင်က ကျွန်တော့်ကို စွပ်စွပ်စွဲစွဲ။ ကျွန်တော် သည်းမခံနိုင်တော့။ မာဂဓဘာသာစကားနှင့် လှမ်းဆဲလိုက်၏။ ခွေးက အမွေးတွေပွထလာအောင် အံ့သြတကြီး ဖြစ်သွား၏။ ကြောင်ကတော့ ခပ်အေးအေးပင်။ ကျွန်တော့်ကိုကြည့်ကာ ဟက်ဟက်ပက်ပက် ရယ်နေ၏။
          "ခင်ဗျား နဂိုကတည်းက မာဂဓဘာသာစကားတတ်တယ်ဆိုတာ ကျုပ်သိသားပဲ…။ ဒီမှာ လူသားရဲ့… ပညာတတ်ဆိုတာ ဘယ်လိုဟာမျိုးကို ခေါ်တယ်ဆိုတာ ခင်ဗျားသိဖို့ အများကြီးလိုသေးတယ်"
          ကြီးကြီးကျယ်ကျယ်။ ကျွန်တော် ကြောင်ကို ရွံရှာမုန်းတီးစွာ ကြည့်မိ၏။ ဒီလောက် မခိုးမခန့်နိုင်သည့် သတ္တဝါကို ကျွန်တော် တစ်ခါမျှ မမြင်ဖူးခဲ့။
          "ထွီ… မင်းလို ကြောင်နာ ကြောင်စုတ်က ငါ့ကိုများ ပြောရတယ်ရှိသေး…"
          ကျွန်တော် ကြောင်ကို လှမ်းကြိမ်းလိုက်၏။
          "အဲဒါကိုက ခင်ဗျားလိုသေးတာ…။ ခင်ဗျား စိတ်ဆတ်လွယ်တာ၊ စိတ်တိုလွယ်တာ ခင်ဗျားစိတ်ထဲက ပညာတွေ၊ ဦးနှောက်ထဲက ပညာတွေ မရင့်ကျက်သေးလို့ပဲဗျ။ ရင့်ကျက်တယ်လို့ ခင်ဗျားကိုယ်ခင်ဗျား ထင်ချင်ထင်လိမ့်မယ်။ ဒါက အတ္တပဲ။ ခင်ဗျားကိုယ် ခင်ဗျား ငါ ပညာတတ်၊ ငါ အတော်ဆုံး၊ ငါ အတတ်ဆုံးလို့ ထင်မှာပဲ။ အဲလိုထင်တာကိုက တကယ်ကို ပညာမရှိသေးလို့။ ခုန ကျွန်တော် ပြောခဲ့တဲ့ ပညာတတ်လေ အတ္တကြီးလေဆိုတဲ့ စကားက ပညာတတ်ဖြစ်ချင်ယောင်ဆောင်နေတဲ့ ခင်ဗျားတို့လို လူတွေကိုပြောတာ"
          ကျွန်တော်ကြောင်ကို တအံ့တသြကြည့်လိုက်မိ၏။ ဒီလို စကားမျိုးတွေ ဒီကြောင် ဘယ်လို တတ်ပါလိမ့်ဟု စဉ်းစားမိ၏။ ခွေးကတော့ ကျွန်တော်တို့ ပြောစကားတွေကို မျက်လုံး ပေကလပ် ပေကလပ်ဖြင့် နားထောင်နေဆဲ။ ကျွန်တော် အိမ်ရှေ့ထွက်လာခဲ့၏။
          ခွေးနှင့်ကြောင်အတွက်ပါ ထိုင်ခုံတွေချပေးရင်း ကျွန်တော် သူတို့နှင့် စကားလက်ဆုံ ပြောရန် ရည်ရွယ်၏။ ရည်ရွယ်သော ခဏမှာပင် "ငါလူပဲ" ဟူသော အတ္တက ခေါင်းထောင်ကြွလာ၏။
          "အင်း … တစ်တန်းတစ်စားတည်းတော့ စကားထိုင်ပြောလို့ မကောင်းပါဘူးလေ"
          ဟု တွေးကာ ခပ်မြင့်မြင့် ခုံတစ်ခု၌ ကျွန်တော်ထိုင်ရန် ဆုံးဖြတ်လိုက်သည်။

(သုံး)
          "ခင်ဗျား … ဘာလို့ မြို့စွန်မှာ တစ်ယောက်တည်းလာနေရတာလဲ"
          ကျွန်တော်မေးချင်တာကို သူတို့ကို စ,မမေးရသေး … ခွေးက ကျွန်တော့်ကို စတင် မေးခွန်းထုတ်၏။
          "လူတွေက မကောင်းပါဘူးဗျာ၊ ကျုပ် လူတွေကို စိတ်နာတယ်"။ ခွေးနှင့်ကြောင်က ကျွန်တော့်စကားကို စိတ်ဝင်တစား နားထောင်နေကြ၏။
          "ကျုပ် အမေနဲ့အဖေက နူနာဖြစ်ပြီး သေသွားတာ…၊ ကျုပ်က ဒီမြို့မှာ လာဇာတ်မြှုပ်နေတာဗျ၊ တစ်နေ့တော့ဗျာ ကျုပ်အကြောင်းကိုသိတဲ့ ကျုပ် ပညာတတ်အောင်မြင်နေတာကို မနာလိုတဲ့ အရာရှိတစ်ယောက် ဒီမြို့ကို ပြောင်းလာရော ဆိုပါတော့။ သူက ကျုပ် မျိုးရိုးအကြောင်း လူတကာကို လိုက်ပြောတော့တာပဲ။ လူတွေဟာ တော်တော်အဆင့်အတန်း ခွဲခြားတတ်တယ်"
          ကျွန်တော် နာနာကြည်းကြည်း ရေရွတ်ပြောဆိုလိုက်၏။ ကျွန်တော့်စကားအဆုံး ကြောင်က ဟက်ဟက်ပက်ပက်ရယ်၏။ ကျွန်တော့်စကားထဲမှာ ရယ်စရာ ဘာမှမပါ။
          "ဘာရယ်တာလဲ"
          ကြောင်ကို အသံမာမာနှင့် ဟောက်လိုက်၏။ ကြောင်က ဟက်ဟက်ပက်ပက်ပင် ဆက်ရယ်နေပြန်၏။ ပြီးမှ
          "သဘောကျလို့ပါဗျာ၊ ခင်ဗျားက လူတွေ အဆင့်အတန်းခွဲလို့ မြို့စွန်မှာ လာနေရသေးလေး ဘာလေးနဲ့ ခင်ဗျားကိုယ်တိုင်ရော အဆင့်အတန်း မခွဲတတ်လို့လား။ ခင်ဗျားတို့လူဆိုတာမျိုးက အောက်ကနေရရင် အပေါ်ကို မာန်တဖီဖီနဲ့ မကောင်းပြောချင်သလောက် အပေါ်ရောက်သွားရင် အောက်ကို လုံးဝမမြင်တတ်တဲ့ မျက်စိရှိနေသူချည်းပဲ"
          "တောက်…"။ ကျွန်တော် ကြောင်ကို တောက်ခေါက်မိ၏။
          "ဟော့ အမှန်တွေပြောပြန်တော့ စိတ်ဆိုးပြန်ပြီ မဟုတ်လား၊ ခင်ဗျားတို့လူတွေဟာ အဲဒီအတိုင်းပဲ၊ မှန်ကြည့်တတ်တဲ့သူဟာ ဘယ်တော့မှ အမှန်မမြင်ဘူးတဲ့"
          ဒီကြောင်ပြောလိုက်မှဖြင့် စကားကြီး၊ စကားကျယ်တွေချည်းပင်။ ခွေးက အားနာသလိုနှင့် "မင်းကလဲကွာ" ဟု ဝင်ပြောသည်။
          "မင်းလိုငါက တလောကလုံးကို ထန်းလျက်အမှတ်နဲ့ မြိန်ရည်ယှက်ရည် လျက်ဖို့ ကြိုးစားနေတဲ့ကောင် မဟုတ်ဘူးကွ"
          ကြောင်က ခွေးကို လှမ်းကြိမ်း၏။ ခွေး အမြှီးကုတ်သွားသည်။
          "ဒါထက် မင်းတို့ ဘယ်ကနေလာပြီး ဘယ်ကိုသွားကြမလို့လဲ"
          "အင်း…"။ ကြောင်က စဉ်းစားသလို လုပ်ရင်းမှ
          "လူနဲ့မနီးတဲ့ဆီ"
          ဟု တစ်ခွန်းချင်းပြောလိုက်၏။
          ကျွန်တော် သူတို့နှစ်ကောင်ကို မုန့်တစ်ခုစီ ချကျွေးလိုက်ရင်းမှ မိုးအခြေအနေကို အကဲခတ်လိုက်သည်။ မိုးက တဖြည်းဖြည်းစဲလာပြီဖြစ်၏။ ကျွန်တော် တစ်စုံတစ်ရာကို သတိရလိုက်၏။
          "ဒီတစ်ညတော့ ဒီမှာပဲ တည်းပါကွာ"
          ဟု တောင်းပန်လိုက်၏။ ကျွန်တော့်နှုတ်ခမ်းထက်၌ အပြုံးတစ်ခုက တွဲခိုလျက်။ ကြောင်က ခေါင်းတညိတ်ညိတ်ပြုံး၏။
          ခွေးကလည်း ဝမ်းမြောက်ဝမ်းသာ ခေါင်းညိတ်၏။

(လေး)
          ခွေး၏ မျက်ဝန်းတွေက အံ့သြထိတ်လန့်။ ကြောင်ကတော့ အပြုံးမပျက်ချေ။
          "သေရမှာကြောက်တဲ့ သတ္တဝါထဲမှာ ကျုပ် မပါဘူး" ဟု ပြောနေသယောင်။ ကြောင် ဦးနှောက်ကို ကျွန်တော် ထုတ်ယူလိုက်ရင်း စိတ်လိုလက်ရ ပြုံးရယ်လိုက်၏။
          "ဒီလို မလုပ်ပါနဲ့ဗျာ၊ အဲဒီလို လုပ်တာတော့ မကောင်းပါဘူး"
          ခွေးက ကျွန်တော့်ကို မျက်ရည်စက်လက်နှင့် တောင်းပန်၏။ ကျွန်တော် ခွေးရဲ့ လက်တွေကို အသာပုတ်ချလိုက်ရင်း ကျွန်တော့်ဦးနှောက်နှင့် ထက်မြက်လှသော ကြောင် ဦးနှောက်ကို လဲလှယ် တပ်ဆင်ပစ်လိုက်၏။
          အောင်မြင်ပြီ…။ ကျွန်တော် အရင်ကထက် ပို၍ ထက်မြက်ထူးချွန်တော့မည်။ ကျွန်တော် ဝမ်းမြောက်ဝမ်းသာ ပြုံးရယ်လိုက်သည်။
          "မိုက်လိုက်တာ မိုက်လိုက်တာ"
          ခွေးက တတွတ်တွတ်နှင့် ကျွန်တော့်ကိုကြည့်ကာ ရေရွတ်နေ၏။
          "သေလိုက်စမ်း ခွေးစုတ်၊ ဘာမိုက်ရမှာလဲကွ၊ ငါ့တစ်သက်မှာ ဒီလောက်ထက်မြက်တဲ့ ဦးနှောက်မျိုး အတွေးအခေါ်မျိုးကို လူထဲမှာတောင် မမြင်ဖူးဘူး"
          ခွေးက ကျွန်တော့်ကို စိတ်ပျက်သလို ကြည့်၏။
          "ဗုဒ္ဓေါ…"
          ကျွန်တော့် မြီးညှောင့်ရိုးနေရာက မခံမရပ်နိုင်အောင် ယားလာနေပါလား။ အလန့်တကြား စမ်းလိုက်မိ၏။
          "ဘုရားရေ…"
          အမြှီး… အမြှီး…။ အို…။ ကျွန်တော် ကြောက်လန့်တကြား အော်ဟစ်မိ၏။ ကျွန်တော့်တစ်ကိုယ်လုံး အမွှေးတွေ။ ချက်ခြင်းလေးဘက်ထောက် ကျသွား၏။
          "ကြောင်တစ်ကောင်ရဲ့ ခန္ဓာကိုယ်ပါလား"
          ကျွန်တော် ကိုယ့်ဟာကိုယ် ငုံ့ကြည့်ရင်းမှ ဝမ်းပမ်းတနည်း ငိုကြွေးလိုက်မိ၏။
          "ဝေါင်း"
          "ဟဲ့ ခွေး… မလုပ်ပါနဲ့… ရန်လုံ"
          ကြောက်လန့်တကြား အော်သံ။ ခွေးက ကျွန်တော့်ဇက်ကို ခဲလိုက်ရင်းမှ ဝမ်းမြောက်ဝမ်းသာ ဝါးစားလိုက်၏။
          "ဟဲ့… ခွေး…ခွေး"
            ကျွန်တော့်အသံ တိမ်ဝင်သွားတော့၏။

(ငါး)
            တမြို့လုံး အံ့သြနေ၏။ ဒီအိမ်ကြီးထဲက ဒေါက်တာနိုင်သူရ ဘယ်ရောက်သွားသနည်း။ ကြောင်နှစ်ကောင်၏ အရိုးတွေနှင့်အတူ ခွေးတစ်ကောင်တို့ ဘယ်တုန်းကရောက်လာမှန်းလည်း သူတို့မသိကြ။ ဒေါက်တာနိုင်သူရ တိရစ္ဆာန်မမွေးတတ်ကြောင်း တမြို့လုံးသိကြ၏။ နှစ်ပေါင်းများစွာကြာအောင် ဒေါက်တာနိုင်သူက ဒီအိမ်ကို ပြန်မရောက်လာတော့ချေ။ အိမ်ကြီးတစ်အိမ်လုံးထဲမှာ ခွေးတစ်ကောင်တည်း။

ပန်းရိပ်ဖြူ
ချယ်ရီ မဂ္ဂဇင်း