Sunday, September 23, 2012

မုန့်တွေရှိတဲ့ကျွန်း

ကျွန်မ ရဲ့ ကိုယ်တိုင်ရေး ပုံပြင်လေးတစ်ပုဒ်ပါ။ ကျွန်မက ပုံပြင်တွေထဲက နေ တစ်ဆင့် ကလေးတို့ကို စိတ်နှလုံးနူးညံ့လာအောင်လို့ သင်လို့ရတယ်လို့ ယုံပါတယ်။ သားဖတ်ဖို့ အတွက် တာဝန်ယူမှု နဲ့ပတ်သတ်တဲ့ပုံပြင်လေးတစ်ပုဒ်ရေးဖို့ တွေးမိရာကနေ ကျွန်မရေးမိတာပါ။ အတွေး၊ စိတ်ကူးစိတ်သန်းအားလုံး ကျွန်မကိုယ်တိုင်ဖြစ်ပါတယ်။ တစ်ကြောင်းမှ မှီငြမ်းထားတာမပါပါဘူး။

မုန့်တွေရှိတဲ့ကျွန်း
ခေတ်ဘုန်းသစ်

တစ်ခါတုံးက၀က်ဝံလေးတစ်ကောင်ရယ်၊ကြွက်လေးတစ်ကောင်ရယ်ဟာသဘောင်္ကြီးတစ်စီးနဲ့ခရီးထွက်လာကြတယ်။သူတို့ရဲ့ဖေဖေ၊မေမေတွေလည်းပါတာပေါ့။ သဘောင်္ပေါ်မှာကလူကြီးတွေချည်းပဲ။ ကလေးဆိုလို့ ကြွက်လေးနဲ့ဝက်ဝံလေးပဲပါတာမို့ သူတို့နှစ်ယောက်က မကြာခင်မှာဘဲ သူငယ်ချင်းတွေဖြစ်သွားကြတယ်။ သဘောင်္ကြီးပေါ်မှာ သူတို့နှစ်ယောက်တူတူပုန်းတမ်းကစားကြ၊အရုပ်ဖွက်တမ်းကစားကြနဲ့စုံနေအောင်ကစားကြတယ်။ သဘောင်္ကြီးနဲ့ပင်လယ်ထဲခရီးထွက်ရတာ ပျင်းစရာကောင်းပေမယ့် သဘောင်္ပေါ်မှာကစားမယ့် သူငယ်ချင်းအဖေါ်ရှိတာမို့သူတို့သိပ်ပျော်ကြတယ်ပေါ့။ တစ်ရက်သူတို့နှစ်ယောက် ကစားမယ်ဆိုပြီး အိပ်ရာကထတော့ သဘောင်္ကြီးပေါ်ကလူတွေအကုန်လုံး ကြောက်လန့်တကြားဖြစ်နေတာကို သူတို့ တွေ့လိုက်ရတယ်။ ကောင်းကင်ကြီးဟာဟိုးအရင်သူတို့တွေ့ဖူးနေသလိုအပြာရောင်ကြီးမဟုတ်တော့ဘဲ လူကြီးတွေ ဒေါသထွက် လို့ မျက်နှာကြီးနီနေသလိုမျိုးနီရဲနေတယ်။ ဘာဖြစ်လို့ပါလိမ့်လို့သူတို့ တွေးနေတုံးမှာပဲ ၀ူးဝူးဝေါဝေါဆိုတဲ့ အသံတွေနဲ့အတူလေတွေတိုက်လာပါရော။
ဝက်ဝံလေးနဲ့ကြွက်ကလေးဟာသူတို့ကစားနေတဲ့အရုပ်လေးတွေကိုချပြီးလေတွေတ၀ုန်းဝုန်းတိုက်နေတာကိုကြောက်လန့်တကြားနဲ့ကြည့်နေမိတယ်။ သဘောင်္ပေါ်က လူကြီးတွေလည်းအကုန်လုံးအလုပ်ရှုတ် နေကြတာပေါ့။ သူတို့ရှေ့ကနေ သူတို့ကိုကျော်ခွပြီး အပြေးအလွှားသွားနေကြတဲ့လူကြီးတွေကို လိုက်ကြည့်လိုက် လေတွေတ၀ုန်းဝုန်း တိုက်ပြီး၊ လှိုင်းလုံးကြီးတွေမြင့်တတ်လာတာကို ကြည့်လိုက်နဲ့ သူတို့အံသြကြောက်လန့် နေတုံးမှာပဲ..အိမ်လောက်ကြီးရှိတဲ့လှိုင်းလုံးကြီးကသူတို့သဘောင်္ကြီးကိုဖုံးလွှမ်းသွားတော့တယ်။
          သူတို့သတိရလို့ကြည့်လိုက်တဲ့အချိန်မှာတော့သူတို့ဟာကျွန်းလေးတစ်ကျွန်းပေါ်ကိုရောက်နေတာ တွေ့လိုက်ရတယ်။ ကျွန်းကလေးကကျွန်းကလေးသာဆိုတယ် ဘုရားပွဲကျင်းပနေသလိုမျိုးပဲ။ မီးရောင်စုံတွေတဖျပ်ဖျပ်နဲ့။ လူတွေကလည်း အ၀တ်အစားလှလှပပ၊ ကောင်းကောင်းမွန်မွန်တွေနဲ့ပေါ့။ အို..မုန့်ဆိုင်တွေ၊အရုပ်ဆိုတာလည်းအများကြီးပဲတဲ့။သူတို့လည်းသိပ်ပျော်သွားတာပေါ့၊ဗိုက်ကလည်းဆာနေပြီးကိုး။မုန့်သွားစားမယ်ဆိုပြီးသူတို့ထလိုက်တဲ့အချိန်မှာပဲ သူတို့မှာမုန့်ဝယ်စားစရာပိုက်ဆံမရှိတာကို သတိရမိပြီး နှစ်ယောက်လုံးဝမ်းနည်းသွားကြတယ်။
          '' ငါတို့မှာမုန့်ဝယ်စားစရာပိုက်ဆံလည်းမရှိဘူး''လို့ကြွက်လေးကစိတ်ညစ်ပြီးအော်ပြောလိုက်တယ်။
   ''ဗိုက်ဆာလိုက်တာ'' လို့ဝက်ဝံလေးကလည်းပြောလိုက်တယ်။
 "ဘာပဲဖြစ်ဖြစ်လာကွာငါတို့လျှောက်ကြည့်ရအောင်'' လို့ဝက်ဝံလေးကပြောပြီးသူတို့ဆိုင်တန်းတွေဘက်လျှောက်သွားကြတယ်။
ယုန်မကြီးတစ်ကောင်ရောင်းတဲ့မုန့်ဟင်းခါးနံ့ကမွှေးနေတာပဲ။ဆိတ်ဦးဦးရောင်းတဲ့ပြောင်းဖူးပေါက်ပေါက်ဆုတ်အနံ့ကထောပတ်နံ့သင်းနေတာပဲ။ဟော..ဟိုနားကရေခဲမုန့်ဆိုင်ကရော...ငါတို့စားချင်လိုက်တာ လို့ ၀က်ဝံလေးနဲ့ကြွက်လေးက သူတို့ဖာသာပြောရင်းလျှောက်လာကြတယ်။
          ''ဟေ့ကြည့်စမ်းပါဦး..မုန့်လေပွေကြီးကို'' လို့ဝက်ဝံလေးကကြွက်လေးကိုလှမ်းပြီးပြောလိုက်တယ်။
          '' အို..ငါမြင်ဖူးတဲ့အထဲမှာအကြီးဆုံးကြီးပဲ''
          ''ကောက်ညှင်းပေါင်းကလည်းအငွေ့တထောင်းထောင်းနဲ့ကွ''
          ''ကောက်ညှင်းကျည်တောက်ကြီးကရော..တကယ့်ဧရာမအကြီးကြီးပဲ''
   သူတို့တွေဟာမုန့်ဆိုင်တွေကိုတစ်ဆိုင်ပြီးတစ်ဆိုင်ဖြတ်ကျော်ရင်းသူများတွေပလုတ်ပလောင်းစားနေတာကိုငေးကြည့်နေကြတယ်။
          သူတို့ငေးကြည့်နေတုံးမှာပဲ.. ရေခဲချောင်းတစ်ချောင်းကိုပါးစပ်ကနေစီးကျနေအောင် လျက်လာတဲ့ ကလေးတစ်ယောက်ကလမ်းအလယ်ကောင်မှာ ဘယ်သူစည်းမဲ့ကမ်းမဲ့လွှင့်ပစ်ထားမှန်းမသိတဲ့ ငှက်ပျောခွံ တစ်ခုကို တတ်နင်းမိပြီးချော်လဲပါလေရော...။
ကြွက်ကလေးက''ဟော''လို့အော်လိုက်ရင်းဖြတ်ခနဲဆိုကလေးလေးအနားကိုရောက်သွားပါတော့တယ်။ဝက်ဝံလေးကတော့ကြွက်လေးလိုအပြေးမမြန်တာမို့ကလေးလေးချော်လဲတာကိုသွားမထူမိဘဲငေးပြီးကြည့်နေမိတယ်။
          ''ညီလေးထထ..မငိုနဲ့တိတ်တိတ်'' လို့ ကလေးလေးကိုပြောပြီးဆွဲထူပေးပါတယ်။ ကလေးရဲ့ ဘောင်းဘီမှာ ပေနေတဲ့ ဖုံတွေကို ကြွက်ကလေးက ခါပေးတယ်။ ပြီးတော့ ကြွက်ကလေးဟာ လမ်းပေါ်ကငှက်ပျောခွံကိုယူပြီးသူများတွေတတ်နင်းမိမှာစိုးလို့ဆိုပြီး လမ်းဘေးက အမှိုက်ပုံးထဲကိုသွားပစ် လိုက်တယ်။
ကလေးကိုအငိုတိတ်အောင်ချော့မော့ပြီးကြွက်ကလေးနဲ့ဝက်လေးလမ်းဆက်လျောက်လာတုံးမှာပဲလမ်းမှာတွေ့တဲ့မုန့်ဆိုင်တွေကနေ '' ကြွက်ကလေးလာပါ..ကြွက်ကလေးလာပါ'' လို့ခေါ်လိုက်တဲ့အသံတွေကို ကြားလိုက်ရတော့တာပါပဲ။ ကြွက်လေးလဲအံအားသင့်ပြီးကြောင်ကြည့်နေတုံးမှာပဲ မုန့်လေပွေဆိုင်က မုန့်သည်ကြီးက မုန့်လေပွေ အကြီးကြီးတစ်ချပ်ကိုကြွက်ကလေးလက်ထဲလာထည့်တယ်။
"ကျွန်တော့်မှာပေးစရာပိုက်ဆံမရှိဘူး''လို့ကြွက်လေးကပြောတော့မုန့်သည်ကြီးက''  ဒီကျွန်းမှာပိုက်ဆံမလိုဘူးကွ၊မင်းဟာကြင်နာစိတ်ရှိပြီးကူညီတတ်တဲ့ကောင်လေးမို့မင်းဟာကျွန်းပေါ်ကကြိုက်တဲ့မုန့်ဆိုင်မှာကြိုက်ရာစားလို့ရသွားပြီ”
လို့ပြောလိုက်ပါရော..။ကြွက်ကလေးလဲအံသြသွားပြီး
''ဒါဆိုကျွန်တော့်သူငယ်ချင်းရော...''လို့မေးလိုက်တာပေါ့။ မုန့်သည်ကြီးက ၀က်ဝံလေးကိုလှည့်ကြည့်ပြီး ''သူကဘာမှမှမလုပ်ရသေးပဲ''လို့ အသံသြကြီးနဲ့ပြောလိုက်တယ်။
ဝက်ဝံလေးကသူ့သူငယ်ချင်းကြွက်လေးမုန့်တွေစားနေတာကိုကြည့်ပြီးဝမ်းသာပေမယ့်သူကတော့မုန့်မစားရသေးတာမို့ဗိုက်တွေကတဂျုတ်ဂျူတ်နဲ့ဆာနေတာပေါ့။ စိတ်ပျက်ပျက်နဲ့ပဲဝက်ဝံလေးဟာ မုန့်ဆိုင်က နေပြီးထွက်လာခဲ့တယ်။ သူ ဘာတွေကိုဘယ်သူ့ တွေအတွက် ကူညီပေးရပါ့မလဲလို့ မုန့်စားချင်စိတ်နဲ့ လိုက်ကြည့်ပေမယ့်လည်း ကူညီစရာ ဘာမှရှာမတွေ့ဖူးဖြစ်နေတယ်။လမ်းလျောက်ရလွန်းလို့ခြေထောက်တွေကညောင်း၊ဗိုက်တွေကဆာနဲ့မို့ဝက်ဝံလေးဟာငိုမဲ့မဲ့နဲ့ဖြစ်လာပါတော့တယ်။သူ့ပါးပေါ်ကိုမျက်ရေတွေစီးကျလာပြီးသူအရမ်းကိုအားငယ်လာတယ်။
          ခြေထောက်တွေကိုတရွတ်ဆွဲပြီးသူလမ်းလျောက်လာတုံးမှာပဲ ''ဗြုန်းဝုန်းဝုန်း''ဆိုတဲ့ အသံအကျယ် ကြီးကို ကြားလိုက်ရတာမို့သူလန့်ပြီး တုန်တောင်မှတုန်သွားတယ်။ တစ်ခုခုကို သူခြေထောက်နဲ့ တိုက်လိုက်မိပြီဆိုတာကိုဝက်ဝံလေးသိလိုက်တယ်။ ငုံ့ကြည့်လိုက်တော့ လမ်းပေါ်မှာမိုးကောင်းကင်ကြီးလို ပြာနေတဲ့ ဆေးအပြာတွေစီးကျနေတာကိုတွေ့လိုက်တယ်။
          '' အို ..ငါ ဆေးပုံးကြီးကိုခြေထောက်နဲ့တိုက်ချလိုက်မိပြီပဲ''
ဝက်ဝံလေးဟာအခုမှတကယ့်ကိုရှုိုက်ရှိုက်ပြီးငိုပါတော့တယ်။
''ငါဘယ်တော့မှမုန့်စားရတော့မှာမဟုတ်ဘူး''လို့တွေးမိပြီးသူငိုတော့တာပဲ။ ငိုနေရင်းကရုတ်တရက်သူအငိုရပ်ပြီး၊ဘေးဘီကိုလှည့်ကြည့်လိုက်တယ်။လမ်းပေါ်မှာဝက်ဝံလေးရယ်၊မှောက်နေတဲ့ဆေးပုံးကြီးရယ်ကလွဲလို့ဘယ်သူမှမရှိဘူး။
''ဆေးပုံးကိုငါမှောက်ပစ်တာကိုဘယ်သူမှမှမမြင်တာ'လို့သူတွေးလိုက်မိတယ်။ဝက်ဝံလေးဟာအဲဒီနေရာကနေကမန်းကတန်းထပြီးထွက်ပြေးတော့တာပဲ။
သူပြေးတယ်..။ပြေးတယ်..။ပြေးတယ်။ပြေးရင်းနဲ့ပဲဝက်ဝံလေးဟာရုတ်တစ်ရက်တစ်ခုခုကိုတွေးမိပြီးပြေးတာကိုရပ်လိုက်တယ်။
          ''လမ်းပေါ်မှာဆေးတွေအများကြီးစီးနေတာ..။ဘယ်သူပဲနင်းနင်းဖိနပ်တွေညစ်ပတ်ပြီး၊ ချော်လဲတော့ မှာပဲ။ ပုံးကိုငါမှောက်ခဲ့တာ ငါ့မှာတာဝန်ရှိတယ်'' လို့ဝက်ဝံလေးက တွေးလိုက်မိတယ်။ သူက ခုနကထက်ပိုပြီးမြန်အောင်ကိုဆေးပုံးတွေဆီကိုပြန်ပြေးတယ်။ ပြေးတယ်..။ပြေးတယ်..၊မြန်သထက်မြန်အောင် ကို ပြေးတော့တာပဲ။ ဆေးပုံးဆီကိုရောက်တဲ့အခါမှာတော့ သူဘာလုပ်ရမလဲဆိုတာကိုစဉ်းစားတာပေါ့။
ဆေးတွေကိုဆေးချဖို့ရေရယ်၊တံမျက်စည်းရယ်၊ရေပုံးရယ်လိုတယ်မဟုတ်လား။မုန့်ဆိုင်တန်းတွေဘက်ကိုဝက်ဝံလေးကပြေးသွားပြန်တယ်။ မုန့်ဆိုင်တွေဆီရောက်တဲ့အခါမှာတော့သူကတံမျက်စည်းရယ်၊ရေပုံးရယ် ငှားပြီး၊ရေဘယ်မှာခပ်လို့ရလဲလို့မေးတယ်။ ၀က်ဝံလေးရေသွားခပ်ရမယ့်ရေကန်က အဝေးကြီးပဲ။ ဆေးတွေက အများကြီးဆိုတော့ ရေတစ်ပုန်းထဲမှမရတာ။ အခေါက်ခေါက်သယ်ရတော့တာပေါ့။ မောလွန်းလို့ တံမျက်စည်းနဲ့ ရေပုန်းကိုပစ်ချပြီးသူနားလိုက်ချင်တော့တယ်။
''မဖြစ်သေးပါဘူး။ငါ့ကြောင့်ဖိတ်ကျတဲ့ဆေးတွေကိုသူများတွေတတ်နင်းမိမယ်ဆိုရင်သူတို့ရဲ့ဖိနပ်လှလှလေးတွေအရုပ်ဆိုးကုန်တော့မှာပေါ့''လို့ ၀က်ဝံလေးကတွေးပြီး ရေတွေကိုတပုံးပြီးတပုံးသယ်ပြီး လောင်းကာ တံမျက်စည်းရှည်ကြီးနဲ့ လှည်းလှည်းပြီးဆေးချသတဲ့။ နောက်ဆုံးတော့လမ်းကလေးဟာ ပြောင်လက်ပြီး သန့်ရှင်းသွား ပါတော့တယ်။
          ၀က်ဝံလေးလည်းမောမောနဲ့ ခြေပစ်လက်ပစ်ထိုင်ချလိုက်တော့တာပေါ့။ မောလွန်းလို့ သူ့ ရင်ဘတ်လေးကနိမ့်လိုက်၊မြင့်လိုက်နဲ့တောင်ဖြစ်နေတယ်။ ခဏနားပြီးတော့မှ ၀က်ဝံလေးဟာ မုန့်ဆိုင်ကနေ ငှားထားတဲ့ တံမျက်စည်းနဲ့ရေပုံးကိုယူပြီးမုန့်ဆိုင်တွေဘက်ကိုထွက်လာခဲ့တယ်။
          ၀က်ဝံလေးမုန့်ဆိုင်တန်းတွေဘက်ကိုရောက်တယ်ဆိုရင်ပဲမုန့်ဆိုင်ရှင်တွေအားလုံးပြေးထွက်လာပြီး ၀က်ဝံလေးကိုသူတို့ဆိုင်မှာမုန့်လာစားဖို့အတင်းပဲဝိုင်းခေါ်ကြသတဲ့။ဝက်ဝံလေးကသိပ်အံသြသွားတာပေါ့။
          ''ကျွန်တော်ဘယ်သူ့ကိုမှမကူညီရသေးဘူးလေ။ပြီးတော့ကျွန်တော်ဘာမှလည်းမလုပ်ရသေးဘူး”လို့ ၀က်ဝံလေးကပြောလိုက်တယ်။
          '' မင်းကသိပ်တော်တဲ့ဝက်ဝံလေးပဲ''လို့အားလုံးက၀ိုင်းပြီးပြောကြသတဲ့။
ဝက်ဝံလေးကအံသြပြီးရင်းအံသြသွားတော့တယ်။
''ဟင်..ကျွန်တော်ကနမော်နမဲ့နဲ့ဆေးပုံးကြီးကိုခလုတ်တိုက်ပြီးမှောက်ပစ်လိုက်တာပဲ။ဘာဖြစ်လို့တော်တယ်လို့ပြောတာလဲလို့''လို့ပြန်မေးလိုက်တယ်။
ဝက်ဝံလေးကနားမလည်နိုင်အောင်ဖြစ်နေတုံးမှာပဲသူကြိုက်တဲ့ပဲကြော်နဲ့မုန့်ဟင်းခါးတစ်ပွဲကသူ့ရှေ့ကိုရောက်လာတာမို့ဘာမှထပ်မမေးနိုင်တော့ပဲဗိုက်ဆာဆာနဲ့စားလိုက်တာသုံးပွဲတောင်ကုန်သွားပါလေရော။ ၀က်ဝံလေးပျောက်သွားလို့လိုက်ရှာနေတဲ့ကြွက်ကလေးလည်းလူတွေစုစု..စုစုနဲ့ဘာဖြစ်လို့ပါလိမ့်လို့ဆိုပြီးရောက်လာတော့မုန့်တွေကိုအားရပါးရစားနေတဲ့သူ့သူငယ်ချင်းဝက်ဝံလေးကိုမြင်ပြီးဝမ်းသာသွားတာပေါ့။
''ဟေ့သူငယ်ချင်း..မင်းဘာတွေလုပ်ပေးလို့ဒီလောက်မုန့်တွေအများကြီးစားခွင့်ရတာလဲ''လို့မေးလိုက်တယ်။ဝက်ဝံလေးကမုန့်တွေပလုတ်ပလောင်းစားပြီးအားရပါးရဖြေလိုက်တယ်
 ''ငါလား..ဆေးပုံးကြီးကိုမှောက်ချပစ်လိုက်လို့လေ''တဲ့။
        
ကလေးတို့ရေ ...၀က်ဝံလေးကဆေးဘူးကြီးကိုမှောက်ချပစ်လိုက်တာကိုဘာလို့မုန့်တွေစားရတာလဲ။ကလေးတို့ဘယ်လိုထင်သလဲ။
ကလေးတို့ရောဝက်ဝံလေးမတော်လို့ခလုတ်တိုက်ပြီးဆေးဘူးမှောက်ကျသလိုမျိုးမတော်လို့ဖြစ်ဘူးတာတွေ ဘာတွေရှိလဲ။ဥပမာ-ပန်းကန်ကျကွဲတာမျိုး၊ ဘောလုံးကန်ရင်းမှန်ကွဲတာမျိုးပေါ့။ အဲလိုဖြစ်ရင် ကလေးတို့ ဘယ်လိုခံစားရလဲ၊ဘာတွေလုပ်ကြလဲ၊ကလေးတို့ရောပန်းကန်ကွဲအောင်လုပ်လို့ဝက်ဝံလေးလိုမုန့်တွေစားရ လား၊အဆူခံရလား။ဝက်ဝံလေးကမုန့်စားရပြီးကလေးတို့မုန့်မစားရတာဘာကြောင့်လို့ထင်လဲ။ ကလေးတို့ နားကမုန့်ဆိုင်တွေမှာရောပုံပြင်ထဲကမုန့်ဆိုင်လိုပိုက်ဆံမပေးရတဲ့မုန့်ဆိုင်တွေပေါ်လာခဲ့ရင်ကောင်းတယ်လို့ထင်လား၊မကောင်းဘူးလို့ထင်လား။ဘာကြောင့်လဲ။
မေးထားတဲ့မေးခွန်းလေးတွေကိုဖြေပြီးအန်တီဆီပို့ပေးပါလား။ပို့ပေးတဲ့ကလေးတိုင်းကိုအန်တီကဘောပင်လေးတွေလက်ဆောင်ပြန်ပေးမှာနော်။

ခေတ်ဘုန်းသစ်

Thursday, September 20, 2012

ကစားဖော်


ကျွန်မအသက်ငါးနှစ်လောက်တုံးကကျွန်မအဘွားတွေရှိတဲ့နယ်မြို့လေးတစ်မြို့မှာနေခဲ့ရပါတယ်။ အိမ်မှာနေရတဲ့ အရွယ်ကတည်းက ကျွန်မတို့တတွေဟာပုံပြင်၊ ဇာတ်လမ်းတွေကို ဖန်တီးပြီး ဆော့ကစားတတ်နေကြပါပြီ။ ကျွန်မတို့ဟာ လူကြီးတွေ ညဘက်လက်ဖက်ရည်ကြမ်းသောက်ပြီး စကားစမြည်ပြောတဲ့ ၀ိုင်းဘေးမှာထိုင်ပြီး မြေပဲလှော်စားရင်းကနေ လူကြီးတွေစကားပြောတာကို နားထောင်ခွင့်ရခဲ့ကြတယ်။ နယ်မြို့လေးက ကျဉ်းကျဉ်လေးသာမို့ မြို့လေးထဲမှာရှိတဲ့ ဈေးဆိုင်မှန်သမျှကိုကျွန်မတို့သိနေခဲ့သလို၊ ဒီလူဘာလုပ်တယ်၊ ဟိုလူကဘယ်လိုဆိုပြီး တစ်ယောက် အကြောင်းကို တစ်ယောက် အူမချေးခါးမကျန်ကျွန်မတို့သိနေခဲ့ပါတယ်။  
                        မြို့လေးထဲမှာရှိတဲ့ပဲကြီးလှော်သည်ကြီးဆိုကျွန်မဈေးကိုအမေနဲ့လိုက်သွားတိုင်းပဲကြီးလှော်လက်တစ်ဆုတ်ကျွန်မကိုပေးနေကျပေါ့။ ပဲပြုတ်နဲ့ကောက်ညှင်းပေါင်းရောင်းတဲ့ အသည်ကြီးရောပဲ။ ကျွန်မတို့ ကလေးတွေများပါလာပြီဆို သူ့လက်ကြီးနဲ့ လက်တစ်ဆုတ်စာ ကောက်ညှင်းပေါင်းနဲ့ ပဲပြုတ်ကို ရောဆုတ်ပြီးပေးတော့တာပဲ။ အဲဒီ့တုံးကဆို မနက်ဖက်အမေနဲ့ဈေးလိုက်ရတာကို ကျွန်မတို့ သိပ်ပျော်ခဲ့ကြပါတယ်။ နယ်မြို့လေးမှာနေတုံးက ကျွန်မမှတ်မိသေးတာတစ်ခုက...ကာဖီသည်ကြီးပါ။ ဘယ်သူမှ အိမ်မှာ ကော်ဖီမှုန့်၊ နို့မှုန့်ထားပြီးဖျော်သောက်တဲ့ခေတ် မဟုတ်လေတော့၊ နေ့ခင်းဘက်ကော်ဖီသောက်ဖို့ အတွက်နွားနို့များများနဲ့ဖျော်တတ်တဲ့ ကော်ဖီသည်ကြီးကို မျှော်ကြရပါတယ်။ ကော်ဖီမှုန့်နဲနဲ၊ နွားနို့များများနဲ့ ရောဖျော်ထားတဲ့ကော်ဖီတွေကို မတ်ခွက်ကြီးနဲ့ ထည့်ပြီးပေးတာမို့ ကျွန်မတို့ကလေးတွေ တဝကြီးသောက်ရပါရော။ (အဲဒီတုံးက ကလေးတွေကို ကော်ဖီမတိုက်သင့်ဘူးဆိုတာကို ဘယ်သူမှ သိပ်မသိကြသေးပါဘူး)။ ကျွန်မနဲ့အမြဲတမ်းကစားတတ်တဲ့ သူငယ်ချင်းကတော့ ကျွန်မတို့ခြံနဲ့ ကျောချင်းကပ်ခြံက မြမြပါ။ သူကခြံစည်းရိုးနောက်ဘက်ကနေပြီး ကျွန်မကိုကစားဖို့ အော်ခေါ်တတ်သလို၊ ကျွန်မလည်းသူ့နဲ့ကစားချင်တယ်ဆို ကျွန်မတို့ခြံစည်းရိုးကနေပြီးသူကို အော်ခေါ်လိုက်ရုံပါပဲ။
          သူနဲ့ကျွန်မတို့အမျိုးစုံအောင်ကိုဆော့ကစားကြပါတယ်။ မြမြကကျွန်မနဲ့ကစားရင် တစ်ခါတလေ သူနာပြုဆရာမလုပ်သလို၊ တစ်ခါတစ်လေအမေလုပ်တယ်၊ မင်းသမီးလေးလုပ်တဲ့အခါလုပ်ပြီး၊ တစ်ခါတစ်လေ တော့လည်း သူကစုံထောက်မကြီး လုပ်တတ်ပါတယ်။ ကျွန်မကတော့အဘွားပြောတဲ့ ပုံပြင်ထဲက ညဏ်ကောင်းတဲ့ ဘုရင့်သမီးတော်လေးပေါ့။ ကျွန်မတို့ဟာအမေ့ နောက်ဖေးချောင်က ရေပုံးကြီးကို ဆွဲယူလာပြီး ကာဖီသည်ကြီးလုပ်တမ်းလဲ ကစားသေးသလို၊ အိမ်နားကမြင်းမွေးထားတဲ့အိမ်က လုပ်သလိုမျိုးမြက်တွေကို နှုတ်ပြီး ဖဲ့ချွေကာ မြင်းစာကျွေးတမ်းလည်း ကစားလိုက်ကြပါသေးတယ်။ လယ်ကွင်းတွေကိုလည်းမြင်ဖူးနေကျမို့ ကျွန်မတို့ဟာလယ်ထွန်တမ်းတောင်မှ ကစားလိုက် ကြပါသေးတယ်။ အဲ့လောက် အမျိုးစုံနေအောင်ကစားကြပေမယ့် ကျွန်မတို့နှစ်ယောက်လုံးဟာ အသက်ငါးနှစ်အရွယ် ကလေးတွေဖြစ်ပြီး ကျောင်းတောင်မှမနေရသေးပါဘူး။
ကျွန်မတို့ငယ်ငယ်တုံးကအခုခေတ်လိုမျုိးအိမ်တိုင်းလိုလိုမှာတီဗီမရှိသေးပါဘူး။ကာရာအိုကေတို့ဒီဗီဒီတို့၊ကွန်ပြူတာတို့ဆိုတာတော့ဝေးရောပေါ့။ ကျွန်မတို့စိတ်ကူးထဲမှာရှိတဲ့အတိုင်း ပျော်ရွှင်လွတ်လပ်စွာ ကစားဖို့ အဲဒီပစ္စည်းတွေကကျွန်မတို့ကို အနှောက်အယှက်မပေးနိုင်ခဲ့ပါဘူး။ အများဆုံး ကျွန်မတို့ နားထောင်ရတာက ကလေးတွေမကိုင်နိုင်အောင်လို့ စင်နဲ့အမြင့်ကြီးမှာ တင်ထားတဲ့ သစ်သားရေဒီယိုကြီးပါပဲ။ အဲဒီ့ရေဒီယိုမှာ ကျွန်မတို့ကလေးတွေကို ဖမ်းစားနိုင်ဆုံးကတော့ တစ်ပတ်ကိုတစ်ခါ တနင်္ဂနွေနေ့တိုင်း လာတတ်တဲ့ ပုံပြင်ကဏ္ဍပါ။ ရေဒီယိုကပုံပြင်ဟာ အခုကလေးတွေ တီဗီတွေ၊ ဒီဗီဒီတွေကြည့်သလိုမျိုး ရုပ်မမြင်ရတာမို့ အသံကိုနားထောင်ပြီး စိတ်ကူးထဲကနေ အရုပ်တွေကို ကျွန်မတို့ ပုံဖော်နိုင်ခဲ့ကြတယ်။ ကျွန်မတို့ရဲ့စိတ်ကူးစိတ်သန်းတွေကို လွတ်လပ်စွာ ကွန့်မြူးခွင့်ရခဲ့ကြတယ်။ တနင်္ဂနွေနေ့ နေခင်းဆယ့်နှစ်နာရီဆို ကစားတာကိုရပ်ပြီး ရေဒီယိုနားမှာ ကျွန်မတို့ရောက်နေကြပါ ပြီ။
ရေဒီယိုကပုံပြင်တွေဆီကနေအများကြီးကျွန်မသင်ယူနိုင်ခဲ့တာမို့ရေဒီယိုကပုံပြောတဲ့သူဟာအတန်းကျောင်းမတတ်ခင်မှာကျွန်မရဲ့ပထမဆုံးဆရာမလို့တောင်မှပြောလို့ရပါတယ်။ဒါပေမယ့်အတန်းကျောင်းကိုကျွန်မတကယ်တတ်ရတဲ့အခါမှာတော့ သူငယ်တန်းမှာ ကျွန်မတွေ့ရတဲ့ဆရာမဟာ ကျွန်မကြိုက်တဲ့ပုံပြင်တွေကို မပြောပြတဲ့သူဖြစ်နေပါတော့တယ် (ကျွန်မထင်တာက ဆရာမတွေဟာ ကလေးတွေကို ပုံပြောပြတတ်တယ်လို့ ထင်ထားတာကိုး)။ ဘယ်လိုပဲဖြစ်ဖြစ်မြမြနဲ့ကျွန်မကတော့ မင်းသမီးလုပ်တမ်း၊ စုံထောက်မလုပ်တမ်း ကစားနေဆဲပါ။ ကျောင်းကြီးတတ်ပေမယ့်လည်း မြမြနဲ့ကျွန်မ နေ့စဉ်ကစားမပျက်ပါသလို ကျောင်းမှာ သင်ရတဲ့ ကကြီး၊ခခွေးနဲ့အေဘီစီဒီတို့ဟာကျွန်မတို့ရဲ့နေ့စဉ်ကစားပွဲကိုအနှောက်အယှက်မပေးနိုင်ခဲ့ပါဘူး။
          ကျောင်းမုန့်စားဆင်းချိန်ဆို ကျွန်မတို့အိမ်ကို လမ်းလျှောက်ပြန်ပြီး ထမင်းစားကြတယ်။ တကယ်လို့ ထမင်းသာမြန်မြန်စားခဲ့မယ်ဆိုရင် ကျွန်မတို့ ကျောင်းတတ်ခေါင်းလောင်းမထိုးခင်အချိန်ထိ ကစားလို့ ရသေးတယ်။ ကျောင်းဆင်းတော့ရော.။ ကျွန်မတို့တတွေ ကစားကြတာများ အိမ်ကလူကြီးတွေ ညစာစားဖို့လှမ်းခေါ်တော့မှပဲ အိမ်ပေါ်ကိုတတ်ကြပါတော့တယ်။ ဘယ်သူကမှ ကျွန်မတို့ကိုကစားလှချည့်လို့ တားမယ့်လူ၊ဆူမယ့်လူမရှိခဲ့ပါဘူး။ ကျွန်မကိုယ်ပူ၊နေမကောင်းဖြစ်မှသာ အမေကကျွန်မကို မကစားခိုင်းတာပါ။ ကျန်တဲ့အချိန်ကတော့ကစားချင်သလောက်ကစားပါပဲ။         
ကျွန်မတို့ဟာ လမ်းထဲကတစ်ခြားကလေးတွေနဲ့လည်း အဖွဲ့ကျသွားပြီး တုတ်ဆီးတိုးကြ၊ ကျီးသားရိုက်တမ်း ကစားကြနဲ့။ ကလေးကြီးတွေက သူတို့မောင်လေးတွေ ညီမလေးတွေကိုထိန်းရင်းနဲ့ ဆူညံနေအောင်ကိုကစားကြပါတယ်။ မိန်းကလေးရော ယောက်ျားလေးပါကစားလို့ရတဲ့ စိန်ပြေးတမ်း၊ တူတူပုန်းတမ်း၊ တိုင်ဦးတမ်းနဲ့ ကုန်းလား၊ရေလားကစားနည်းတွေကိုလည်း တခြား ကလေးတွေနဲ့ ရောပြီးပျော်ပျော်ပါးပါးကစားလို့ပေါ့။ မြမြရောကျွန်မပါ စိန်ပြေးတမ်းကစားရလို့ မောသွားပြီဆိုရင်တော့ ပိတ်စအပိုင်းလေးတွေနဲ့ချုပ်ထားတဲ့ ကျွန်မတို့ရဲ့အ၀တ်ရုပ်လေးတွေက ကျွန်မတို့နဲ့အတူတူကစားဖို့ စောင့်နေကြသေးတယ်လေ။
          ကျွန်မနဲ့မြမြဟာဘုရင့်သမီးတော်လုပ်တမ်းလဲကစားလိုက်ကြပါသေးတယ်။ ဘုရင့်သမီးတော်လေး လုပ်တမ်းကစားတဲ့အခါ ဘုရင်လုပ်ဖို့လူလိုတာမို့ ကျွန်မတို့လမ်းထဲကဖိုးအောင်ကို ကျွန်မတို့နှစ်ယောက်ထဲ ကစားတဲ့ဝိုင်းထဲမှာဝင်ကစားဖို့သွားခေါ်တာကိုလည်း မှတ်မိသေးရဲ့။ ကျွန်မတို့သုံးယောက်သား ကျောင်းကိုသွားတဲ့လမ်းတစ်လျှောက်မှာ ဘုရင့်သမီးတော်လုပ်တမ်း ကစားခဲ့ကြတာကို အခုနေ ပြန်စဉ်းစားတဲ့အခါမှာတော့ ကျွန်မတို့ဟာကစားရင်းနဲ့ပဲ လူ့ဘဝအတွက် အရေးကြီးလှတဲ့ လူမှုပေါင်းသင်း ဆက်ဆံရေးတွေကိုသင်ယူခဲ့ကြတာပဲဆိုတာကိုသဘောပေါက်လာခဲ့ပါတယ်။ ကလေးချင်းကစားတာဟာ ကစားနေတာမဟုတ်ဘဲ လူကြီးလောကထဲကိုဝင်တဲ့အခါမှာ လိုအပ်တဲ့ကျွမ်းကျင်မှုတွေကိုရဖို့ ကျွန်မတို့ သင်ယူနေရတာပါ။ ကျွန်မတို့ဟာလွတ်လပ်စွာ ပြေးလွှားရင်းနဲ့ပဲ အမျိုးမျိုးကိုစိတ်ကူးယဉ်ပြီး ကစားခွင့်ရခဲ့ကြပါတယ်။ ညဘက်အမေအိပ်ရာဝင်တဲ့အချိန်မှာ ပြောပြတဲ့ပုံပြင်တွေနဲ့ လူကြီးစကားဝိုင်းက တစ်ချို့အကြောင်းအရာတွေက ကျွန်မတို့စိတ်ကူးယဉ်ကစားဖို့အတွက်မကုန်နိုင်တဲ့အကြောင်းအရာတွေပါပဲ။ ဘကြီးသာထွန်းရဲ့မြင်းလေးပျောက်သွားတဲ့အကြောင်းက ကျွန်မတို့ သူခိုးပုလိပ်တမ်းကစားတဲ့အချိန်မှာ အသုံးတည့်သလို၊ ညဘက်မိသားစုစကားဝိုင်းမှာ ပြောဖြစ်တဲ့ရယ်စရာပုံတိုပတ်စများနဲ့ အမေတို့ ငယ်ငယ်ကအကြောင်းများကို နားထောင်ပြီး ကျွန်မတို့မမှီလိုက်တဲ့ဂျပန်ခေတ်ကို စိတ်ကူးယဉ်ပြီး ကျွန်မတို့ကစားကြတယ်။ အမေတို့၊အဖေတို့ပြောတဲ့အကြောင်းတွေကိုနားထောင်ပြီး စိတ်ကူးနဲ့လိုက်ပြီး ပုံဖေါ်ကြည့်ရတာကိုက ကျွန်မတို့စိတ်မျက်စိထဲမှာတော့တကယ့်ကိုဇာတ်လမ်းအခမ်းခမ်းနဲ့ရုပ်ရှင်ကားတွေပါပဲ။
အခုတော့လွန်ခဲ့တဲ့နှစ်ပေါင်းနှစ်ဆယ်ကျော်ကနေခဲ့ဖူးတဲ့အိမ်အိုလေးနဲ့နယ်မြို့လေးဆီကိုကျွန်မတို့ပြန်ရောက်ဖို့အခွင့်မသာတော့သလိုကျွန်မတို့အိမ်ကသစ်သားရေဒီယိုကြီးလည်းမရှိတော့ပါဘူး။ ဧည့်ခန်းထဲမှာ တီဗီနဲ့ဒီဗီဒီစက်က ကျွန်မတို့ရဲ့ရေဒီယိုကြီးနေရာမှာဝင်ယူလို့။ အိမ်တိုင်းအိမ်တိုင်းလိုလိုမှာ တီဗီစက်တွေ ရှိနေကြသလို၊ တီဗီကလာတဲ့ကိုရီယားတွေရှေ့မှာ ငြိမ်ငြိမ်သက်သက်ထိုင်နေကြတဲ့ကလေး၊ လူကြီးများကို ကြည့်ရင်းနယ်မြို့လေးကရေနွေးကြမ်းဝိုင်းကိုသတိရမိလိုက်သေးရဲ့။ အခုတော့ဖြင့် ကျွန်မတို့အိမ်က မိသားစုအချင်းချင်းနယ်မြို့လေးမှာတုံးကလိုရေနွေးကြမ်းဝိုင်းမဖွဲ့နိုင်တော့တာအတော်ကြာခဲ့ပါပြီ။ ဘတ်(စ) ကားကြပ်ကြပ်ကြီးကို တိုးစီးပြီး နွမ်းကြေနေတဲ့စိတ်နဲ့ ကိုယ်တွေက နောက်တစ်နေ့ မနက်စောစောပြန်ထနိုင်အောင်လို့၊ ထမင်း သုတ်သုတ်စားကာ၊ အိပ်ဖို့ကိုပဲအာရုံစူးစိုက်လို့။ မအိပ်ခင်မှာ တီဗီကလာတဲ့ကိုရီးယားကားအပိုင်းလိုက်က ကျွန်မကလွဲပြီး တစ်အိမ်လုံးကို ဖမ်းညှို့ထားတာမို့အသီးသီး ထမင်းစားပြီးတာနဲ့ တီဗီရှေ့ကိုရောက်လို့ပေါ့။ ကျွန်မရဲ့သားကလေးကရော။ သူလည်း ကျွန်မ ဝယ်ပေးထားတဲ့ သက်မဲ့အရုပ်တွေကို ပျင်းပျင်းရိရိနဲ့ကစားရင်း ကစားရတာကို ပျင်းလာတာမို့ တီဗီရှေ့မှာကြော်ငြာကြည့်ဖို့ စောင့်နေပါတော့တယ်။ ကျွန်မရဲ့သားမှာ ကျွန်မငယ်ငယ်ကလိုမျိုး ကစားဖို့ အိမ်နီးနားချင်း သူငယ်ချင်းတစ်ယောက်တောင်မှ ရှိမနေခဲ့ပါဘူး။ အိမ်နားမှာ သားနဲ့ရွယ်တူကလေးတွေ ရှိပေမယ့်လည်း သူတို့ခမြာ ကျောင်းကပြီးတာနဲ့ ကျူရှင်ကို တန်းသွားကြ၊ အိမ်ရောက်တာနဲ့ ကျူရှင်တို့ ကျောင်းတို့က ပေးတဲ့စာတွေကို လေ့ကျင့်ရနဲ့မို့ သားနဲ့ကစားဖို့အချိန် မရှိကြရှာပါဘူး။ တစ်ယောက်ထဲ ကစားနေရတဲ့သားခမြာ ပျင်းပျင်းနဲ့ပဲ တီဗီကလာတဲ့ကြော်ငြာတွေကိုပဲထိုင်ကြည့်နေရပါတော့တယ်။
          တိုက်ပေါ်ကဆင်းတာနဲ့ ကားလမ်းမပေါ်ရောက်သွားတဲ့နေရာမှာ နေရရှာတဲ့သားဟာ ကျွန်မ ငယ်ငယ်တုံးကလိုမျိုး နေ၀င်ချိန်မှာ တိမ်တွေ အရောင်တွေပြောင်းပြောင်းသွားတာကို ငေးပြီး အံ့သြဖို့ အခွင့်ရေးမရသလို ကျွန်မတို့ငယ်ငယ်ကလိုမျိုး ပိုးစုန်းကြူးလေးတွေကိုလည်း ဖမ်းပြီး ဖန်ပုလင်းထဲထည့်ဖို့ နေနေသာသာ ပိုးစုန်းကြူးကိုတောင်မှ သူမတွေ့ဖူးသေးပါဘူး။ သားအရွယ်နဲ့ ဂိမ်းကစားတတ်တာ၊ ကွန်ပြူတာကိုင်နိုင်တာတွေကိုအံ့သြပြီး ကျွန်မငယ်ငယ်ကထက်ပိုတော်တယ်လို့ တွေးချင်ပေမယ့်လည်း ကျွန်မကတော့ သားကိုပုံပြင်တွေပြောပြတတ်စေချင်ပါသေးတယ်။ ကစားနည်းအမျိုးမျိုးကို ဖန်တီးပြီး ဆော့ကစားတတ်စေချင်ပါသေးတယ်။ အနည်းဆုံး သားရဲ့အနားမှာ စက်ပစည်းတွေ၊ သက်မဲ့အရုပ်တွေနဲ့ ၀ိုင်းနေတာမျိုးမဟုတ်ဘဲ ကျွန်မသူငယ်ချင်းမြမြလိုမျိုး သူငယ်ချင်းတစ်ယောက်လောက် သားမှာ ရှိနေခဲ့မယ်ဆိုရင်... သားကစားမယ့် ကစားနည်းဟာပါဝါရိမ်းဂျားလား၊ စပိုက်ဒါမင်းလား။ တီဗီကလာတဲ့ကြော်ငြာတွေလား။ ဘာပဲဖြစ်ဖြစ် ကစားရင်းသမ်းဝေနေတဲ့ သားဆီကနေပြီး လွတ်လပ်ပျော်ရွှင်တဲ့ ရယ်သံသဲ့သဲ့ကို ကျွန်မကြားရနိုင်မယ်ထင်ပါရဲ့။ သားနဲ့ကစားဖို့ ညနေပိုင်း ကျူရှင်မသွားဘဲ ကစားဖို့အချိန်ရှိတဲ့ သားနဲ့ရွယ်တူအိမ်နီးချင်းငါးနှစ်ကလေးကို ကျွန်မ ဘယ်မှာသွားရှာပေးရပါ့မလဲ။ တကယ့်ကိုမလွယ်တဲ့အရာပါ။
          ကျွန်မတို့ခေတ်နဲ့မတူတဲ့ခေတ်ထဲမှာ သားတို့အရွယ်ကလေးတွေကို ကျွန်မတို့နဲ့မတူတဲ့ စိတ်ကူးယဉ်ကစားနည်းတွေနဲ့ လွတ်လွတ်လပ်လပ် စိတ်ကူးပြီး ကစားစေချင်ပါသေးတယ်။ ကလေးချင်းအတူတူမိတ်ဖွဲ့လို့ ပျော်ရွှင်အော်ဟစ်ဆူညံကာ ကစားတဲ့အသံတွေကို နားထောင်ချင်ပါသေးတယ်။ ကလေးကစားဖို့ဆိုတာ ကကြီး၊ခခွေးလိုပဲအရေးကြီးတဲ့အရာပဲမို့ သူတို့ဘ၀အတွက် လိုအပ်တဲ့ ကျွမ်းကျင်မှုတွေကို ကလေးအချင်းချင်းကစားရင်းနဲ့ ရှာဖွေခွင့်ရမယ်ဆိုရင်... အနာဂါတ်မှာ ကလေးတို့ပိုပျော်၊ပိုတော်လာ နိုင်မှာသေချာပါတယ်။

Ref: The important of fantasy play by Vivian gussin paley

ခေတ်ဘုန်းသစ်

Sunday, September 9, 2012

အတိတ်ဟောင်း


          စားပွဲပေါ်မှာ လက်ဖက်ရည်အေးစက်စက် တစ်ခွက် ရှိနေခဲ့သည်။ ဖုန်မှုန့်များဖြင့် ပေကြံနေသော စားပွဲကို ကျွန်မကတစ်ရှုးစ ဖြင့် ဖိသုတ်နေမိ ၏။ နွမ်းလျော်နေသော ခုံအိုကလေး ပေါ်မှာ နွမ်းနယ်စွာ ထိုင်ရင်း သစ်ပင်ပေါ်မှာ ရှဥ့်ကလေးများကို ကျွန်မငေးနေခဲ့မိသည်။ မုန့်တစ်ခုခုမှာစားဖို့ စဉ်းစားမိသေးသော်လည်း ပျင်းရိလေးလံစွာ ငိုက်မျဉ်းနေသော စားပွဲထိုးကလေးများကို ကြည့်ကာ လက်ဖက်ရည် ကိုသာ တစ်ငုံကြိုက်ချလိုက်မိ၏။ လက်ဖက်ရည် အရသာ က ပေါ့ပျက်ပျက်နှင့်။ ကောင်တာ ပေါ်မှာထိုင်နေသည့်  ဆယ်စုနှစ်ထက်မက အိုစာသွားသော ဗလာ မျက်နှာတစ်ခုကို ကျွန်မ မှတ်မိနေသေးသော်လည်း နှုတ်ဆက်ဖို့ရန် နှုတ်တွန့်လေးလံ နေဆဲ။ ကျွန်မ၏ စိမ်းစိုချင်သော စိတ်တို့ကို သွေ့ခြောက် ဟောင်းနွမ်းနေသော ကျောင်းကန်တင်းလေးသည် တစ်စခြင်း စီ စုတ်ယူလိုက်လေပြီ။

          ဟိုဘက်ခပ်လှမ်းလှမ်းနားက စားပွဲမှာတော့  ကျောင်းသားလား ဆရာလား မကွဲနိုင်သော ကျွန်မမသိသော  လူတစ်ယောက် နှစ်ယောက်တို့ ထိုင်နေကြသည်။ ဖုန်စများ၊သစ်ရွက်ခြောက်များ ဖြင့် ပေလူးနေသော စားပွဲတစ်ချို့က ထိုင်သူကင်းမဲ့လျှက်။ တစ်ခါက ဆူညံစွာ ဖြင့်ကျွန်မ တို့လုထိုင်ခဲ့ဖူးသော ခုံတစ်ချို့သည် နွမ်းလျှော်စွာ ဖြင့် ကျွန်မ ကိုမျှော်လင့်တကြီး ငေးကြည့်နေကြသည်။ အို..သူတို့ ကျွန်မကို တစ်ခုခု လှမ်းပြောလိုက်လေသလား။ ဟင့်အင်း..။ ကျွန်မယောင်ယမ်းစွာဖြင့် ခေါင်းကို သွက်သွက် ခါလိုက်မိသည်။ ထိုခုံတို့၏နောက်မှီများပေါ်မှာ တင်ကျန်ခဲ့ဖူးသော အသံတစ်ချို့က ပဲ့တင်ထပ်ကာကျွန်မဆီသို့ ပြန်လာနေခဲ့ပြီ။  သူတို့ကျွန်မကို အပြစ်ဆိုလေသလား။ ကျွန်မသည် အပြစ်ရှိသော အပြစ်သားတစ်ဦးလိုမျိုး စိတ်ပင် ပန်းနာကြင်စွာလျှောက်သူမဲ့ စင်္ကြန်လမ်း ဘက်သို့ထွက်လာခဲ့မိ၏။ စင်္ကြန်လမ်းနံဘေးမှာ တိတ်ဆိတ်နေသော စာသင်ခန်းကျယ်ကြီးများ။ သော့ခလောက်ကြီးများသည် ကျွန်မကို နာကြင်စွာ ငေးကြည့်နေ ခဲ့သည်။ ဟင့်အင်း လှည့်မကြည့်နဲ့။ စာသင်ခန်းတွေကို လှည့်မကြည့်လိုက်ပါနဲ့။ ကျွန်မသည် ကိုယ့်ကိုကိုယ်သတိပေးကာ တစ်ယောက်ထဲ ရှိသော စင်္ကြန် လမ်းပေါ်ကနေ နာနာကြဉ်းကြဉ်း ပြေးထွက် လာခဲ့မိသည်။ အရူးလိုပါပဲ။ ကျွန် မသည် အသံမထွက် ဘဲ ရှိုက်ငိုကာ ၀င်္ကဘာထဲပိတ်မိနေသူတစ်ယောက်လို  ထွက်ပေါက် ကို အမော တကောရှာမိပြန်သည်။  ဘာလို့များ ကျွန်မသည် ဒီမြေပေါ်ကို လာမိပါလိမ့်ဟု ကိုယ့်ဖာသာကိုယ် ပြန်တွေး မိကာ နောင်တရ ၀မ်းနည်းလာခဲ့သည်။ အမှန်တော့ ကျွန်မ ကျောင်းကို မရောက်သည်မှာ ဆယ်နှစ်ကျော်ခဲ့ပါပြီ။ ကျွန်မ၏ မကျက်နိုင်တော့သော အနာသည် ကျွန်မကို တစ်စစ်စစ်ကိုက်ခဲကာ နှိပ်စက်နေခဲ့ပြီ။ ဖြောင့်စင်းလွန်း သော အဓိပတိလမ်းမကြီး ပေါ်မှာ ရှက်စိတ်တို့ဖြင့် ယိုင်နဲ့လဲပြိုရင်း ကျွန်မ ကျောင်းကိုအားနာ လာမိသည်။ ကျောင်း၏ဖျောက်မရသော အတိတ် သမိုင်း တို့သည် ကျွန်မကို သူ့ရဲ့ကြိုးမျှင်များဖြင့် ရုန်းမထွက်နိုင်အောင် တစ်စခြင်းစီ တုတ်နှောင်နေခဲ့ပါပြီ။ ။

          တကယ်တော့ဖြင့် အိုမင်းမသွားသေးသော ထိုလမ်းပေါ်မှာ ကျွန်မတို့ရဲ့ အတိတ်သမိုင်းတွေ ဖျက်၍မရအောင် စွန်းထင်းနေခဲ့ဖူးသည်။  ကျွန်မတို့ အဓိပတိလမ်းပေါ်မှာ ပျော်ခဲ့ကြဖူးသည်။ ငိုခဲ့ကြဖူးသည်။ လွမ်းခဲ့ရဖူးသည်။ နာကြင်ခဲ့ရဖူးသည်။ မျှော်လင့်ခဲ့ရဖူးသည်။ ရဲရင့်ခဲ့ရဖူးသည်။ ငယ်ဘ၀၏ နာကြင်ဖွယ် အိပ်မက်တို့ထဲတွင် မူးရီကာ ကျွန်မတို့ တစ်ယောက်လက်တွေကို တစ်ယောက်မြဲမြံစွာ ဆုတ်ကိုင်ခဲ့ကြဖူးသည်။

 ထိုကျောင်းတွင် သမိုင်းဒဏ်ရာများဖြင့် ညှိုးရီခန့်ညားနေသော ကျွန်မတို့ရဲ့ ဘွဲ့နှင်းသဘင် ကြီးရှိသည်။ ထိုကျောင်းတွင် နှစ်ပေါင်းများစွာ မွေးယူထားရ  သောသက်ရင့်ပင်တို့ ရှိသည်။ နာမည်ကျော် သစ်ပုတ်ပင် ကြီးရှိသည်။ ဦးချစ်ဆိုင်ရှိသည်။ မြကျွန်းသာလက်ဖက်ရည် ဆိုင်ရှိသည်။ ဗိုလ်ချုပ်နေခဲ့ဖူးသော ပဲခူးဆောင် ရှိသည်။ မြင်းခွာတစ်ချက်ပေါက်ရင် မီးဟုန်းဟုန်းတောက်စေရမယ်ဆိုသော ကိုဗဟိန်း ရှိသည်။ သမိုင်းဝင်ကျောင်းသားသမဂ္ဂ အဆောက်အဦး ကြီးရှိရာ မမေ့နိုင်စရာ မြေကွက်လပ်ကြီးရှိနေခဲ့သည်။ မိုးမိုး အင်းလျား ရဲ့ အင်းလျားဆောင်ရှိသည်။ ထိုကျောင်းကနေ ငရဲခွေးများကို ခြိမ်းချောက်ခဲ့ဖူးသည်။ ထိုကျောင်းကနေတစ်ဆင့် နိုင်ငံ၏အရေးကြီးသော အပြောင်းအလဲများကို ပြောင်းလဲစေဖို့ ကျောင်းသားတို့ နိဒါန်းပျိုးကာ စတေးခဲ့ကြဖူးသည်။ ထိုကျောင်းတွင် သွေးနဲ့အလဲထပ်ခဲ့ရသော တန်ဖိုးကြီး လျှော်ကြေး တစ်ချို့ရှိခဲ့ဖူးသည်။ အယ်ဒီတာ တစ်ယောက်ရဲ့ တာဝန်ယူမှု ကို သမိုင်းဝင်အောင် ထိုကျောင်းမှတစ်ဆင့် ပြခဲ့ဖူးသည်။ ထိုကျောင်းမှ တစ်ဆင့်  ကိုယ်ကျိုးမဖက်စွာ စွန့်လွှတ်ဝံ့သော ပရဟိတ လူသားတို့ ပေါ်ထွန်း လာခဲ့သည်။ ကျောင်းသည် တကယ်တော့ ဖျောက်မရသော သမိုင်းတို့ဖြင့် ရဲရင့်စွာ ခမ်းနားခဲ့ဖူးပါသည်.။ ထိုကျောင်းမှ တဆင့် ကျွန်မ တို့ နိုင်ငံ၏ အရေးကြီးသော သမိုင်းရုပ်ထု တို့ကို ထုဆစ်ခဲ့ ဖူးသည်။ နိုင်ငံခေါင်းဆောင်လောင်းများနှင့် အာဇာနည်လောင်း ကြီးများ သွေးလောင်းကာ စိုက်ခဲ့ပျုိုးခဲ့သော နှောင်ကြိုးမဲ့ တိုင်းချစ်ပြည်ချစ်စိတ်များ၏ ဖားဖားဝေေ၀ အရိပ်တစ်ချို့ကို ကျွန်မတို့သက်သာလွယ်ကူစွာဖြင့် ခိုနားခဲ့ရဖူး သည်။ အနယ်နယ် အရပ်ရပ်မှ လူတော်တို့စုဝေးခဲ့ဖူးရာ ကျောင်း။ ထိုကျောင်းတွင် ရဲရင့်လွတ်လပ်သော လူငယ်ဘ၀ ရဲ့ ပုံရိပ်တို့ စွန်းထင်းနေခဲ့သည်။ ကျွန်မ သည်ကျောင်း၏သမိုင်း ကို သပိတ်မှောက်ကျောင်းသား၊ အရှေ့မှနေ၀န်းထွက်သည့်ပမာ နှင့်ကောလိပ်ကျောင်းသား တို့ကို ဖတ်ရင်းမှ ခြေရာခံမိကာ ထိုကျောင်းကို ချစ်ခင်စွဲမက်ရတော့သည်။ ကျွန်မ၏ ငယ်ဘ၀ အိပ်မက် တစ်လျှောက်လုံး၌ ကျောင်းသည် ခမ်းနားစွာ စိုးမိုးနေခဲ့ပါသည်။

          သို့သော် ကျွန်မသည် ကံမကောင်းလှစွာပင်  ကျောင်း၏ ဆည်းဆာချိန်မှာ မှ ကျောင်းကို ရောက် ခဲ့ရသည်။ ဆည်းဆာပေမယ့် မိုးတိမ်မှိုင်းတို့ဖြင့် အုံ့ဆိုင်းနေသည်မို့ လားမသိ ကျောင်းသည် တိမ်မတောက် နိုင်လောက်အောင် နွမ်းရီနေခဲ့ပြီ.။ ကျွန်မ ခပ်ငယ်ငယ် ငါးတန်းကျောင်းသူဘ၀လောက် က အကိုတွေ နေခဲ့ဖူးသော ပဲခူးဆောင်ကို လာလည်ရင်း၊ ကလေးပီပီ ၀င်ကြည့်ခဲ့ ဖူးသော သစ်ပုတ်ပင် ခေါင်း သည် လည်းကျွန်မကျောင်းကို ရောက်သည့်အချိန်မှာတော့ မြဲမြံစွာ ကာရံထား ပိတ်ထားခဲ့ပြီ။ ရေတမာ အရိပ်အောက်မှာလည်း ထိုင်စရာခုံတို့ ကင်းမဲ့လျှက်။ ကျွန်မကို ကျောင်းလိုက်ပို့တိုင်း မသိသားဆိုးရွားစွာဖြင့် ဖေဖေပြောတတ် သော သူတို့ခေတ် က တက္ကသိုလ် အကြောင်းကို  လူသွားလူလာ ကင်းရှင်းသော အဓိပတိ လမ်းမကြီးငေးမောကြည့်ရင်း မောပန်းစွာ နားထောင်ခဲ့ရသည်။  တစ်နှစ် အတန်း တက်လာတိုင်း  ကိုယ့်အောက်မှာ အတန်းမရှိသည်မို့ လျှော့နည်းလာသော လူတွေကို ကြည့်ကာ ပိတ်ထားသောစာသင်ခန်းများ ကို အလန့်တကြား ရေတွက်မိပြန်သည်။ ထိုအခါတိုင်း  ကျောင်းသို့မလာခင်က ဖတ်ထားမိသော စာအုပ် တစ်ချို့မှ တက္ကသိုလ်သည် ကျွန်မကိုကိုယ်ထင်ပြကာ ခြောက်လှန့်မြဲ။ လူသွားလူလာရှင်းသော ကော်ရစ်ဒါမှာ အေးအေးလူလူလျှောက်ရတိုင်း နောက်ပြောင်တတ်သည် ဆိုသော ကောလိပ်ဂျင်တို့ကို သတိရလွမ်းဆွတ် မိပြန်သည်။

          ကန္တရထွန်းစပြုလာသော ထိုကျောင်းထဲ ၌ ကျွန်မသည် စာသင်နှစ်တို့ကို ပျင်းရိလေးကန်စွာ ဖြတ်သန်းရင်း ဖြင့် အိုအေစစ်တစ်ခုကို ရှာဖွေတွေ့ရှိခဲ့သည်။ တက္ကသိုလ်စာကြည့်တိုက်သည် ကျွန်မရဲ့ ပျင်းရိငြီးငွေ့မှုများကို ခမ်းခြောက် စေနိုင်ခဲ့ပါသည်။ စာကြည့်တိုက်ထဲ၌ ကျွန်မသည် မှိုနံ့စွဲနေသော စာအုပ်ဟောင်းများကို တမက်မက် တပွေ့ပွေ့ လုပ်ရင်းဖြင့် ကိုယ့်ကိုယ်ကို ပျော်ရွှင်အောင် ထိန်းကျောင်း ခဲ့ရသည်။  ကျောင်းသို့မလာခင် က စာအုပ်တွေ ထဲကတစ်ဆင့် ကျွန်မမြည်းစမ်း ခဲ့ရဖူးသော တက္ကသိုလ် ကို ချင်ခြင်း တပ်လာတိုင်း စာကြည့်တိုက်ဥခွံထဲ၌ ကြောက်လန့်တကြား ပုန်းအောင်းခိုဝင်လာ မေ့ပျောက်နိုင်ဖို့ ကြိုးစားရပြန်သည်။

          သို့သော် အဓိပတိလမ်းသည် ကျွန်မ ကို ခွန်အားတစ်ချို့ နှင့်အတူ လွယ်လင့်တကူ ကျမပျောက်သွား နိုင်သော မျှော်လင့်ချက်တစ်ချို့ကိုလည်း ကျိန်စာတစ်ခုသဖွယ် ကမ်းလင့် ပေးခဲ့ပါသည်။     ကျွန်မ ဘ၀၏ တစ်ချို့သော နာကြင်မှု၊ ပျော်ရွှင်မှု၊ မျှော်လင့်မှု အစိတ်အပိုင်း တို့ကို လည်း အဓိပတိလမ်းပေါ်မှ ပင် ကျွန်မ ကောက်ယူကာ တစ်စချင်းစီ တွဲစပ် တပ်ဆင် ခဲ့ရဖူးသည်။ တဖြောင့်ထဲ သော ထိုလမ်းပေါ်မှာ ကျွန်မတို့ လျှောက်ခဲ့ကြဖူးသည်။   မိတ်ဆွေ တစ်ချို့ ပျောက်ရှခဲ့ဖူးသည်။ ထူးအိမ်သင်၏ မီးမထွန်း သော အခန်းကျဉ်း လေး ထဲက လိပ်ပြာငယ်လေးများရဲ့ ၀ိညဉ်ကို ထိုကျောင်းထဲတွင် အမောတကောဖြင့်  ကျွန်မတို့လိုက်ရှာ ခဲ့ဖူးသည်။ငယ်သေးသည်မို့ ကျွန်မတို့သည် သစ္စာတရားတို့ကို မိုက်မိုက်မဲမဲ ယုံကြည်ခဲ့ကြဖူးပါသည်။ ယုံကြည်ရာလမ်းမပေါ်မှာ နောက်ကျောလုံလုံဖြင့် ရပ်တည်ရင်း ရှေ့ကိုစူးရဲစွာ မျှော်ကြည့်ခဲ့ကြဖူးသည်။ တကယ်တော့ဖြင့် ကျွန်မ၏ တက္ကသိုလ် ကာလနှစ်အနည်းငယ် သည် တက္ကသိုလ် ၏ အရသာ ကို ဖိတ်တစ်ဝက်စင်တစ်ဝက် ဖြင့် သာ ရခဲ့ ရသည်မို့ ဖေဖေ တို့ခေတ် က တက္ကသိုလ် လို ပျော်စရာ ကောင်းလှချည် ရဲ့ လို့ တော့ ဖြင့် ဆို၍ မရနိုင်ခဲ့ပါ။ သို့သော် ထိုကျောင်းကာလလေးသည် ကျွန်မ၏ အတိတ်ထဲ၌ ခမ်းနားစွာ နေရာယူနေခဲ့ပါသည်။ အဓိပတိလမ်းမကြီး ပေါ်မှာ ကျွန်မတို့ရဲ့ ခြေရာတို့သည် ကျွန်မတို့ရဲ့ နှလုံးသားပေါ်မှာ စွဲမြဲစွာ ထင်ကျန်နေရစ်ခဲ့၏။ ထိုအခါ ကျောင်းသီချင်းများကို အဝေးတစ်နေရာဆီ မှ ကျွန်မကြားတိုင်း စူးနစ်နာကြင်စွာဖြင့် ပင် ကျွန်မငိုချင်လာတတ်သည်။

           ကျောင်းကို လွမ်းတိုင်း ကျွန်မသည် စကားစရှာကာ ပြောစရာလူမရှိသည်မို့ ကျွန်မ၏ တူမလေးများကို ကျောင်း အကြောင်း ပြောမိတတ်၏။ ကျောင်း၏ ၀ိညာဉ်သည် မျိုးဆက် တစ်ဆက် ကွာခြားသောထိုက လေး တို့ကို မဖမ်းစား မပူးကပ်နိုင်တော့ပြီလား။ သူတို့ကျောင်းကို စိတ်မ၀င်စားတော့ပြီ။ ကျောင်း၏ သမိုင်းသည် ကျွန်မတို့ နိုင်ငံ၏ အရေးကြီးသော မှတ်တိုင် တို့ဖြစ်ခဲ့ဖူးသည်ကို ကလေးတို့က ပီကေ တဖြောက်ဖြောက် ၀ါးကာ ပျင်းရိစွာ နားထောင်နေခဲ့ပြီကော။သမီးတို့ ရောက်ဖူးပါတယ် ပျင်းစရာကြီးပါ ဟု ပြန်ပြောတတ်သော တူမလေးများကို ကျွန်မသည်နွမ်းလျော်သွေ့ခြောက်နေသော ထိုကျောင်းသည် အရှေ့တောင်အာရှမှာ တစ်ခါက ဂုဏ်ယူဖွယ်ရာ ကျောင်းဖြစ်ခဲ့ဖူးသည် ဟု ကယောင်ကတမ်းဖြင့် ပြောမိတတ်ပြန်သည်။ သူတို့ တက်ရမည့်  တက္ကသိုလ်ကျောင်းကို ဝေးလွန်းလို့ ဟုဆိုကာ အဝေးသင် တတ်ရင်း အပြင်သင်တန်းတွေကို သာ တစ်ခုပြီးတစ်ခုတတ်နေသော ကျွန်မတူမလေးများသည် ကျွန်မပြောသော ကျောင်းအကြောင်း ထက် အက်အီးစီ သွင်းကာ ဖြေရမည့်စာမေးပွဲများ အကြောင်းကို ပို၍ စိတ်ဝင်စားနေခဲ့သည်။ ကျောင်းဝိညဉ်သည် သူတို့ကို မပူးကပ်နိုင်တော့ပြီ။ ရင်းရင်းချာချာသူငယ်ချင်း မရှိသော ကန်တင်းမထိုင်ဖူးသော သူတို့ကို ကျွန်မက ကျွန်မတက္ကသိုလ်တတ်ခဲ့ရဖူးသော ပျော်စရာနှစ်များ အကြောင်းကို ရှာဖွေကာ ပြောရမည်လား။ တက္ကသိုလ် အရသာကို ပေါ့ပျက်ဖွယ်တယ်စွာ မြည်းစမ်းရသည်ထက် စာရင် သူတို့ ဘ၀အတွက် သင်တန်းတွေတစ်ခုပြီး တစ်ခု တတ် နေသည်က ကောင်းသည်ဟု ထင်လိုက်ရမည်လား။ ကျွန်မ မဝေခွဲ နိုင်တော့ပါ။ တစ်ဦးချင်းစီ အပြိုင်အဆိုင် တိုးတတ်ကြဖို့ ကြိုးစားနေရသော ခေတ်ထဲတွင် မိတ်ဆွေများနှင့် ယုံကြည်မှု ဆိုတာ နင်းတတ်စရာ လှေကားထစ်တစ်ခုသာ။ ဘ၀၏အချိုမြိန်ဆုံး တက္ကသိုလ် ကာလ တစ်ချို့ကို ဖိတ်တ၀က်စင်တစ်ဝက် တောင်မှမရသော ကလေးတို့ထက် စာရင် ကျွန်မကံကောင်း သေးသည် ဟု ဆိုရမည်ထင်သည်။ မည်သို့ပင်ဖြစ်စေ ကံကော်ရနံတွေ မွှေးပျံရီဝေနေတာကို တော့ ကံကောင်းကြီးစွာ ကျွန်မ ရှုရှိုက်ခွင့်ရခဲ့ဖူးသေးသည်။ ငြိမ်သက်တိတ်ဆိတ်နေသော ထိုကျောင်းနှင့် ကျွန်မ သည် ကံကောင်းလွန်းလှစွာ ရင်းနှီးခွင့်ရ ခဲ့ဖူးသည်ပေါ့။အဲလောက်ဆိုရင်ဖြင့် ကျွန်မ ကျေနပ်သင့်ပြီထင်သည်။

          မွှေးပျံရီဝေနေသော ကံကော် တောအုပ်သည် နူးညံ့သော ၀တ်ဆံမှုန်များကို တိတ်ဆိတ်စွာ ချွေချနေခဲ့ ပြီ။    သမိုင်းဝင် မြေကွက်လပ်ကြီး တစ်ကွက်နားက ဗိုလ်အောင်ကျော် သည် ကျွန်မကို တစ်စုံတစ်ရာ စကား ဆိုလေသလား။ ထိုမြေကြီး ကို နင်းရတိုင်း ကျွန်မကိုယ်တွင်းတစ်နေရာမှ ကျောင်းသွေးသည် ပွက်ပွက် ဆူထကာ ကျွန်မကို နှိပ်စက်မြဲ ရှိပါသေးသည်။ ခေတ်အဆက်ဆက် ကဒါဏ်ရာတို့ဖြင့် ရင့်ကျက်နေသော ကျောင်းကတော့ လောကဒဏ်ကို မတုန်မလှုတ်တော့ပြီမို့  ကျွန်မကို ချော့မော့ကာ စကားဆိုဆဲ။ နေ့တာတိုသော ဆောင်းပေမို့ ခဏနေ ကျောင်းတပြင်လုံး အမှောင်လွှမ်းဦးတော့မည်။ ကျွန်မချစ်သော ကျောင်းသည် ကြယ်ပျိုးပြောက် များ ကြားမှာပင် အထီးကျန်စွာ တိတ်ဆိတ်နေဦးတော့မည်။ ကျောင်းအပြင်ဘက်မှာ ဆူညံနေသော လှည်းတန်း လမ်းမကြီး ရှိသည်ပဲ။ ကျွန်မ ခြေတစ်လှမ်း လိုက်ရုံလေးသာပဲ။ ကျောင်းကတော့ဖြင့် ကျွန်မ ရဲ့နောက်ဘက်မှာ ထင်ရှားစွာဖြင့် ကျန်နေခဲ့ပါဦးမည်။
ပန်းရိပ်ဖြူ
         ကလျာမဂ္ဂဇင်း

ပျော်စရာကောင်းတဲ့အိမ်

လူ့လောကမှာ လူတွေအတွက် စိတ်အ၀င်စား စရာအကောင်းဆုံးနဲ့ အပန်းဖြေ နိုင်ဆုံး နေရာဟာ အိမ်ပါ။ ဘယ်နေရာတွေ က ဘယ်လောက်ပဲ အပန်းပြေနိုင်ပါတယ်။ရှူခင်းရှူကွက် တွေသာယာပါတယ် လို့ ဆိုပေမယ့် အိမ်လောက် ဘယ်နေရာမှ အပန်းမပြေနိုင်ပါဘူး။ ကျွန်မတို့ဟာ ကိုယ့်အိမ်ကိုယ့်ယာမှာ အေးအေးလူလူ အပန်းဖြေနိုင်ကြတယ်။ အကျီင်္တပတ်နွမ်းလေးကို ၀တ်လို့ သနပ်ခါးရေကြဲလေး လူးလို့၊နှီးချောဖျာလေးခင်းပြီးတော့ စာဖတ်တာ၊ သီချင်းနားထောင်တာတွေကို လုပ်နိုင်ကြတယ်။

အိမ်ထဲမှာ..သံခင်းတမန်ခင်း အပြုံးတွေ မလိုသလို၊ ဟန်ဆောင် မျက်နှာဖုံးတွေလည်း မလိုတာမို့ကိုယ့်ဖာသာကိုယ်  ဟင်းချက်ချင်သူက ချက်၊စာဖတ်ချင်သူက ဖတ်၊ ပန်းပင်လေးတွေကို ထိုးဆွချင်သူက ဆွလို့..ကိုယ်နေချင်သလို လွတ်လပ်စွာ အိမ်ထဲမှာ နေလို့ရပါတယ်။ အရုပ်ကလေးတွေ နဲ့ကစားနေတဲ့ ကလေး က ကစားလို့ပေါ့။ လွတ်လပ်စွာ ကိုယ်လုပ်ချင်ရာကို လွတ်လွတ်လပ်လပ်လုပ်လို့။ တကယ့်ကို ပျော်စရာ သုခကမ္ဘာလေးပါပဲ။  ပျော်စရာ သုခ ကမ္ဘာ အိမ်လေးထဲက ပျော်စရာတွေကို ကျွန်မတို့ဟာ အိမ်ထဲကနေ လွင့်စင်ထွက်ပြေးသွား အောင် လုပ်လိုက်မိ တဲ့ အခါမှာတော့ အိမ်ဟာ နေစရာမကောင်းတော့တဲ့ နေရာတစ်ခု ဖြစ်လာပါတော့တယ်။

          အလုပ်ထွက်လုပ်နေရသူ မေမေတို့ဟာ မောမောပန်းပန်းနဲ့ အိမ်ကို ပြန်လာတိုင်း အပြင်လောက မှာ ဟန်ဆောင်ပြုံးရယ်နေခဲ့ရတာတွေ၊ပင်ပန်းခဲ့ရသမျှတွေကို မကြေနပ်မှုတွေ၊ဒေါသတွေ အဖြစ်နဲ့   ကိုယ့်ကို အသီးခံနိုင်ဆုံးဖြစ်တဲ့ အိမ်သားတွေဆီမှာ ဖေါက်ခွဲကြပါတော့တယ်။ အဲလိုပါပဲ တအိမ်လုံးရဲ့စီးပွားရေးကို ထိန်းချုပ်ထားရသူ ဖခင်တို့ကလည်း အလုပ်ထဲက မပြေလည်မှုပြသနာတွေကို အိမ်ကို ဒေါသအထုတ်အပိုးတွေ အဖြစ်နဲ့ သယ်လာခဲ့ပါတော့တယ်။  အလုပ်မလုပ်သူ မေမေတို့ကရော။ သူတို့ ခမြာမှာလည်း တစ်နေကုန် မနားရအောင် လုပ်နေရတဲ့ အိမ်ရဲ့ဝေယျာဝစ္စတွေနဲ့ ငြီးငွေ့ပင်ပန်းမှု မှန်သမျှကို ထွက်ပေါက်အနေနဲ့ အိမ်သားတွေအပေါ်မှာ ဗြစ်တောက်ဗြစ်တောက် ဆူပူအော်ဟစ်ကြပါရော။ တကယ်တော့  အိမ်ဆိုတာဟာ ကိုယ့်ရဲ့မပြေလည်မှု၊ဒေါသ၊လိုချင်တပ်မက်မှု၊ လိုအပ်မှုချဉ်ခြင်းတွေကို လွတ်လပ်လုံခြုံစွာ ဖေါက်ခွဲပစ်ရမယ့်နေရာမဟုတ်ပါဘူး။ အိမ်ဆိုတာ ဟာ တစ်နေ့တာပင်ပန်းလာသမျှကို  စိတ်ပြေလျှော့ချပြီး တော့ နွေးထွေးစွာအနားယူရမယ့် နေရာပါ။

          နွေးထွေးစွာ အနားယူရမယ့် အိမ်လေးဟာ ကိုယ်တစ်ယောက်ထဲအတွက်မဟုတ်ဘဲ အိမ်မှာ နေသူ အိမ်သားအားလုံးနဲ့ပါ ဆိုင်တာကို သိထားရပါမယ်။ ကိုယ်က သီချင်းနဲ့ အနားယူရတာ အပန်းပြေတိုင်း တစ်အိမ်လုံး နားငြီးအောင်လို့ သီချင်းအကျယ်ကြီးမဖွင့်ထားရပါဘူး။ ကိုယ့်ရဲ့ အနားယူအပန်းဖြေမှုဟာ ကိုယ်ရဲ့ ကလေး တစ်နှစ်သားအပါအ၀င် အားလုံးကို စိတ်အနှောက်ယှက် မဖြစ်စေနိုင်မယ့် နည်းမျိုး ဖြစ်ဖို့လည်း လိုပါသေးတယ်။

          ပျော်စရာကောင်းတဲ့အိမ်လေး တစ်အိမ်ဖြစ်ဖို့အတွက် အိမ်ကြီးဟာ ခမ်းနားကြီးကျယ် နေစရာမလိုပါဘူး ။ ပန်းခြံလှလှရှိသည်ဖြစ်စေ မရှိသည် ဖြစ်စေ သိပ်အရေးမကြီးလှပါဘူး။ အဲလိုပဲ အိမ်ထဲမှာ အဖိုးတန်ပစ္စည်းတွေ ရှိတာ မရှိတာနဲ့လည်း မဆိုင်ပါဘူး။ ကျွန်မတို့ဟာ ကိုယ့်ရဲ့ အိမ်အစုတ်ကလေးထဲမှာပဲ ပျော်စရာတွေကို ဖန်တီးယူလို့ရပါတယ်။ ပျော်စရာကောင်းတဲ့ အိမ်ကလေးထဲမှာ ကြီးပြင်းခွင့်ရတဲ့ ကလေးများဟာ လူ့လောကကို ပိုပြီးတော့ချစ်တတ်၊ ခင်တတ်၊ တွယ်တာတတ်ကြပါတယ်။

          ကျွန်မတို့တစ်တွေဟာ အိမ်ကလေးကို လှလှပပ ဖန်တီးချင်တတ်ကြပါတယ်။ ငွေကြေးသုံးနိုင်၇င် သုံးနိုင်သလောက် အလှပပစ္စည်းလေးတွေ၊ အဖိုးတန်တွေကို အိမ်လေးထဲမှာ ထည့်သွင်းချိတ်ဆွဲလာ ကြပါတယ်။ ကိုယ့်အိမ်ကလေး အမြဲတမ်းတောက်ပ ခမ်းနားနေစေဖို့ အားထုတ်ကြပါတယ်။ အဲလို နဲ့ အိမ်ဟာ အဖိုးတန် ပစ္စည်းတွေ ပြသ၇ာ ပြခန်းတစ်ခန်းနဲ့ တူတူလာတော့တာပါပဲ။ အိမ်ထဲမှာ ရှိနေတဲ့ ကလေးတွေဟာ အဖိုးတန်လိုက်ကာ ကြီးကို လက်ပေနဲ့ ကိုင်မိလို့ အဆူခံကြရသလို၊ ကော်ဇော်ကြီးပေါ်ကို ခြေထောက်ပေကြီး တွေနဲ့ မတတ်မိဖို့ အမြဲတမ်းသတိကြီးကြီးထားနေ၇တော့တယ်။ ပြီးတော့ ပြေးရင်းလွှားရင်းနဲ့ အဖိုးတန် ပန်းအိုးကြီးကို လက်နဲ့ မတိုက်မိဖို့လည်း သတိထားရသေးရဲ့။ ကိုယ့်ရဲ့ အိမ်လေးကို အမြဲတမ်း သန့်ရှင်း တောက်ပြောင်နေဖို့ အားထုတ်နေရသူ အိမ်ရှင်မ(ကလေးတို့မေမေ) ခမြာမှာလည်း ပင်ပန်းမှုတွေနဲ့ စိတ်တွေ ဖိစီးလေးလံလို့။အိမ်ဆိုတာ သန့်ရှင်းဖို့ လိုတာမှန်ပေမယ့် သိပ်ကို သေသပ်သပ်ရပ်နေဖို့ မလိုလှပါဘူး။

          အိမ်ဆိုတာဟာ အိမ်သားအားလုံး သက်သောင့်သက်သာနဲ့ အနားယူနိုင်ဖို့ က အဓိကပါ။ အိမ်သားဆိုတဲ့ နေရာမှာ ကလေးတွေလည်း ပါပါတယ်။ ပျော်စရာကောင်းတဲ့ အိမ်လေးထဲမှာ စာအုပ်တွေရှိတယ်။ သီချင်းတွေလည်းရှိတယ်။ ကလေးကစားချင်ရာဆွဲပြီးတော့ ကစားနိုင်အောင် ထားပေးထားတဲ့ အရုပ်စင်လေးလဲရှိတယ်။ ပျော်စရာကောင်းတဲ့ အိမ်လေးထဲမှာ..အိမ်အလုပ်ဆိုတာ အိမ်ရှင်မ အမေ တစ်ယောက်ထဲ သိမ်းကြုံးလုပ်ရမယ့် အလုပ်မဟုတ်ဘူး ဆိုတာကို အ်ိမ်သားအားလုံးက နားလည်ကြပါတယ်။ အဖေက အမေ့ကို ပန်းကန်ကူဆေးပေးသလို၊ သမီးကလည်း တံမျက်စည်း ကူလှဲပေးလို့။ တစ်အိမ်သားလုံး အိမ်အလုပ်ကို တတ်ညီလက်ညီနဲ့ ပျော်ပျော်ပါးပါးလုပ်ကြပါတယ်။

          ပျော်စရာကောင်းတဲ့အိမ်လေးထဲမှာ စိတ်ညစ်စရာ၊၀မ်းနည်းစရာတို့ မရှိရဘူးလို့ မဆိုလိုပါဘူး။ စိတ်ညစ်စရာဝမ်းနည်းစရာတွေ ကြုံလာကြတဲ့အခါမှာလည်း အတူတူဖြေ၇ှင်းပြီးတော့ ကျော်ဖြတ်ကြပါတယ်။ မိသားစုဝင်အားလုံး အတူတူ ထမင်းစုစားကြ၊ စကားစမည်ပြောကြနဲ့ နေတတ်ကြပါတယ်။  စိတ်ပျက်စရာ တစ်ခုခု နဲ့ကြုံတွေ့ရင်တောင်မှ ပျော်စရာ၊ရယ်စရာ ရှုထောင့်ကနေကြည့်ပြီးတော့ ကြံဖန်ရယ်မောတတ်ကြ တယ်။ ပျော်စရာကောင်းတဲ့အိမ်လေး ထဲက မိသားစုဝင်တို့ဟာ တစ်ဦးရဲ့စိတ်ဝင်စားမှုကို တစ်ဦးက အလေးထား လေးစားတတ်ကြပါတယ်။ သူ့ရဲ့စိတ်ဝင်စားမှုဟာ ကိုယ်နဲ့ မတူပေမယ့်လို့ အပြစ်မပြောကြ ပါဘူး။

          ပျော်စရာကောင်းတဲ့ မိသားစုဝင်ထဲက အဖေတို့အမေတို့အတွက် ဆယ်ကျော်သက်ရွယ်သမီး ဟစ်ဟော့ သီချင်းနားထောင်တာ၊ သားဆံပင် ကို ဂျယ်နဲ့ ထောင်ထားတာတွေဟာ ပြသနာမဟုတ်ပါဘူး။ အဲလိုပဲ အဖေဖြစ်သူလုံးဝ ၀ါသနာမပါလှတဲ့ ဗေဒင်မေးယတြာခြေတာတွေကို အမေဖြစ်သူက လုပ်နေတာတွေ ဟာလည်း အငြင်းပွားစရာ ကိစ္စမဟုတ်ကြပါဘူး။ ကိုယ့်အလုပ်နဲ့ကိုယ် ၊ ကိုယ့် စိတ်ဝင်စားမှုနဲ့ ကိုယ် နေကြတယ်လို့ ဆိုပေမယ့် မိသားစုအရေးကိစ္စမှာ တော့ အားလုံးတတ်ညီလက်ညီ ရှိတတ်ကြပါတယ်။ သားလေးရဲ့ ပညာရေးတိုးတတ်မှုအခြေနေဟာ အမေတစ်ယောက်ထဲ ကိစ္စမဟုတ်မှန်း အဖေက နားလည်ပါတယ်။

          ပျော်စရာကောင်းတဲ့ အိမ်လေးထဲက မိသားစုဝင်တွေဟာ တစ်ယောက်ကို တစ်ယောက်နားလည် ညှာတာတတ်ကြတယ်။ အမှားတစ်စုံတစ်ရာဖြစ်လာရင်လည်း တစ်ယောက်နဲ့ တစ်ယောက် အပြစ်မပုံချတတ်ကြဘူး။  တကယ်တော့ ပျော်စရာကောင်းတဲ့ အိမ်လေးကို ကျွန်မတို့ကိုယ်တိုင် ဖန်တီး တည်ဆောက်ယူလို့ ရပါတယ်။ ပျော်စရာကောင်းတဲ့အိမ်လေးမှာ လွတ်လပ်လုံခြုံစွာ ကြီးပြင်းခွင့်ရလာတဲ့ ကလေးတစ်ယောက် အဖို့ လူ့လောကပတ်ဝန်းကျင် နဲ့ ကိုယ့်ကိုကိုယ် ကို အကောင်းမြင်စိတ် ၊ချစ်စိတ်တို့ ပိုပြီးဖွံ့ဖြိုးလာနိုင်ပါတယ်။ လောက ကို ရှူမြင်သုံးသပ်တဲ့ အခါမှာ အကောင်းဘက်ကနေမြင်တတ်ဖို့ ဆိုတာ အင်မတန်မှ အရေးကြီးတဲ့ စွမ်းရည်တစ်ခုပါ။

          ကျွန်မ ဟိုတစ်လောက ပါမောက္ခတစ်ယောက်နဲ့တွေ့တဲ့အခါမှာ သူနဲ့အတူ အရှေ့တိုင်း နဲ့ အနောက်တိုင်းက ကျောင်းသားတွေရဲ့ ကွာခြားချက်ကို ဆွေးနွေးဖြစ်ကြပါတယ်။ ကျွန်မတို့ အရှေ့တိုင်းက ကျောင်းသားတွေဟာ ကိုယ့်မှာ ဘာအားနည်းချက်တွေရှိနေသလဲ ဆိုတာကို ကိုယ့်ဖာသာပြန်ကြည့်တဲ့ အခါမျိုး မှာကိုယ့်ရဲ့ အားနည်းချက်တွေကို ကောင်းကောင်းမြင်တတ်ကြတယ်။ ဒါပေမယ့် ကိုယ့်ရဲ့ ကောင်းကွက် တော်ကွက် စတဲ့ အားသာချက်တွေကို ကြည့်တဲ့ အခါမျိုးမှာတော့ ကိုယ့်ဖာသာ ဘာတွေတော်တယ် ဆိုတာ ကို ထုတ်ပြောဖို့ မရဲကြဘူး လို့ ဆိုပါတယ်။ သိပ်စိတ်ဝင်စားစရာကောင်းတဲ့ အရာပါ။ ဒါဟာ ကျွန်မတို့ရဲ့ အရှေ့တိုင်း ဘက် က မိဘတွေက ကလေးရဲ့ ချို့ယွင်းချက် အားနည်းချက်တွေ ကို ငယ်ငယ်ကတည်းက ထုတ်ပြောပြပြီးတော့ ဆူတတ်ပူတတ်တာကြောင့်များလားလို့ ကျွန်မ တွေးမိပါတယ်။ လူ့လောကမှာ နေရတာ ပျော်ဖို့အတွက်  လူ့လောကနဲ့ ကိုယ့်ကိုယ်ကိုယ် အကောင်းမြင်တတ်ဖို့က သိပ်ကိုအရေးကြီး ပါတယ်။

          ကိုယ့်ရဲ့ အိမ်လေးထဲမှာ တန်ဖိုးကြီးတဲ့ ပစ္စည်းတွေ ဘာမှမရှိပေမယ့် လည်း တစ်ယောက်နဲ့ တစ်ယောက် ကောင်းတာလေးတွေ၊တော်တာလေးတွေကို ပဲမြင်ကြည့်ကြမယ်၊ ဘယ်လောက်ပဲ စိတ်ညစ်စရာ တွေ တွေ့တွေ့ရယ်မောနိုင်အောင်လို့ ကြိုးစားကြမယ်ဆိုရင်..အဲဒီ့အိမ်လေးထဲက နေ ကြီးပြင်းလာရမယ့် ကလေးများအတွက် လူ့လောက ဆိုတာ ပျော်စ၇ာ၊ လူတွေဆိုတာ ချစ်စရာလို့ ထင်လာကြမှာပါပဲ..။ လူ့လောက ကို ချစ်ခင်တွယ်တာစိတ်ထားဖို့ ဆိုတာ တကယ်တော့သိပ်ကိုမှအရေးကြီးတဲ့ အရာပါ။ လူ့လောက ကို ချစ်ခင်တွယ်တာတတ်၊ လူတွေကို ချစ်တတ်တဲ့လူဟာ လူ့အသိုင်းဝိုင်းကို ဘယ်တော့ မှ ဒုက္ခ မပေးပါဘူး။ သမိုင်းမှာ..လူတွေကို အကြီးအကျယ် ဒုက္ခပေးခဲ့သူများရဲ့ ငယ်ဘ၀ကို ပြန်လေ့လာကြည့်မယ်ဆို ရင် ငရဲနဲ့တူတဲ့အိမ်တွေထဲက ကြီးပြင်းလာကြရတဲ့ သူတွေချည်းပါပဲ။ ကျွန်မတို့ရဲ့ လူ့အသိုင်းဝိုင်းကြီး တစ်ခုလုံး အတွက် အိမ်တွေဟာ သိပ်ကိုမှ အရေးပါလှပါတယ်။ ပျော်စရာကောင်းတဲ့ အိမ်လေးတွေ များပါမှ ပျော်စရာကောင်းတဲ့ မြို့ရွာ၊နိုင်ငံ၊ ပျော်စရာကောင်းတဲ့ ကမ္ဘာဖြစ်လာမှာပါ။

          ပျော်စရာကောင်းတဲ့အိမ်လေးတွေ ဆောက်ဖို့ ဆိုတာ သိပ်မခက်လှပါဘူး။ ကျွန်မတို့ရဲ့ နှလုံးသားတွေ ထဲမှာ ပျော်စရာက ခိုအောင်းနေပါတယ်။ သူ့ကို လွတ်လပ်စွာကြီးထွားခွင့်ပေးဖို့ သာပါပဲ။ ဆူသံပူသံ၊ မကြေမနပ် မြည်တမ်း ညည်းတွားသံတွေအစား လွတ်လပ်စွာ ဆော့ကစားနေတဲ့ ကလေးတို့ရဲ့ ရယ်သံ တွေကို သာ ကျွန်မတို့ အိမ်လေးထဲမှာ ထည့်သွင်းထားနိုင်ခဲ့မယ်ဆိုရင် ကျွန်မတို့ရဲ့ အနာဂါတ်ကမ္ဘာဟာ ဒီ့ထက်ပိုပြီး တော့ သာယာနိုင်လိ်မ့်မယ်လို့ ထင်ပါတယ်။


ခေတ်ဘုန်းသစ်

Ref: Wonderful ways to be a family by Judy Ford

Tuesday, September 4, 2012

ဒုတိယဇာတ်လိုက်

            ပိုက်ဆံ ဆိုသည့်စကားလုံး၏ နောက်က အနက်အဓိပါယ်များကို ကျွန်မ ဘယ်အရွယ်လောက်က စပြီး ပုံဖေါ်နိုင်ခဲ့ပါလ်ိမ့် ဟု စဉ်းစားနေခဲ့မိသည်။ လေးနှစ် အရွယ်လား ။ ငါးနှစ်အရွယ်လား။ သို့မဟုတ် ထို့ထက် စောသလား။ ကျွန်မ မမှတ်မိတော့ပါ။ ကျွန်မ ငယ်ဘ၀၏ ပုံရိပ်များထဲတွင် တော့မျက်လုံးပြာပြာ၊ ဆံပင်ဝါ၀ါ နှင့် ဘိုမ ရုပ်လေးသည် ကျွန်မ၏ မှတ်ညဏ် ကို ကလူကျီစယ်နေခဲ့၏။   တမဲ့မဲနှင့် ၀မ်းနည်းပမ်းနည်း ငိုနေသော ကျွန်မနံဘေးမှာ မျက်နှာမသာမယာနှင့် ဖေဖေ့ပုံ က ရုပ်ရှင်ပြကွက် အပိုင်းစများလို ကျွန်မ မှတ်ညဏ် ထဲသို့ အလိုမတူပါဘဲ စွန်းထင်းကာ တိုးဝင် လာခဲ့ပြန်သည်။

          နောက်ထပ်မှတ်ညဏ်ပြကွက်ထဲတွင်တော့ ဂါဝန်အဖြူလေးတစ်ထည်ကို ရသဖြင့် ခုန်ပေါက်ပျော်ရွှင် နေသောကျွန်မ။ ကျွန်မ၏ တစ်ချို့သော ပျော်ရွှင်ခြင်း၊၀မ်းနည်းခြင်း တို့ကို ပိုက်ဆံသည် ခြယ်လှယ်နိုင်လောက်အောင် တန်ခိုးရှိခဲ့မှန်း ငယ်သေးသည်မို့ ထိုအချိန်တုံးကတော့ ကျွန်မ မသိခဲ့တာသေချာပါသည်။ ထို့နောက်တွင်တော့ ကျွန်မသည် ပိုက်ဆံ တို့၏ တန်ခိုးကို အကန့်သက် မဲ့စွာ သိနားလည် လာခဲ့ရတော့၏။

          မနက်မိုးလင်း မျက်စိနှစ်လုံးစပွင့်သည်ကတည်းက မိုးစုန်းစုန်းချုပ်သည်အထိ ကျွန်မတို့နှင့် မပတ်သတ် လို့မရသော ပိုက်ဆံတို့ အကြောင်းကို အရွယ်ရောက်လာသည်နှင့် အမျှ ကျွန်မသည် ပိုနားလည် လာခဲ့ရ သည်။ ပိုက်ဆံဖြင့် ကျွန်မ ကြိုက်သော ရေခဲချောင်း ကို ၀ယ်စားနိုင်သည်။ ပိုက်ဆံဖြင့် ကျွန်မကြိုက်သော ဖိနပ်၊ အင်္ကျိ တို့ဝယ်နိုင်သည်။ ပိုက်ဆံဖြင့် ကာတွန်းစာအုပ် ငှားဖတ်နိုင်သည်။  ပိုက်ဆံဖြင့် ရောင်စုံခဲတံလေးများ ကို ၀ယ်နိုင်သည်။ ပိုက်ဆံဆိုသည် မှာ ပိုက်ဆံချည်းပဲဆိုရင်ဖြင့် တပ်မက်ဖွယ် အရာမဟုတ်လှသော်လည်း နွမ်းနွမ်းရိရိထို ပိုက်ဆံတို့ဖြင့် တပ်မက်ညွှတ်နူးဖွယ် အရာတို့ကို ၀ယ်ယူ၍ ရနိုင်သော အခါ မှာတော့ ပိုက်ဆံ သည် တပ်မက်စရာတို့ထက် ပိုသော တပ်မက်စရာ ဖြစ်လာရတော့သည်။

           တကယ်တော့ပိုက်ဆံဆိုသည် မှာ လူတို့ဖန်တီးထားသော သုံးစွဲစရာ လူ့ အသုံးဆောင်တစ်ခုမျှသာ။ သို့သော်လူတို့ဖန်တီးသော ထို ပိုက်ဆံသည် လူတို့ကို ပြန်၍စေစားနိုင်စွမ်းရှိခဲ့၏။ ထိုအကြောင်းကို  ကျွန်မသည် အလွန်ငယ်ရွယ် သေးသော အချိန်ကတည်းကိုက ရှေ့နေဖြစ်သူ ကျွန်မအဖေဆီသို့  အမှုလာအပ်သော လူတို့၏ လောင်မြိုက်မှုတွေ ကို ကြည့်ရင်း ကြောက်ရွံ့နာကြင်စွာ နားလည်ခဲ့ရ၏။ ပိုက်ဆံနှင့် ရုပ်ဝတ္ထုပစ္စည်း တို့ကြားထဲက ပေါင်းကူးတံတားပေါ်မှာ သူငယ်ချင်းတို့ရဲ့ သံယောဇဉ်ကို ချနင်းလိုက်တာကို တွေ့ရသည့်အခါ။ ဆွေမျိုးမောင်နှမတို့၏ ချစ်ခြင်းရနံ့ ထက် ငွေနံ့ကြေးနံ့ တို့၏ ရနံ့က ပို၍ သင်းပျံ့သည်ဟု ထင်ကြသော လူတို့ကို တွေ့ရသည့်အခါ ။ လူ့တန်ဖိုးထက် ငွေတန်ဖိုးကို ထုလုပ်ပူဇော်ချင်သော လူတို့ကိုတွေ့ရသော အခါ။ ပိုက်ဆံဆိုသော စကားလုံး၏ အတိမ်အနက်ကို စိတ်ဖြာခွဲခြမ်းမိတော့သည်။

          ထိုအခါ လူတို့ ၏ ချစ်ခြင်းမေတ္တာကို ခမ်းခြောက်သေးသိမ် သွားအောင်လည်းလုပ်ပစ်နိုင်စွမ်းရှိသော ပိုက်ဆံ၏ အစွမ်းကို ကျွန်မသည် ကြောက်လန့်တကြားဖြင့် နားလည်လာရ တော့သည်။ပိုက်ဆံသည် သစ္စာတရားတို့ကို ညှိုးရော်နွမ်းခြောက်သွားစေဖို့ မီမြှိက်ပေးနိုင်သည်။ ပိုက်ဆံသည် စည်းရိုးတစ်ချို့ကို ပြောင်တင်းရဲဝံ့ စွာ ချိုး ဖောက်ပြစ်လိုက်ဖို့ မျက်နှာဖုံး ဖြစ်စေနိုင်သည်။ ပိုက်ဆံသည် လူတို့၏ တန်ဖိုးတချို့တို့ကို အလဲအထပ် လုပ်ကာ နင်းခြေပစ်လိုက်ဖို့ ခါးသီးရွံမုန်းစရာ မှော်တုတ်တံ တစ်ချောင်းလည်း ဖြစ်နိုင်သေးသည်။

           မျက်လှည့်စရာ ရဲ့ဦးထုတ်ထဲက အံသြစရာ ယုန်ကလေးထွက်လာသလို မျိုး ပိုက်ဆံသည် တစ်ချို့ သော လူတို့အတွက် စနစ်ကျစွာ ဖန်တီးထားသော အံဝှက်လည်းဖြစ်နိုင်သေးသည်။ ပိုက်ဆံနောက်သို့ ချွေးဒီးဒီးယို ကျ အောင်အမော တကော ပြေးလိုက်ရင်းဖြင့် မလိုက်နိုင်တော့သည့်အခါ ကိုယ့်ရဲ့ ကိုယ်ကျင့် တရားများကို စ်ိတ်အနာကြင်ခံကာ တစ်စတစ်စ ပြုတ်ကျ လျှော့ချလိုက်ရသော လူတို့ကို မြင်ရသည့် အခါ မှာတော့ ကျွန်မသည် ဘာကို နာကြဉ်းမိမှန်းမသိကာ နာကြဉ်းမိလာသည်။ ပိုက်ဆံသည် ပျော်ရွှင်မှုတို့ကို ယူဆောင် လာနိုင်သလို၊ သူယူဆောင်လာခဲ့သော ပျော်ရွှင်မှုတို့ကို ပဲ တငွေ့ငွေ့ဖြင့် လောင်ကြွမ်းပျက်စီး သွားစေဖို့ ကျီးစားသန်တတ်သေးသည်။

            ဆယ်ကျော်သက်မရောက်တရောက် အရွယ် စာဖတ်လာတော့ ပိုက်ဆံနှင့်ပတ်သတ်၍ မျက်ရည်ဝဲစေ သည်အထိ ကျွန်မစိတ်ကိုနာကြင်စေနိုင် ခဲ့သည်မှာ ဆရာမင်းသုဝဏ်၏ ဘကြီးအောင်ညာတယ်မှ ကလေးလေး ဖြစ်ခဲ့ သည်။ ယမင်းရုပ်လေး ကို ရဖို့ ပိုက်ဆံပေါင်းကူး ဖြင့် တံတားထိုးဖို့ကြိုးစားခဲ့သော်လည်း နောက်ဆုံး အသက်ပါဆုံးသွားရသူလေး ရဲ့ အဖြစ်ကို တွေးကာ ကျွန်မသည် အစထဲက သူ့မှာ အရုပ်ဖိုး ပိုက်ဆံသာ ရှိခဲ့ရင် အခုလို သေမှာမဟုတ်ဘူး ဟု ကလေးအတွေးဖြင့် တမြေ့မြေ့တွေးရင်း ၀မ်းနည်းလို့ မဆုံးခဲ့။ သို့သော် ကျွန်မကြီးပြင်းလာသော အချိန်မှာတော့ ၀တ္ထုထဲမှ ယမင်းရုပ် အဖြစ် ထက် ဆိုးလှသော လူနှင့် ပိုက်ဆံတို့၏ စိန်ခေါ်တိုက်ပွဲများထဲမှ ဆို့နင့်ကြေကွဲစရာ အဖြစ်တို့ကို ကြုံလာခဲ့ရတော့၏။ထိုအခါ ပိုက်ဆံဆိုတာ နတ်ဘုရားအရောင်ဆောင်ထားသော မကောင်းဆိုးဝါး သက်သက်ပဲ ဟုတွေးရင်းဖြင့် နာကြင် လာရတော့သည်။  သွေး သွင်းဖို့ သွေးပုလင်း မ၀ယ်နိုင်တာမို့ကလေးနှင့်  သွေးမျိုးတူသော အလှူရှင် ကို လိုက်ရှာရင်း ဖြင့် အသက် ပျောက်သွားသော ဆေးရုံမှ သွေးလွန်တုတ်ကွေးကလေးလေးကို မြင်ရသောအခါ။ ခွေးရူးကာကွယ် ဆေး မထိုးနိုင်သောကြောင့်  ခွေးကိုက်တာကို နနွင်းမှုန့်သိပ်ရင်းဖြင့် ခွေးရူးပြန်ကာ သေသွား ရ သော သူအကြောင်းကို ကြားရသောအခါ ကျွန်မသည် ဘာကိုဆဲရေးနာကြဉ်းရမှန်း မသိကာ နာကြဉ်းလာရပြန်သည်။  ငွေကြေးချို့တဲ့ လာသည်နှင့်အမျှ လူတို့၏ အသိညဏ်တို့သည်လည်း ကိုယ့် ကို ဒုက္ခပေးနိုင်သော ဆူးညှောင့် ခလုတ်တို့ကိုပင် မမြင်ရတော့လောက်အောင်ပင် မည်းမှောင်လာရတော့သည်တဲ့ လား။ ငွေကြေးနောက်သို့ မမှီမကန်းဖြင့် ယက်ကန်ရုန်းကန် လိုက်ပါရင်း  လူတို့၏ အသိညဏ်တွေ၊ဘ၀ရဲ့ ပျော်ရွှင်မှုတေ၊ွ အကုန်လုံး ကျပျောက်ဆုံးကုန်တော့သည်။ ကြံဖတ်စလို ဖွာလန်အရည်ကင်းမဲ့ နေသော ဘ၀တို့ကို  လမ်းပေါ်က ခဲလုံးတွေလိုမျိုး ပေါများစွာ ဟိုဟိုဒီဒီမှာ  တွေ့လာခဲ့ ရပါသည်။ ကျွန်မတို့ဆင်းရဲ လွန်းလှသည်ကော။

            ဆင်းရဲလာသည်နှင့်အမျှ ချို့တဲ့လာသော အရာများစွာတို့ထဲမှာမှ ဘယ်တော့မှ ပြန်၍ မရနိုင်တော့ သော တန်ဖိုးတစ်ချို့ တို့ မျောပါသွားသည်ကဖြင့် နှမြောကြေကွဲစရာကောင်းလွန်းလှပါသည်။ သို့သော် ပိုက်ဆံတို့သည် ချွင်းချက် တချို့ ထဲ၌ ပါဝင်သွားစေဖို့ ပို့ဆောင်နိုင်စွမ်းပို၍ ပို၍ ရှိလာခဲ့သည်။ ပိုက်ဆံ ဆိုသည်မှာ လူ့အသုံး ဆောင် ပစ္စည်းသက်သက် သာ ၀ယ်ယူနိုင်သောအရာမဟုတ်တော့။ ပိုက်ဆံ၏ ၀ယ်ယူနိုင်စွမ်းတို့မြင့်မားလာသည်နှင့်အမျှ အမေနှင့်သား၊ အဖေနှင့် သမီးတို့ သည်လည်း ပိုက်ဆံကြောင့် စိမ်းသက်ဝေးကွာ လာခဲ့ကြပြီ။ ကုန်ဖလှယ်သည့် အဆင့်ထက်မက သော တန်ခိုးတို့ကို ပိုက်ဆံများထဲတွင် စိမ့်ဝင်ပူးကပ်သွားစေဖို့ လူတို့ဖန်တီးနိုင်ကြသောအခါ  ဘယ်လို မှော်အတတ် တွေနှင့်များ မန်းမှုတ်နိုင်လိုက်ပါလိမ့် ဟု ကျွန်မတွေးချင်လာခဲ့မိတော့သည်။ ပိုက်ဆံသည် မှော်ဝင်ဆီမီးခွက်လို လိုရာကို စေနိုင်သတဲ့လား။  အမှန်တရားတစ်ချို့သည်ပင် ပိုက်ဆံကြောင့် ပုံပြောင်း သေးကြုံ့ သွားနိုင်သတဲ့လား။  ထိုအခါ တတိယ ကမ္ဘာ့နိုင်ငံများ တွင် ဖြစ်တတ်သော ချစားမှု များထဲ ၌ ပိုက်ဆံသည် တန်ခိုးအမျိုးမျိုး တို့ဖြင့် အစွမ်းပြနိုင်လောက်အောင် တန်ဖိုး တတ်ခဲ့ရတော့သည်။  ပိုက်ဆံ ဖြင့် လူတို့၏ အရည်အသွေး ကို တိုင်းတာ သတ်မှတ်သော လူတန်းစားများများပြားလာသည်နှင့်အမျှ လူတို့၏ စစ်မှန်သော တန်ဖိုးနှင့် လူ့အသိုင်းဝိုင်း အတွက် အရေးကြီးလှသော လူ့အရည်အသွေးများ လျှော့နည်းလာရတော့သည်။ ငွေကြေးဖြင့် တရားရေးမဏိုင်ကို ယိုင်နဲ့အောင်လုပ်ကြသောအခါ၊ ငွေကြေးဖြင့် ပညာအတုကို ရွှေရောင်တ၀င်းဝင်း ဖြစ်အောင်မန်းမှုတ်အရောင်သွင်း ပြီးတော့ ရောင်းချကြသောအခါ  ပိုက်ဆံသည်..နိုင်ငံကို ၊ကမ္ဘာကို၊ လူတို့ကို ဖျက်စီးခြေမွ ပစ်လိုက်နိုင်သော အဆိပ်ဖြစ်လာခဲ့တော့သည်။ ထိုအခါ လူတို့အသက်သွင်းခဲ့သော ထို ပိုက်ဆံတို့သည်ပင် လူ့တို့၏ အသက်အိုးအိမ် စည်းစိမ်များကို သွေးအေးရက်စက်စွာ ခြယ်လှယ်နိုင်သည်အထိ အစွမ်းထက်၍ လာပြီး ၊ ပိုက်ဆံဖြင့် လုံခြုံ နိုင်သည်ဟုထင်ရသော လူတို့သည် ထိုပိုက်ဆံကြောင့် ပင် လုံခြုံမှုရော့နည်းလာရတော့၏။

          ပွန်းပဲ့လာသောကိုယ်ကျင့်တရားတစ်ချို့မှ ငေါထွက်လာသော စိတ်ရိုင်းတို့ကို ပိုက်ဆံသည် တောင်ပံ တပ်ကာ ဇာတ်ကုန်ဖွင့်ပေးထားတော့သည်။ထိုသို့ဖြင့် စေးကပ်သော ပင့်ကူမျှဉ် များ လို ပိုက်ဆံမျှဉ်များဖြင့် ကိုယ်ပေါ်မှာ တွယ်ကပ်ကာ ခွာမရအောင် တုတ်နှောင်နေတော့သည်။ ခွာမရသော အစေးအမျှင် တို့ ဖြင့် ငြိစွန်းကာ တိုးဝှေ့ရင်းနှင့် ပင် ထို အထဲမှာ လွတ်မရတော့ပြန်ချေ။ ဒါသည် ပင်လူ့ဘ၀ရဲ့ အရသာ  ဟု ဆိုချင်သူတို့ ဆိုကြဦးတော့မည်။   ထိုသို့ ဆိုရင်ဖြင့် ကျွန်မငြင်းဆိုချင်ပါသည်။ ပိုက်ဆံဖြင့် ၀ယ်ယူမရနိုင် သော အရာတို့ လောကမှာ မြောက်များစွာရှိသေးကြောင်းကို ကျွန်မသည် ရဲဝံ့မိုက်မဲစွာဖြင့်ပင် ယုံကြည်နေဆဲ ရှိပါသေးသည်။ စစ်မှန်သော ရင်တွင်းမှ လာသည့် ချစ်ခြင်းမေတ္တာနှင့် ညဏ်ပညာ ကို ဘယ်လို ငွေကြေးများနှင့် မှ ၀ယ်ယူ၍ မရနိုင်ကြောင်း ကို ရူးမိုက်စွာ ယုံကြည်ချင်သေး၏။ ပြည့်စုံသောချစ်ခြင်းမေတ္တာနှင့် ပြည့်ဝသော ညဏ်ပညာတို့သည် ကိုယ်ကျင့်တရားတို့ကို ခိုင်မြဲစွာ ထိန်းသိမ်း စောင့်ရှောက် နိုင်စေသလို၊ ညွတ်နူးဖွယ် ကိုယ်ချင်းစာစိတ်ဖြင့် လည်းကမ္ဘာလောက ကို  ငြိမ်းချမ်းလှပစေ နိုင်ပါသည်။

           သို့သော် ပိုက်ဆံ(ငွေကြေး) ၏ အခန်းဂဏ သည် ကမ္ဘာမှာ အရေးပါလှသော ဂဏတစ်ရပ်ဖြစ်လာခဲ့ပြီ ဆိုသည်ကို ဖြင့် ဘယ်သူမှ မငြင်းဆို နိုင်တော့ တာ သေချာပါသည်။ ပိုက်ဆံဖြင့် ကုန်ဖလှယ်ရုံသာ မကတော့ ဘဲ ပိုက်ဆံ(ငွေကြေး) သည် လူသားတို့ အကျိုးအတွက် တီထွင်ကြံဆစရာများကို ကြံဆနိုင်ဖို့ သုတေသန လုပ်ငန်း တို့ကို သန်စွမ်းဖွံဖြိုးလာအောင် ထောက်ကန်ပေးနိုင်သော  အရာတစ်ခုဖြစ်လာခဲ့သည်။ လူသားတို့ အသက်ရှည်စွာ နေထိုင်နိုင်စေဖို့ အတွက် ငွေကြေးဖြင့် ဆေးဝါးကိရိယာများကိုလည်း တီထွင်ဖေါ်စပ်နိုင်သေးသည်။ ပိုက်ဆံ သည် အရေးကြီးလှသော ထိုအရာများကို တီထွင်ဖို့ ကြံဆ အသုံးပြုနိုင်စေဖို့ အတွက် ထောက်ကူ ကန်မ ပေးနိုင်သော အရေးကြီးသည့်အရာတစ်ခုဖြစ်လာခဲ့၏။  

        သမိုင်းကိုပြန်ကြည့်လိုက်မည် ဆိုရင်ဖြင့် စီးပွားရေးတောင့်တင်းခို်င်မာသော နိုင်ငံကြီးများသည် ပိုက်ဆံကို အသုံးပြု၍ လူ့သမိုင်းကို တန်ဖိုးတတ်အောင်လုပ်နိုင်ခဲ့ကြသည်ကော။  စီးပွားရေးကျဆင်း လာသည် နှင့်အမျှ စားဝတ်နေရေးကိုသာ လုံးပန်းကာ ရှာဖွေရသည်မို့ ပိုက်ဆံမရှိခြင်းသည်  လူတို့ကို အသိပညာအမှောင်ခေတ်ထဲသို့ တွန်းပို့လိုက် သလိုဖြစ်တော့သည်။ သုတေသနတွေလုပ်ဖို့ ပိုက်ဆံလိုသည်။ စာကြည့်တိုက်တွေ ဆောက်ဖို့ ပိုက်ဆံလို သည်။ ကလေးတို့ကျောင်းတွေမှာ သိပံစမ်းသပ်ခန်းများ ရှိဖို့ ပိုက်ဆံလိုသည်။ တစ်ကျောင်းလုံးမှာ တစ်လုံးသာ ရှိသော ကွန်ပြူတာကို မြင်ဖူးအောင် အနားကပ်ကာရပ်ကြည့်ရုံပဲ မဖြစ်ဖို့ ပိုက်ဆံလိုပါသည်။ သို့သော် ပိုက်ဆံဆိုသော ထိုအရာသည် အရာအားလုံး၏ အထက်က ပထမနေရာမှာ အောင်လံတလူလူ ဖြင့် ရှိမနေဖို့ ကတော့ဖြင့် သိပ်ကိုမှ အရေးကြီး လှပါသည်။ လူတို့သည်  ပိုက်ဆံကို ပထမနေရာမှာ ထားလာသည့်အခါ ပိုက်ဆံမှ လွဲ၍ တခြား အရာအားလုံးတို့သည်  ဆုံးရှုံလို့ ဆုံးရှုံးသွားမှန်း မသိအောင်ပင် လျှောကျပျောက်ဆုံး ကုန်ရတော့ သည်။ ထိုအခါ ပိုက်ဆံမှ လွဲ၍ ဘာဆို ဘာမှ မရှိသော အခွံသက်သက် သာ ကျန်တော့သည်ပေါ့။ ကိုယ်ကျင့်တရား အခွံ၊ အသိပညာအခွံ၊ မေတ္တာအခွံ၊ မိတ်ဆွေအခွံတို့ ဘယ်လို အခွံပဲကျန်ပါစေ အားလုံးကို ပိုက်ဆံ တစ်ခုထဲနှင့် လဲနိုင်သော လူတန်းစားများ နိုင်ငံမှာ များပြားလာသည့် အခါ ပိုက်ဆံသည် နိုင်ငံ၏ ရင်ဝကို စိုက်သော ဓားတစ်ချောင်း ဖြစ်လာခဲ့တော့သည်။ပိုက်ဆံသည် လူ့ကျင့်ဝတ်တို့ကို ရိုက်ချိုးဖျက်ဆီး နိုင်သည်အထိ တွင်ကျယ်စွာနေရာ ရလာပြီ ဆိုရင် တော့ လူမျိုး တို့၏ ဂုဏ် သိက္ခာ၊နိုင်ငံ၏ ဂုဏ်သိက္ခာ တို့ပါ မည်းကြေစွန်းပေ ကုန်ရတော့သည်။ ပိုက်ဆံသည် တကယ်တော့ ဘယ်သူမှ အစားထိုးလုယူလို့ မရနိုင်သော ဒုတိယနေရာမှာ အသုံးချတန်ဖိုးသက်သက် ဖြင့် ဂုဏ်သိက္ခာရှိစွာ ရှိနေသင့်ပါသည်။   ပထမနေရာ တွင် တော့ ကျန်းမာရေး၊မိသားစု၊ ချစ်ခြင်းမေတ္တာနှင့် ညဏ်ပညာ ၊ တီထွင်ဖန်တီးမှု၊ အနုပညာ၊ သိပံပညာ စသည်တို့က ဘ၀လမ်း တလျှောက် မှာ တစ်လှည့်စီနေရာ ယူသွားလိမ့်မည်ပေါ့။

           သို့သော် မည်သို့ပင်ဖြစ်စေ ထိုအရာများကို ချောမွေ့သာယာ လာအောင် ထောက်ကူ ကန်မပေးနိုင်စေဖို့ အတွက် ကတော့ဖြင့် ပိုက်ဆံသည် ဒုတိယ အရေးကြီးဆုံး နေရာမှာ ရှိကိုရှိ နေရပါဦးမည်။။  ကျွန်မတို့မလိုလားသည့် တိုင်အောင် တစ်လက်မမှ နေရာမဖယ်ပေးပဲ ပြိုင်ဘက်ကင်း စွာ ထို ဒုတိယ နေရာမှာသူ ရှိနေရ ပါဦး မည်။ဒုတိယနေရာမှ နေ၍ ပထမနေရာမှ အရာများကို ပျော်ရွှင်သာယာ လာစေဖို့ စေစားနိုင်မည်လား၊  ဖျက်ဆီးချေမွပစ်နိုင်မည်တဲ့လား။  ထိုသည်ကတော့ ခေတ်ကို ဖြတ်သန်းကြ သော..လူတို့၏ သမိုင်းနှင့်သာ ဆိုင်မည်ထင်ပါသည်။ ဒါသည်ကိုပင် လူတစ်ယောက်၏ သမိုင်း။ နိုင်ငံတစ်နိုင်ငံ ၏ သမိုင်း၊ ကမ္ဘာလောက ၏ သမိုင်း လို့ ဆိုသည်လား။ မည်သို့ပင်ဖြစ်စေ လူတို့ရေးသော သမိုင်းတွင် လူတို့ဖန်တီးခဲ့သော ပိုက်ဆံသည် ဒုတိယဇာတ်လိုက် အဖြစ်ဖြင့် ပါဝင်နေခဲ့ ပါဝင်နေစဲရှိ နေပါဦမည်။
ပန်းရိပ်ဖြူ

Sunday, September 2, 2012

မြင်ကွင်း

ဖွင့်ထားတဲ့ ပြတင်းကိုငေးကြည့်တော့
မတွေ့ရတာ နှစ်ကာလကြာ..
လွင့်ပျံ့သွားသောမီးခိုးငွေ့အကြား
ကျကျန်ရစ်တဲ့ ရယ်သံတွေ အထွေးလိုက်..အထွေးလိုက်
မိုးထဲလေထဲ
နှလုံးသားတွေ သံချေးတတ်မြန်လှချည့်
နူးညံ့မှုနဲ့ ရိုးသားမှုဟာ
ကြမ်းတပြေးတည်းမိတ်ဆွေ
နာရီကို မော့ကြည့်
ရပ်နေသတဲ့လား...။
မိုးကရွာတယ်
နေကပူတယ်
လွယ်ထားတဲ့ ကျောပိုးအိတ်ထဲမှာ
အဟာရ က ကျိုးတို့ကျဲတဲ
မော့သောက်လိုက်တဲ့ ပျော်ရွှင်ခြင်းထဲမှာ
ခင်ဗျားအတုမိပြီတဲ့..
စာမျက်နှာအဆုံးမှာ
ဘယ်သူပြန်ရေးတဲ့ အမှန်တရားလဲ
ခင်ဗျား အလိုတူတူ
မတူတူ
နေကတော့ ၀င်သွားမှာပဲ မိတ်ဆွေ..။


ပန်းရိပ်ဖြူ